KTI Sisimiut Pikkorissarnermut tunngasunik sulialimmik allaffimmiussarsiorpoq

KTI Sisimiunut pikkorissarnermut tunngasunik sulialimmik allaffimmiussarsiorpoq - atorfik nutaaq

Atorfininneq: 01.02.2026

KTI Sisimiuni pikkorissaatinut immikoortortaqarfimmi atorfimmi nutaami pikkorissarnernut suliaqartussamik allaffimmiussarsiorpoq AMA-mit PKU-millu aningaasanik tapiissutinik suliaqartartussamik. 

Teknikimik Ilinniarfik, KTI Sisimiuniittoq pikkorissarnernut aqutsisutut atorfimmi nutaami sulilertussamik pissarsiorpoq februaarip 1-ani 2026 imaluunniit isumaqatigiissuteqarnikkut aallartittussamik.

Pikkorissarnernut aqutsisutut atorfininnissamut piukkuppit, pikkorissarnernullu tunngatillugu aqutsinermik assingusumik misilittagaqarpit? Taava illit ujartorpatsigit.

Teknikimik Ilinniarfik Namminersorlutik Oqartussat ataanniippoq, Nuummilu Sisimiuni inuussutissarsiornermut ilinniarfinni, Saviminilerinermi Ilinniarfik, Sanaartornermut Ilinniarfik, Aatsitassalerinermik Ilinniarfik, Ilinniarnertuunngorniarfik kiisalu oqaatsinik pikkorissaavik suliassaqarfigalugit. Maskinmesteritut ilinniarfik ingeniøritullu ilinniarfiit marluk aamma KTI-p ataaniipput, taakkulu Maskinmesterskolen Københavnimit kiisalu ARCTIC - DTU-mit ingerlanneqartuullutik.

KTI ukiuni siuliini sammisat amerliartorneri ilutigalugit pissanganartumik ineriartorsimavoq, tassani assigiinngitsunik inuussutissarsiornermut tunngasuni ilinniarfinnik, pikkorssarnernillu Sanaartornermut, Aatsitassamut oqaatsinullu immikkoortoqarfimmut tunngasunik ingerlatsisoqarlunilu ilinniarfinnut isernissamut pikkorissaanernik ingerlatsisoqarpoq.

Atorfiup imarisarai immikkoortuni tulliuttuni allaffissornikkut tapersiineq:

- Sanaartornermut Ilinniarfik

- Aatsitassanut Ilinniarfik

- Oqaatsinik Pikkorissaavik

Allaffissornikkut suleqatigiit ingerlalluartut qulit akornanniilissaatit, KTI Sisimiunilu allaffiup aqutsisuanut toqqaannartumik atassuteqassallutit.

Suliassat

- Pikkorissaanerit pilersaarusiarineqareersut piviusunngortinnissaat immikkoortortani aqutsisut ingerlatsisullu suleqatigalugit

- Peqataasussanik aggersaanerit suliffeqarfiit Majoriarlu suleqatigalugit

- Pikkorissartussanut angalassutissanik najugassanillu inniminniinerit 

- Najugassanik nerisaqarnissanillu inniminniinerit ilinniartut inaat iggavimmilu immikkoortortaq suleqatigalugit

- Peqataasussat allattorsimanerat suliaralugit, peqataasussat allattorsimaffii naammassereersut immikkoortortanut attuumassutilinnut nassiussuinerit

- Pikkorissaasussat inissaannik angalassutissaannillu inniminniinerit

- Peqataasunik nalunaarsuinerit, IT- reg-mut naatsorsuutinullu systeminut allattuinerit - aamma Majoriamut nalunaartarnerit.

- peqataasunut akiligassaliorneq (AMA-mit aningaasaliissutinut tunngasoq)

- pikkorissarnermut peqataasunut tamanut pikkorissarnermut uppernarsaasiorneq

- Pikkorissarnermut tunngatillu allaffissornermi suliassat takkuttut suliaralugit

- Pikkorissarnermut tunngatillugu aningaasaqarnerup suliarinera inaarsarneralu

Piginnaasat

- Allaffissornermik misilittagaqarneq (pikkorissarnermut ilinniarnermulluunniit tunngasunik suliaqarnermik misilittagaqarneq pitsaassaaq)

- Aningaasanut/naatsorsuutinut tunngasunik naleqquttumik ilinniagaqarneq aammattaaq naatsorsuuserinermut suliaqarnermik misilittagaqarneq

- IRIS, Ledelsesinfo, NAIA kiisalu Excel-imik misilittagaqarneq.

- Akisussaassuseqarneq suleqatigiissinnaassuseqarnerlu

- Marluinnik oqaaseqarneq pitsaassaaq (kalaallisut danskisullu)

Neqeroorutigaavut

- Allaffissornermi pitsaasumik suleqatigiit qulit qanimut suleqatigissallugit

- Ilinniarfiup immikkoortoqarfiinik qanimut suleqateqarneq

- Inuttut suliatigullu ineriartornissamut periarfissaqarluarneq

- Suliffik alliartortoq ineriartortorlu

Qinnuteqarfissaq

Qinnuteqarnissamut piffissaliussaq: Ulloq 30.12.2025 Qinnuteqaatit, qinnuteqartunillu oqaloqateqarnerit ingerlaavartumik suliarineqarumaarput.

Sukumiinerusumik paasisaqarnersorsunnermi attaveqarfissaq

Allaffimmi aqutsisoq Signe Ezekiassen – oqarasuaat: 86 16 44

Qinnuteqaat, suliffigisimasat allattorsimaffii, ilinniakkanut pikkorissarfinnullu uppernarsaatit paasissutissallu naleqquttut allat ilanngullugit "send ansøgning"-ip toorneratigut nassiutikkit.

Qinnuteqaatit e-mailikkut nassiunneqartut tiguneq ajorpagut.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk