Kontorfuldmægtigi / Biskoppip allaffiani

Kontorfuldmægtigi / Biskoppip allaffiani

Namminersorlutit sulisinnaavit? Tamanut sammisumik sulinissat nuannaraajuk pitsaasumillu angusaqarnissat ilungersuuttarpiuk? Paasinnillaqqissuuit unammilligassallu iliuuseqarfigineqartariaqartut taagorsinnaallugit? Taava ilinnut suliffissaqartitsivugut! Biskoppip allaffiani kontorfuldmægtigimik allaffimmi silarlermiittussamik pissarsiorpugut.

Atorfik Namminersorlutik Oqartussat ataanni Biskopeqarfimmi Nuummiittumi kontorfuldmægtigitut atorfik (allaffimmi silarlermi) inuttassarsiuunneqarpoq, kingusinnerpaamik qinnuteqarfissaq 12. februar 2026. Ulloq sulilerfissaq 15. februar 2026 imaluunniit isumaqatigiinnikkut.

Biskopeqarfik Kalaallit Nunaanni Ilagiit sinnerlugit oqaluffeqarnikkut allaffissornikkullu isumaginnittuuvoq. Biskopeqarfik ilagiit naalagaaffiup tapersersugaannik aqutsiveqarfiuvoq, provsteqarfinnut pingasunut, palaseqarfinnut 17-iusunut, suleqatinut 250-it missaanniittunut aammalu ilagiit sinniisaannut 200 missaanniittunut.

Biskopi allaffeqarfimmut ningiuuvoq, sulisullu taassuma saniatigut tassaapput biskopeqarfimmi allaffimmit pisortaq, ilinniartitaanermut akisussaasoq, kontorlederi suliassanik isumaginnittuusoq taavalu kontorfuldmægtigi inuttassarsiuunneqartoq allaffimmi silarlermiittussaq.

Allaffimmi silarlermi kontorfuldmægtigip ilaatigut makku suliassarai:

• Allagaataasivimmut inississuineq

• Kontorlederi suliassanik isumaginnittoq suleqatigalugu journalimut allattuineq

• Avammut allakkianik kukkunersiuineq (kalaallisut qallunaatullu)

• Nutsigassat oqinnerusut

• Suliffimmut atatillugu angalanissamut isumagisassat (kursusertussanut billetissanik inniminniisarneq il.il.)

• Databasit, atuagaasiviit nioqqutissanullu toqqorsivimmut isumaginninneq nakkutilliinerlu

• Allaffiup ammasarnissaanut akisussaaneq oqarasuaatinillu paarsineq

• Allaffissornikkut suliassat allat

• Oqinnerumaanik suliassanik isumaginninneq (sagsbehandling)

• Nittartakkamik isumaginninneq

Atorfik inummik oqaluffeqarnermut ilageeqarnermullu tunngassuteqartunik soqutiginnillunilu ilisimasaqartumik inuttaqassasoq kissaatigineqarpoq.

Makkuttaaq piginnaaneqarfigissagitit kissaatigaarput:

• Suliffeqarfimmi ulapaarfiusinnaasartumi sulinissamut sungiussisimasoq

• Namminersortuussaatit, sullerissoq pisussaaffimmullu aalajaalluinnartoq

• Ilikkajasuussaatit

• Torersaallaqqissuussaatit

• Teoriimut tunngasunut pikkorissuussaatit! (niuernikkut ilinniarsimasoq, TNI, N1 assigisaaluunniit)

Marluinnik oqaaseqassaatit kalaallisut/qallunaatut) allattariarsornermi oqaluttariarsornermilu.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk