Mælkebøttecenteri Ornittakkami igasussarsiorpoq

Mælkebøttecenteri uummatilimmik aallussisumillu igasumik atorfinikkasuarsinnaasumik pissarsiorpoq.

Atorfik nalinginnaasuuvoq sapaatillu-akunneranut 40 tiimiulluni. Suliffiit allanngorartuupput 08.00-nit 16.00-imut aamma 10.00-mit 18.00-imut, kiisalu sapaammi sismanngornermilu 13.30-mit 21.30-mut.

Suliassat ukuussapput:

· Nerisassanik pilersaarusiorneq

· Nerisassanik pisiniarfiliarnerit

· Meeqqat peqatigalugit ornittakkami iganerit

· Meeqqat neriartortut amerlassusaannik nalunaarsuisarnerit

Mælkebøttecenteri paaqqinnittarfiuvoq imminut ingerlattoq, tassaniippullu meeqqat inuusuttullu illuat, Najugaqatigiiffik Ilasiaq, Najugaqatigiiffik Allu, Najugaqatigiiffik Aili allaffeqarfillu.

Illup allilerneqarnera uiguneqarneralu pissutigalugit ukioq ataatsip missaani matoqqanikuuvoq maannalu ammaqqilerluni, Mælkebøttenip Meeqqanut Inuusuttunullu illutaata aammalu Najugaqatigiiffiup Ailip illutaata ilaaniippoq. Ornittagaq illoqarfiup meerartaanut inuusuttaanullu tamanut sammisaqartarfiuvoq. Sammisassat assigiinngitsuusarput, soorlu tammoornerit, onlinekkut spilernerit, titartaanerit, sapakkanik nuisinerit, pinnersaasiornerit, mersornerit il.il. Ullut tamaasa meeqqanut najuuttunut nererusuttunullu nerisassanik sassaallertoqartarpoq. Ornittagaq maannamuugallartoq sapaammit sisamanngorneq ilanngullugu 14.00-21.00 ammasarpoq, tallimanngorneq arfininngornerlu matoqqasarluni.

Neqeroorutigaagut:

· Inooqataaneq akisussaaffigeqataaffigissavarput allannguniaqataallutalu

· Avatangiisit pilersitsiviullutillu sulinerup iluani ineriartorfiusut peqataaffigissallugit

· Immikkoortortaqarfimmi sulisut suleqatigineri soqutiginarlutillu ilikkarfiusartut

· Sulisunut ajunngitsorsiassat, soorlu utoqqalinersiutissat, peqqinnissakkut sillimmasiineq, timersoriarnissamut ilaasortaanerit il.il.

Ilinnut naatsorsuutigut tassaapput:

· Iganermik nuannarisalik

· Pilersaarusiullaqqissoq pisiniarfiliarsinnaasorlu, sammisaqartitsisinnaasoq il.il.

· Meeqqanik nuannarisalik – meeqqanut inersimasunullu ajunngitsussanik isumalluartartoq

· Naleqqussallaqqissoq, namminersortoq allanngueqataarusuttorlu

· Naammagittarlunilu ikiuerusussusilik

· Sulinermut piffissamullu atatillugu aalaakkaallunilu tutsuiginartoq

· Sulinermut sulianullu atatillugu pimoorussinermik takutitsillaqqissoq

Suliffimmut uunga atatillugu pineqaatissinneqarsimannginnermut meeqqanullu innarliisimannginnermut uppernarsaatit qinnuteqartup takutissavai.

Atorfimmut tunngatillugu annertunerusumik paasisaqarusukkaanni Nuka Fleisher, oqarasuaat +299 362106-imut sianertoqarsinnaavoq uungaluunniit allalluni fleisher@mb.gl

Qinnuteqaat mailimut info@mb.gl “igasoq”-mik qulequtserlugu kingusinnerpaamik 27. Februar 2026 nassiunneqassaaq. Ingerlaavartumik oqaloqatigiinnerit ingerlanneqartarumaarput.