Meeqqanut Ilaqutariinnut Ingerlatsivik immikkoortortami aqutsisussarsiorpoq

Kommuneqarfik Sermersooq pikkorissumik immikkoortortami aqutsisussarsiorpoq.

Isumaginninnermi siunnersortaavit aqutsisutut misilittagalik aamma meeqqanut ilaqutariinnullu tunngasut pingaartitaraagit? Ingerlatsivimmi allaffissornermi tunngaviup atulersinneqarneranik suliniaqqinnermi pingaarutilimmik suleqataanissamut sapiissuseqarpit.

Meeqqanut Ilaqutariinnullu Ingerlatsiviup oqartussaaffeqarfik ingerlataraa suleqatigiinnullu assigiinngitsunut agguagaalluni, taakkua meeqqanut ilaqutariinnullu sullissinernik tamanik suliaqarput.

Suleqatigiit siunnersuinermik ilitsersuinermillu suliaqarput, suleqatigiit SFU-nik ingerlatsisartut, angerlarsimaffiup avataanut inissinneqartunik sullissisut, ilaqutariinnik sullissisut, suleqatigiit angalaqatigiittartut aamma suliniuteqareernermi malitseqartitsineq, ilanngullugu ilaqutariinnik paarsisartoqarnermut suliassaqarfik tamarmiusoq.

Suliassat sullissisunik tamanit suliarineqarput, ilaatigut tassaallutik isumaginninnikkut misissuinerit, iliuusissanut pilersaarutit, pinaveersaartitsineq, suliat meeqqat inuusuttullu ilaqutariinni paarsisartuni imaluunniit meeqqat angerlarsimaffiini inissinneqarsimasunut tunngasut kiisalu iliuuseqareernermi malitseqartitsinerit.

Immikkoortortami aqutsisup immikkoortortami suliassat pingaarnertut akisussaaffigissavai, aamma aqutsisoqatigiit sinneri peqatigalugit angerlarsimaffiup avataanut inissiisarnermut suliassaqarfiup allanngoriartornera immikkut malinnaaffigissavaa.

Meeqqanut ilaqutariinnullu tunngasut politikkikkut tamaniillu annertuumik malinnaaffigineqartuupput. Taamaattumik annertuumik malinnaaffigineqartumi ulapaarfiungaatsiartumi sulilluarsinnaanerit pisariaqarluinnarpoq. Ilanngullugu ulluinnaat unammilligassarpassuarnik aamma ajornartorsiutinik pinartunik imallit aaqqiissuteqarfigisinnaassavatit. Taamaammat tatituujusariaqarputit, siunnerfilik aamma tunniussimasoq, soorluttaaq akisussaaffimmik annertuumik tigummiaqarnerit ilisimaarissavat.

Aaqqissuussaanikkut Meeqqanut Ilaqutariinnullu Ingerlatsivimmiissaatit, Oqartussaaffeqarfimmilu fagchefi qaninnertut pisortarissavat. Kommunimi aqutsisoqatigiinnut ilanngutissaatit aamma Oqartussaaffeqarfimmi immikkoortortamut aqutsisut 2 allat suleqatigissavatit, taakkua meeqqanut inuusuttunullu suliassaqarfimmi sullissisunut aamma suleqatigiinnut aqutsisunut katillugit 10 missaanniittunut tamarmik Nuummi inissisimasunut aqutsisuupput.

Atorfik inuttassarsiorneqartoq juunip 1-aa 2025 aallarnerfigalugu isumaqatigiissuteqarnikkulluunniit atorfiniffigineqassaaq.

Akisussaaffeqarfiit:

·Immikkoortortami aqutsisut sinneri peqatigalugit immikkoortortami suliassanut aningaasaqarnermullu akisussaaneq

·Suliani katitigaasuni kiisalu suliani suliareqqitassanngortitani akunnermuliuttuuneq aamma suleqatigiinnut aqutsisoq peqatigalugu ulluinnarni sullissinermi suliatigut tapersersuisutut atuunneq

·Suliamut tunngatillugu pisariaqartillugu siunersiuineq

·Kommune tamakkerlugu inissiinermut sulianut tunngasutigut immikkut ilisimasaqalernissamut ineriartortitsineq attassinissarlu

