Meeqqanut Ilaqutariinnullu Immikkoortortaqarfimmi Perorsaasutut ikiorti

Kommuneqarfik Sermersooq Nuummi Siunnersuisarnermut Ilaqutariinnullu katsorsaanermut Sullissivimmut attuumassuteqartumut meeqqanut inuusuttunullu eqimattanut sullissisussanik eqeersimaartunik perorsaasutut ikiortimik pissarsiorpoq. Team-iuvugut Nuummi innuttaasunut eqimattanut neqerooruteqarnissamik ineriartortitsinermik atuutsitsinermillu suliaqartut. Team-itsinnilu annertusaasoqarnissaanik kissaateqarluta, taamaattumik marlunnik nutaanik suleqatissatsinnik ujarlerpugut meeqqanut inuusuttunullu eqimattanut 6 - 17-inik ukiulinnut suliaqarnissamut. Ukununnga tunngassuteqarsinnaapput, meeqqanut sakkortuumik misigisaqarsimasunut sullissineq inuunermi ingerlariaqqinnissamut ikiorneqarnissaminnik pisariaqartitsisut imaluunniit meeqqanut atuarfimmi tunuarsimaarnermik ajornartorsiuteqartunut, annilaanganermik ajornartorsiuteqartunut, kisimiittutut misigisartunut allanillu ajornartorsiuteqartunut. Aallaarsimaartitsinerit aamma/imaluunniit projekterluni angalanerit, niviarsiaqqanut gruppit, nukappiaqqanut gruppit, allallu aaqqissuunneqarsinnaapput. Taakku ingerlaavartumik naleqqussarneqartassapput Nuummilu inuiaqatigiinni ullumikkut unammilligassanut malinnaallutik.

Atorfiup imarisaa:

Perorsaasutut ikiortitut meeqqanut inuusuttunullu eqimattanik sullissinermik ineriartortitsineq atuutsitsinerlu akisussaaffigissavatit, ilaatigut:

∙Meeqqanut inuusuttunullu eqimattanik sullissinermik ineriartortitsinermik, pilersaarusiornermik aammalu atuutsitsinermik akisussaaqataaneq, teamimi suleqatigisat allat aamma teamini aqutsisoq suleqatigalugit.

∙Illumi ulluinnarni suliassanut nalinginnasunut akisussaaqataassaatit

∙Eqimattanut suliassani aaqqissuunneqartuni pisariaqartinneqartuni peqataasarneq

∙Sulisut ataatsimiinnerini aammalu ataatsimiinnerni allani attuumassuteqartuni peqataasarneq ass. atuarfimmi, suleqatigisallu allat

∙Aallaarsimaarnissanut, projektinut il.il., eqimattanut neqeroorusiortuni pilersaarusiortarneq peqataasarnerlu

∙Saniatigut suliassat

Takorloorparput:

∙Meeqqanik inuusuttuaqqanillu unammilligassaqartunik ajornartorsiortunillu sulinermik misilittagaqartutit

∙Ilinniakkat imaluunniit pikkorissarnerit attuumassuteqartut naammassisimavatit

∙Meeqqat sumiginnagaasimasut imaluunniit allanik ajornartorsiuteqarsimasut ilisimavatit

Pingaartipparput illit: 

∙Aalajaatsuussasutit, timersortartoq, eqeersimartoq, inissaqartitsisoq, iliuuseqarnissamut piumassusilik aammalu nukissaqarluartoq

∙Ulluinnarni piumasaqaateqarfiusumi unammilligassaqarfiusumilu pissuseq pitsaasoq takutittarsinnaagit

∙Allakkatigut oqaatsitigullu ersarissumik attaveqarsinnaassasutit

∙Piumassuseqarlutit pikkoriffigalugulu team-imi suleqataasinnaasutit

∙Nalimmassarsinnaasutit aammalu suliassanik agguaassinermi ingerlaavartumik naleqqussaanernik annertuumik sunniuteqartarlutit

∙Sammivilimmik aammalu aaqqissuussamik sulisinnaasutit

∙Sapaatip-akunneranut unnuk ataaseq sulinissannut piumassuseqartutit

Neqeroorutigaarput:

Atorfik unammillernartoq suliassanullu sunniuteqarnissamut aamma akisussaaffimmik tigusinissamut periarfissaqartoq, kiisalu atorfimmut tulluartunik ilinniagaqarnermik ingerlatitseqqinnissamut periarfissaqartoq. Suliffimmi pitsaasumik aallartitsinissaq pingaartipparput aammalu suleqatigiilluartoqarnissaa qulakkeerniartuarlugu aqutsisorlu qanimut suleqatigiinneq aammalu suliniuteqarnissamut nutaaliorsinnaanermullu inissaqartitsinissaq anguniartarparput.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Anna Hansen, oqarasuaat +299 36 71 83 imaluunniit e-mail: ahan@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 597-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juunip 27.-at, 2025

Atorfik una qinnuteqarfigiuk