Kujaterpiaani pillorissaasoq

Unammillernartut nuannarigukkit ilinnut pitsaasumik neqeroorutissaqarpugut. Pillorissaasorput soraarpoq, maanilu nutaamik pisariaqartitsivugut!

Meeqqanut inersimasunullu iluaqusersuutit pisinnaanerulernissamullu sungiusarnerit nuannersumik kattullugit. Innuttaasut saarnginik, sianiutinik, eqqarsartaatsimillu suliassaqarfiusoq tamatigoortuuvoq, suliassanut eqaatsuussaatit.

Qaqqat kangerluillu akornanni isikkivigissumiissaatit immaqa iluatitsissaguit nannumik takussaatit. Illoqarfinni assigiinngitsuni suliartortassaatit, qulimiguulimmik angalaneq ersiginngikkukku qulimiguulimmik angalasassaatit. Qimminik qimuttoqanngilagut qimusseqaratalu, kisianni qinnuteqaruit nuannaassaqaagut. Angalaniarallaat periarfissatsialak una tigugallaak!

Eqikkaassagutta kujataani pillorissaasutut sulisussarsiorpugut. Atorfik piffisanut marlunnut agguataarneqarsimavoq kommunimi piffissap affaani peqqinnissaqarfimmilu piffissap sinnerani, suliffimmi nappaammik suussusersinerit assigiinngitsut sammineqartarput.

Innuttaasut sullitallu tamanik utoqqaassusillit isumagisarpavut, suliassallu ilaatigut tassaasarput:

·sungiusaaqqinneq, piginnaanngorsaaqqinneq piginnaasanillu allanngutsaaliineq

·Misissuineq aamma suliarinninneq

·innuttaasut angerlarsimaffiini Pillorissaavimmilu sungiusaaneq, naliliiniarluni angerlarsimaffimmut takuniaaneq kiisalu kommunimi  iluaqusersuutinik tunniussisarneq

Napparsimavimmi pillorissaanermut allaffissornermullu tunngasunik suliaqassaatit, soorlu innangasunik innartitaasimanngitsunillu misissuisarlutillu ikiuisassaatit, kiisalu napparsimavimmi allanik suliallit aamma suleqataaffigisassallugit.

Qaqortumi suliassaatit, taavalu piffissaq suliffiit kommunip napparsimaviullu akornanni avittassavat, tassa suliassat arlaat arlaanniittassapput, arlaallu aappaanni. Soorunami taakku qanoq qanoq isumaginiarnissaannut ikiussavatsigit. Kommunimi peqqinnissaqarfimmilu sulinermut atillugu aamma kommunimi illoqarfinnut nunaqarfinnullu allanut sulilluni angalasoqartassaaq, nalinginnaasumik angalaneq sapaatip akunneranik sivisussuseqakkajuttarpoq. Angalanermilu annermik qulimiguulik aqqutigalugu imaluunniit imaatigut angallatitigut pisarpoq illoqarfiit nunaqarfiillu akornanni aqqusineqannginnami.

Misilinnikuunngisamik aqqusaagaqarnikkut unammillernartut misigiumaarpatit, tamaattoqassappat allatut eqqarsarsinnaanissaq pisariaqarpoq.

Atorfimmi atugassarititsisoqassaaq Kalaallit Nunaanni pillorissaasut isumaqatigiissutaat naapertorlugit, taakkulu ilaatigut malitsigisaannik atorfininninnermi angalaneq, pisattat angallanneqarneri atorfimmilu inissaq ilaatinneqarput.

Atorfik soqutiginartikkukku danskit nalunaaqutaat malill-ugu nal. 12:00-18:00-ip akornanni attaveqarsinnaavutit imaluunniit matuma kingulianiittut oqarasuaatikkut mailikkulluunniit attaviginnissiinnaavutit:Susanne Buch Sporsheim Kommune Kujallermi timimik pillorissaasut aqutsisuat +299 52 08 26 subu@kujalleq.gl  Mira Sørensen Qaqortup napparsimaviani timimik sungiusaasoq +299 64 76 34 mels@peqqik.gl

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik kommunimut tunniunneqariisapput kingusinnerpaamik 23. oktober 2026 nittartagarput aqqutigalugu.

MALUGIUK: Qinnuteqaatit pappilissatigut mailikkulluunniit tiguneq ajorpavut, inussiarnersumik qinnuteqaatit nittartagaq aqqutigalugu nassiunniunneqassapput PDF-fil imaluunniit Word-fil-inngorlugit nassiunneqassallutik.

Qinnuteqarnissamut killissarititaasoq: oktobarip 23.-at, 2026