Majoriaq Nuuk marlunnik Allaffimmi fuldmægtiginik pissarsiorpoq / Suliassanik suliaqartoq

Majoriaq Nuuk isumaqatigiissuteqarnikkut atorfinittussamik allaffimmi fuldmægtigimik / suliassanik suliaqartussamik pissarsiorpoq.

Atorfik pilersinneqarpoq suliassat amerliartorneri aammalu Majoriap oqartussaaffiata allaffissornikkullu suliassaqarfiata ajornakusoornerulernerata kingunerisaanik. Allattuisarnermut piumasaqaatit, nalunaarsuinerit kiisalu pitsaassutsimik qulakkeerinninnermut suleriaatsit annertusisimapput, kiisalu pisortanit aningaasartuutinut tunngasut, avataanit sulisartut tikisinneqartartut aammalu innuttaasunit saaffiginnissutit pillugit suliat amerliartorlutik. Atorfininnissaq kingusinnerpaamik 1. april 2026 kissaatigineqarpoq, imaluunniit isumaqatigiissuteqarnikkut.

Atorfik piffissaq tamakkerlugu suliffiuvoq aammalu Kommuneqarfik Sermersuumi Isumaginninnermut Suliffeqarnermullu Ingerlatsiviup ataani, Majoriaq Nuuk-mi inissisimalluni.

Majoriami sulisut tamarmik naleqartitat tunngavigalugit sulisarput, taamaattumillu atorfiup qinnuteqarfigineqarnerani qinnuteqartut tamarmik naleqartitat makku malillugit sulerusussasut naatsorsuutigineqarpoq:

·Suliamut ilisimasaqarluarneq– fagimi pisinnaasaqarluarnissaq 

·Inuiaqatigiinnut isiginnittaaseq– najukkami inuiaqatigiinnik paasinninnissinnaaneq 

·Naammassinninneq – suliassat pitsaasumik naammassinnissinnaaneq

·Ataatsimut isiginnissinnaaneq – Majoriaq ataatsimut isiginnissinnaaneq 

·Periusissiaq – anguniagassanik aalajangersaasinnaaneq 

·Attaveqatigiinneq – oqaloqatigiinnissamut peqataasinnaaneq

·Ineriartorneq – inunnik, suleriaatsinik aammalu aaqqissuussaanermik ineriartortitsineq 

·Siunnersuineq – suliassap pingaarnerup iluani piginnaasaqarluartumik sulineq

Majoriami suliassat

Suliassat assigiinngitsorpassuupput, ilaatigut makku ilaallutik:

·Saaffiginnittarfimmi innuttaasunik sullissineq aammalu oqarasuaatikkut attaveqarneq 

·Suliffissarsiortut Winformatik aamma GetOrganized-imi nalunaarsuineq 

·Qinnuteqaatinik suliarinninneq aammalu aalajangiinernik allanneq 

·Killilersuinernik aammalu nuttarnerulernissamut ikiorsiissut pillugit ingerlatsineq 

·Avataanit sulisartunik suliarinninneq 

·Akissarsiat allattorsimaffiannik pitsaassutsimik qulakkeerinninneq 

·Ad hoc-opgaver i samarbejde med øvrige medarbejdere

Suliassat suleqatigiinni sulisut allat qanittumik suleqatigalugit ingerlanneqartarput, aammalu immikkoortortaqarfimmi aqutsisumut akisussaasuullutik.

Qinnuteqartunut naatsorsuutit:

·Akisussaassuseqartoq aammalu nammineerluni sulisinnaasoq 

·Aaqqissuussamik sulisoq 

·Innuttaasunik sullissinermi kiffartuussillaqqissoq 

·Suleqatigiinnermut piginnaasalik 

·Marlunnik oqaasilik iluaqutaassaaq, piumasaqaataanngilarli 

·Allaffimmiutut imaluunniit isumaginninnermut tunngasumik ilinniagaqarsimasoq 

Oqartussaasutut sulinermik misilittagaqarneq aammalu inatsisilerinermut attuumassuteqartunut ilisimasaqarneq iluaqutaassaaq, kisianni piumasaqaataanngilaq, ilinniartinneqarnissaq ingerlanneqassammat.

Neqeroorutigaarput:

Atorfik unammillernartoq aammalu assigiinngisitaartunik suliassartalik, namminersorluni akisussaaffeqarluni oqartussaasutut suliassanik suliarinnittarfiup iluani, kiisalu fagimut tunngatillugu ineriartortitsinissamut periarfissaqarluni.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Teamleder-i Ivalo Heilmann, oqarasuaat +299 36 81 40 imaluunniit e-mail: iohn@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 254-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 27.-at, 2026