Fakta
Atorfiup suussusaa: Sannavimmi ikiorti
Suliffeqarfik: KTI Nuuk / Tech College Greenland
Qinnuteqarfissamut killigititaq: februaarip 16.-at, 2026
Attavissaq: Ole Pedersen +299 861612
Saffiuunngornianut aammalu motoorilerisunngornianut sannavimmi ikiortissarsiorpoq.
Assassornermi periutsinillu ilinniartitaanerit iluini suliaqarnermi sannavimmi ikiortissarsiorpoq.
Pingaarnertut suliassaapput teknikkikkut atortunik sakkuutinillu aserfallatsaaliuineq iluarsaassinerlu, ikkussuinerit assigiinngitsut, ilinniartut nikinnissaannut pikkorissartitsinissanullu piareersarneq, ilinniartitsinermi atortussanik ineriartortitsinermi peqataaneq, ilinniartunillu ilinniartitseqataaneq.
Naatsorsuutigaarput saffiuutut imaluunniit motoorilerisutut linniagaqarsimassasutit immaqalu aamma pikkorissarsimassasutit. Immikkoortortami ilinniartitsisunik ilinniakkani pikkorissarnernilu nikerartuusuni suleqatiginnikkusussuseqartuusutit.
Kissaatigaarput piumasaqaatiginaguli truck-inik ingerlatsisinnaanermut allagartaqassasutit, biilinik ingerlatsisinnaanermut B-mik C-millu allagartaqassasutit kiisalu Windows-office-mk misilittagaqartutit. Kissaatigineqarpoq kalaallisut qallunaatullu oqaatsit ulluinnarsiutigalugit oqaluttariarsorsinnaanermik piginnaasaqarnissaq.
Qinnuteqarnissamut killigititaq: Ataasinngorneq 16. februar 2026.
Ulloq sulilerfissaq: 1. Marts 2026 imaluunniit isumaqatigiissuteqarnikkut.
Paasissutissat amerlanerusut Ilinniartitaanermut Pisortamut Ole Pedersenimut oqarasuaammut +299 861612 -mut sianerluni imaluunniit e-mailikkut ojp@kti.gl saaffiginninnikkut pissarsiarineqarsinnaapput. Aammattaaq nittartagaqarput takuneqarsinnaavoq: www.kti.gl.
Aningaasarsiatigut atorfinitsitaanermilu atugassarititaasut:
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq:
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut
tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut “Qinnuteqaat nassiuguk” toorlugu nassiutikkit.
E-mailikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk
