Leksikografimik taaguusersuuserinermillu suliassanut fuldmægtigitut, siunnersortitut AC-fuldmægtigitulluunniit atorfik

Oqaasileriffik, Nuuk

Oqaasileriffik Nuummiittoq fuldmægtigimik, siunnersortimik AC-fuldmægtigimilluunniit leksikografimik taaguusersuuserinermillu suliaqartussamik pissarsiorpoq. Atorfik piaartumik immikkulluunniit isumaqatigiissuteqarnikkut sulilersussamik inuttassarsiuunneqarpoq.

Atorfik pillugu

Atorfik makkuninnga suliassartaqarpoq:

• Leksikografimut taaguusersuuserinermullu tunngatillugu oqaatsinik suliaqarneq, tamatumunnga atatillugu taaguusersuutinik katersineq, nalunaarsuineq, misissuineq takussutissiinerlu

• Suliassat allat oqaatsinik suliaqarnermut attuumassuteqarsinnaasut

• Leksikografimut taaguusersuuserinermullu atatillugu assigiinngitsunik suleqateqartarneq

• Suliassat kalaallisut oqaatsinut, naggueqatitta oqaasiinut Avannaamioqatigiinnilu oqaatsinut tunngasut pillugit allanik suleqateqarneq

• Oqaasileriffimmut avataanit apeqqutinik akissusioqataaneq sulianillu nittarsaassisarneq

Piginnaasassat

Naatsorsuutigaarput:

• Oqaatsit pillugit ilisimatusarnermut tunngasumik naleqquttumik ilinniagaqarsimanissat

• Oqaatsit pillugit suliaqarnermik ilisimasaqartutit misilittagaqarlutillu, pingaartumik kalaallisut oqaatsit pillugit

• Leksikografilerinermik taaguusersuuserinermillu ilisimasaqarluartutit

• Ilisimatusarnermi periutsinik ilisimasaqartutit

• Namminersorsinnaallutillu suliassatit pilersaarusiorluarlugit aaqqissuussinnaassagitit

• Nutaaliorsinnaallutillu eqeersimaartuussasutit

• Kalaallisut oqaatsit ilitsoqqussarigitit, qallunaatut tuluttullu oqaatsit sapernagit

Neqeroorutigaarput

• Suliassat pissanganartut assoruunnarsinnaasullu

• Suliffeqarfik suliassanik siammasissunik suliassalik suleqatillu pikkorissut

• Suliffik suliat tungaasigut ineriartorfissaqarluartoq

Sulinermi piffissaq sapaatip-akunneranut nalunaaquttap akunneri 40-t.

Oqaasileriffik pillugu

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup ataani ingerlatsivik inatsisit kalaallit oqaasiinut tunngasut tunngavigalugit suliassanik ingerlatsisoq. Annertunerusumik nittartakkami www.oqaasileriffik.gl-imi atuarit.

Paasissutissat annertunerusut

Atorfik pillugu annertunerusumik paasisaqarusuttut saaffiginnissinnaapput, uunga:

- Beatrine Heilmann, Oqaasileriffimmi pisortaq (behe@oqaasileriffik.gl, tlf.: +299 38 40 61).

Qinnuteqarnissamut killigititaq

Qinnuteqaat, ilinniarsimanermut uppernarsaat CV-lu tiguneqareersimassapput: ataasinngorneq 2. februaari 2026.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "Qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk