Kontorchefi ingerlatsinermut digitaliseringimullu

Inussuk IT-mi kontorchefissarsiorpugut ingerlatsinermut digitaliseringimullu aqutsisussamik.

Immikkoortortami suliassat pingaarnerit tassaapput Inussuk IT-imi atortorissaarutinut atukkatsinnut tunngatillugu ulluinnarni ingerlatsineq, atuisunik ikiuisarneq kiisalu ineriartortitsineq.

Inussuk IT-imi kontorchefi ujartugarput tassaavoq aqutsinermik misilittagalik aammalu IT systeminik suliniutinut aqutsinernik, taakku pilersinnerinik kingornalu ulluinnarni ingerlannerinut misilittagalik. Sullitanut suleqatinullu ersarissumik attaveqarsinnaassaatit kaammattuisinnaasuseqarlutillu. Taakkartukkanut siornatigut angusaqarfiusumik suliaqarsimanernut takutitsisinnaassaatit.

Suliassatit

Allaffimmi pisortamut akisussaaffeqarlutit suliassanik ukuninnga suliaqassaatit:

• Ulluinnarni sulisunik aqutsineq
• Akisussaaffippit iluani aningasanik missingersuutit atuutsinneqarnerallu isumagissavatit
• Atuisut ikiorneqartarnerata ingerlanneqarnera
• IT-mi ingerlatsinermut atortorissaarutit atukkatta ataavartumik ingerlanneri ineriartortinnissaallu
• Leverandørinik suleqateqarluanissarput isumagissavat
• Sullitatsinnut attaveqarluarnissaq isumagissavat

Piginnaasatit

Pigaartitagut ilinnullu naatsorsuutigisagut ukuupput:

• IT systeminik ingerlatsinermik atuisunillu ikiuinermik misilittagaqarnissat
• Ukiuni arlalinni digitalinngorsaanermut inerisaanermik suliniutillu annertunerusunik sulianik aqutsisuusarsimanermut taakkununngalu atuutilersitsisarsimanernut misilittagaqarnissaq
• Susassaqarfinni suleqatigisartakkanut leverandørnullu suleqatigiisitsinermik misilittagaqarnissaq
• Kontraktstyringimik misilittagaqarnissaq
• Qarasaasiarsornikkut isumannaallisaanermik suliaqarsimanissaq, suliniutini ulluinnarnilu ingerlatsinermi
• Sutigut tamatigut inunnullu tamanut ersarissumik attaveqarsinnaassaatit, oqaatsitfigut allattariarsornikkullu
• Ilinniarsimassutitsut aqqutigalugu siumut isigisumik suleriuseqassaatit, sullitallu peqataatillugit ineriartortitseqataallutit.
• IT iluani suleriutsinik ilisimasaqassaatit
• Qiimasuullutillu sapiissuseqassaatit

Uagut pilluta

Naalakkersuisut anguniagaraat IT-mik digitaliseriinermillu annertunerusumik atuinikkut

Kalaallit Nunaanni inuiaqatigiit digitalikkut ineriartornerisa siuarsarnissaa, tassunga

ilanngullugu pisortat allaffissorneranni pisariillisaaneq.Tamanna Inussuk IT-miik 

annertuumik peqataaffigaarput. Inussuk IT siulersuisoqarluni ingerlavoq, siulersuisut Kommuneneersuullutillu Namminersorlutik Oqartussaneersuupput. Sulisut Namminersorlutik Oqartussani atorfeqarput.

Neqeroorutigaagut

Atorfik assigiinngitsunik suliaqarfiusoq, namminersorfiusoq unammisassaqarfiusorlu

neqeroorutigaarput, suliamik ingerlatsinermi inuttullu ineriartornissamik periarfissiisoq.

Suleqatit pikkorissut tunniusimasullu peqatigalugit persuarsiorani suliffimmi

avatangiiseqarfiusumi peqataassaatit. Aaqqissuussaanermi Ingerlatsinermut Digitaliseringimullu immikkoortortamiissaatit. Inussuk IT-mi pisortaq qaninnertut sulititsisorissavat.

Atorfik pillugu annertunerusunik paasisaqarusukkuit pisortaq Emil Kleemann attavigissavat oqarasuaat +299 556368 / emkl@nanoq.gl

Ulloq qinnuteqarfissaq kingulleq 27. november 2024

Atorfinitsitsiniarnermut oqaloqateqarnerit ataavartumik ingerlanneqassapput.

Atorfeqarnermi atugassarititaasut

Atorfik akissaateqarfimmi LR 36-mi maanna inissisimavoq. 1. april 2025 LR 36-mi tunngaviusumik akissarsiaq tapiillu aalajangersimasut, soraarnerusutissianullu illuartittagaq ilanngullu, sivisussusilimmik atorfinitsitsinermut tapeq ilanngullugu annertussuseqarput qaamammut Kr. 67.594 ukiumullu Kr. 811.128.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Akissarsianut atorfeqartitaanermullu piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput. Naalagaaffimmi tjenestemandit aamma AC-nut isumaqatigiissutit arlallit, ilaatigut DJØF-ip Finansministereqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Nunamut namminermut ministereqarfiup aammattaaq kommuninut immikkoortortanullu Kalaallit Nunaanni Namminersorlutik Oqartussani atorfinitsinneqarnermi aningaasarsiaqarani sulinngiffeqarnissamut qinnuteqaatit tigulluarneqartarnissaannik innersuussutigisimavaa.

Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut katissimasaannut /aappaannut aamma atuupput.

Aallaavittut sapaatip akunneranut sulineq akunnernik 40-nik sivisussuseqarpoq, aamma ukiumut akunnerni 320-ini qaammatillu pingasuugaangata akunnerni 80-ini suliartoqquneqarsinnaaneq atorfininnermut attuumapput, ullullu sulinngiffiusussat annaaneqarsimasut ajunngitsorsiassaqarfiginissaat pillugu aalajangersakkat atuutinngillat.

Inigisaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk