Fakta
Atorfiup suussusaa: KTI Sisimiut, ilinniartut igaffiani ikiortimik sulisussarsiorpoq
Suliffeqarfik: KTI Sisimiut
Qinnuteqarfissamut killigititaq: 1. januar
Attavissaq: Asaf Olsen oqarasuaatikkut attavigineqarsinnaavoq +299 298716.
Kalaallit Nunaanni Teknikimik Ilinniarfik, Sisimiuni KTI, igaffimmi ikiortimik sulisussarsiorpoq piaartumik sulilersussamik imaluunniit isumaqatigiissuteqarnikkut.
Igaffimmi ullormut nerisassiornerit inunnut 200 - 300 missaanniittut KTI-mi pikkorissartunut, sulisunut aamma ilinniartunut sassaalliutigineqartarput.
Sulilissaatit suleqatigiit ilinniarluarsimasut igaffimmilu misilittagallit suleqatigalugit taakkuninnga nerisassat ilinniartunut sulisunullu sassaalliutissat, tuniniagassanullu piareersarsimanissaannut suleqataassallutit.
Igaffimmi ikiorti sulisut allat peqatigalugit suliarisartagassai:
Ilinniartut sulisullu ullaakkorsiornissaannut, ullueqqasiornissaannut, ualikkullu sutugassaannik piareersaaqataaneq.
Pikkorissartoqartillugu pikkorissartut sutugassaannik piareersarneq
Nerissassanik, kioskillu nioqqutaanik tuniniaaneq
Tuniniagassanik annikinnerusunik suliaqarneq
Ullormut aqagumullu piareersarneq
Erruineq
Eqqiaaneq/ torersaaneq
Uninngasuutinik nakkutilleeqataaneq
Kioskimi nioqqutissanik ilioraaneq
Immikkut inniminnikkanik piareersaaneq
KTIp aaqqissuussaanik suliaqarneq, assersuutigalugu ilinniartunik naggataartoqartillugu, allanilluunniit aaqqissuussanik anginerusunik pisoqartillugu sassaalliuutissanik pisareersaaqataaneq.
Inuttut piginnaasaqarfiit:
Pitsaassutsimik pingaartitsineq
Igaffissuarmi misilittagaqarneq iluaqutaassaaq
Sullisserusussuseqarneq aamma sulinermik aallussineq
Inunnut arlaqartunut sullissinissamut piareersimaneq
Ullut suliffissani sulisinnaassuseqarneq
KTI- mi igaffimmi sassaalliuutissanik suliaqarnermi pitsaassuseq pingaartinneqarluni sulineq ingerlanneqartarpoq, tassani atorfinittussaq suliatigut nutaanik ilikkagassanillu ineriartornissamik kiisalu ineriartornermut sunniuteqarnissamuttaaq periarfissaqarpoq. Atorfik pissanganartuuvoq ullut tamaasa suliassanik allanngorartunik suliffiulluni.
Kinaluunniit atorfimmut soqutiginnittoq qinnuteqarsinnaavoq.
Atorfimmut atatillugu inimik neqerooruteqanngilaq.
OBS Atorfik piaartumik inuttassarsiuunneqarpoq taamaammat qinnuteqartut piaartumik suliarineqartassapput. Atorfinitsinneqartoq qaammatini pingasuni misilitsinneqaqqaassaaq
Paasissutissat sukumiinerusut
Atorfimmut tunngatillugu apeqqutissaqaruit igaffimmi aqutsisoq:
Asaf Olsen oqarasuaatikkut +299 298716 – mut sianerfigineqarluni attavigineqarsinnaavoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqaat nassiuguk