·Pitsaassusissamik qulakkeerineq aamma meeqqanik tapersersuinissamut inatsit suliffimmilu suleriutsit naapertorlugit suliamik ingerlatsinermik piffissaliussanillu aqutsineq

·TFU-mut ataatsimiititaliamullu innersuussat pitsaassusiinik qulakkeerineq

·Immikkoortortat akornanni kinguneqarluartussamik suleqatigiinnermik qulakkeerineq, oqartussaaffeqarfiup iluani aamma suliassaqarfik tamaat isigalugu

·Tapersersuinissamut tunngasunik pisariaqartitsinerup annertussusianik eqikkaaneq ingerlatitseqqiinerlu

·Immikkoortortami aqutsisoq/fagchefi suleqatigalugu tapersersuineq sullissinermillu nakkutilliineq

·Suliat assigiimmik naammassineqartarnissaannut qulakkeerinissaq siunertaralugu sapaatip akunnikkuutaartumik fagchefimik, immikkoortortami aqutsisunik suleqatigiillu aqutsisuinik ataatsimeqateqarnerit

·Immikkoortortami aqutsisut allat peqatigalugit immikkoortortami ataatsimiinnernik ingerlatsineq akisussaanerlu

·Pisortaqatigiinnut akunnermuliuttutut ilaaneq

·Aqutsinermut tunngavissap eqqortinneqarneranik qulakkeerineq

·Aalajangiisinnaassuseqarnermut pilersaarutip eqqortinneqarneranik qulakkeerineq

·Oqartussaaffeqarfimmi fagchefi isumaqatigiissuteqarfigalugu allanik suliaqarneq

·Suliniuteqareernermi malitseqartitsinermik aamma iliuuseqarnermik sulianik ataqatigiissaarineq

·Politiinit politiinullu nalunaarutiginnittussaatitaanernik ataqatigiissaarinerit

Ilinnut tunngasut

Matuma ataani allassimasut amerlanersaat ilinnit naatsorsuutigaavut:

·Isumaginninnermut siunnersortitut ilinniagaqarputit immikkoortumilu annertuumik inuussutissarsiutigalugu misilittagaqarputit

·Aqutsisutut misilittagaqarputit aamma aqutsisutut ilinniagaqarsimavutit

·Peqqissaarussilluarsinnaavutit, suleqatigiinni aqutsisut sulisullu suleriaatsinik aalajangiussanik, periutsinik atuinerannik attassilluarsinnaallutit

·Inuttut tutsuiginartuuvutit sunniuteqarsinnaassuseqarluarlutillu

·Tatituujuvutit, suliumatuvutit timitaleerusussuseqartorlu

·Unneqqarissumik, tunniusimasumik anguniagalimmillu sulerusupputit taakkualu piginnaaneqarfigalugit

·Aqutsinermut suleqatigiinnullu tunngasunik piumassuseqarlutillu siuarsaasinnaassuseqarputit kiisalu ingerlatsivimmi aqutsisoqatigiinnut aqutseriaatsimullu tunngasunik peqataasinnassuseqarlutit

·Allanut ataqqinnissuseqarputit, akuersaartuullutit pisunullu malinnaasinnaassuseqarlutit (sulisunut, suleqatinut, suleqatigisartakkanut il.il.)

·Aaqqissuussaanermi ineriartortuartumi sulerusussuseqarputit

·Kalaallit Nunaanni pissutsinik ilisimasaqarputit kalaallillu oqaasiinik ilisimasaqarneq iluaqqutaassaqaaq

Neqeroorutigisinnaasavut:

·Atorfik pissanganartoq tamatigoortorlu assigiinngitsorpassuarnik unammillernartulik annertuumillu sunniuteqarfiusinnaaneq.

·Supervisioni

·Suliatigut inuttullu ineriartornissamut periarfissat pitsaasut

·Kalaallit Nunaanni illoqarfiit annersaanni najugaqarnissamut periarfissaq, kiisalu kitaani tunumilu illoqarfinnut nunaqarfinnullu allanut angalanissanut periarfissaqarneq

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef-iugallartoq Karen D. Jensen, oqarasuaat +299 36 70 00 imaluunniit e-mail: krdj@sermersooq.gl imaluunniit uunga: Fagchef Eva Kristiansen, oqarasuaat +299 36 73 23 imaluunniit e-mail: vakr@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 523-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juunip 16.-at, 2025

Atorfik una qinnuteqarfigiuk