Meeqqanut, Inuusuttunut Ilaqutariinnullu Naalakkersuisoqarfimmut aqutsisuusinnaasumik ataqatigiissaarisinnaasumillu qullersaqarfimmi allatsissarsiorpoq

Suleqatigiinni pissanganartumi akuulerit, politikkikkut suliaqarfiusoq qanillillugu

Meeqqanut, Inuusuttunut Ilaqutariinnullu Naalakkersuisoqarfik suleqatissaminik ujaasivoq, naalakkersuisoqarfimmi ningiuusoq (DC) qanimut suleqatigissavaa aamma naalakkersuisut aqutsisui. Naalakkersuisoqarfimmi allatsimik pisariaqartitsivugut, DC aqutsisoqatigiinnilu eqimattat ulluinnarni qaffasissumik sullissineq qulakkiissavaa.

Ulloq ulapaarfiusoq assigiinngitsunik suliassaqarluarfiusoq sapiissuseqarlutit peqataaffigerusuppiuk, aqutsisoqatigiit suleqatigalugit DC-lu sullillugu, taava illerpiaq atorfissaqartippatsigit.

Immikkut siunnersortitut atorfininnermi piumasaqaataavoq, naleqquttunik piginnaasaqarnissaq uppernarsarneqarsinnaasunik.

Kikkuuvugut?

Meeqqanut, Inuusuttunut Ilaqutariinnullu Naalakkersuisoqarfimmi sulisut 17-iuvugut aaqqissuussaavorlu immikkoortortanut marlunnut: Aqutsisoqarfimmi allatseqarfik, Suliassaqarfiit assigiinngitsut akornanni suliniutinut malittarinninnermullu immikkoortortaqarfillu.

Naalakkersuisoqarfiup ataani inissisimavoq: Isumaginninnermut Aqutsisoqarfik.

Naallakkersuisoqarfimmi sulinermi kulturi pingaartipparput kikkut tamarmik aaqqissuussaanermut nutaaliornissamut ineriartorfiusumik tunniussaqarsinnaanermik periarfissinneqarput. Taamaattumik aamma iluaqutissaavoq, suleqateqarnissamik angusaqarusukkuit suleqatitillu ammasumik soqutiginnillutik naapittarlugit. Suleqatigiligassatit pimoorussisunik anguniagaqartunillu, tapersersuisuupput ataqqeqatigiillutillu.

Naalakkersuisoqarfiup aaliangiinissaminut tunngavissat tatiginarluartut aammalu politikkikkut pingaarnersiuilluni tulleriiaarinerit anguniakkallu piviusunngortinneqarnissaat suliaraat.

Illit suliassatit

Aqutsinermut allattoqarfimmi immikkoortortaqarfimmi pisortaq qanimut ningiorissavat aamma naalakkersuisut aqutsisui, naalakkersuinermik aqutsisunik sullisseqataassuutit tapersersortaallutillu ingerlatsinermi ulluinnarni ingerlatsiffiusut makku eqqarsaatigalugit, attaveqaatit, pilersaarutit aamma politikikkut tulleriiaarinerit. Suliat ingerlaarnerisa sulinerullu eqaatsumik pitsaasumillu ingerlaarnissaasa qulakkeerneqarnissaat peqataaffigissavat.

Ulluinnarni suliat allanngorartuupput suliassallu unammillernartuullutik, ilaatigullu suliassat sukkasuumik ingerlalersarput aammalu suliassat piffissaqarpiarnani suliarineqartussaasarput. Qaqutigut ullut marluk assigiissinnaasarput.

Politikkikkut suliassat tigummisarissavatit aamma, tamakku saniatigut naalakkersuisoqarfimmi aqutsisut qullersat sullinnissaat allatseqarfiullu ingerlanissaa akisussaaqatigissallugu.

Illit suliassatit aaliangersimasut marluk, suliassat pingaartut allatseqarfimmut tunngasut naallakkersuisoqarfiup ningiuanut aammalu aqutsisunut qullersaasunut allallu aqutsisut, tamakku saniatigut pisariaqartitsineq naapertorlugu suliat akimorlugit suliassat meeqqanut inuusuttunut, innarluutilinnullu.

Qullersaqarfimmi allatsi

• Allatseqarfik sullillugu aamma naalakkersuisoqarfimmi ningiuusoq, pilersaarusiorneq ataatsimiinnissanut piareersaaneq, atorfimmut tunngasut angalanerit saaffiginnissutinut akissutit kiisalu suliassat nalinginnaasut.
• DC-ip suliassai ingerlaavartut akisussaaffigalugit pisariaqartitsinermilu imaqarniliortarnerit
• Aqutsisut ataatsimiinnerini allattaaneq, ataatsimiinnerit ataqatigiissaariffiusut, Najukkami suleqatigiinnermut- isumannaallisaanermullu ataatsimiisitaliani ataatsimiinnerit, ataatsimiinnerillu allat DC -imit aqunneqartut.
• Naalakkersuisoq, Naalakkersuisut, Inatsisartunullu ataqatigiissaarineq sulianillu malitseqartitsineq.
• Ad hoc.

Pingaaruteqarpoq, alaatsinaattuunissat naalakkersuisoqarfimmi fagit assigiinngisitaartut pulaffiginissaanut.

Pisinnaasat

Suliatit ingerlatatit politikikkut eqqumaffiginissaat iluarissavat aamma iluaqutaassaaq politikikkut aaqqissuussaasumi aqunneqartumi sulinermik misilittagaqaruit. Naalakkersuisoqarfimmi sullissinerit ersarissaaq, taamaattumik akuersaartuunissat pingaaruteqarpoq, allanut attaveqarnermi oqaasissanik oqimaalutaarillaqqissuseqarnissaq ikiuiumatuujunissarlu. Suliassat allattariarsugassat qitiusoqarfimmi aamma suliarineqassapput, tamanna piumasaqaataavoq, taamaattumik attaveqallaqqissuunissaq aamma oqallorissuunissaq iluaqutaassaaq, aamma suut suliassat paasiniagassat oqimaannerit paasiuminartooqqullugit – aammalu inuk tigusisussaq naligalugu pisariaqassammat.

Naatsorsuutigaarput:

• Allaffissornikkut kandidatitut soraarummeersimanissat imaluunniit allamik attuumassuteqartumik imaluunniit inooqatigiinnik ilisimatusarsimanermut ilinniagaqarnissaq.
• Ulluinnarni ullut ulapaarfiusut oqaluuserisassat allanngorartut suliassallu peqataaffigisinnaassavatit
• Torersaartuunissaq, suliaqarsinnaaneq ilusilimmik aamma piffissaliussat attassinnaanerinut pikkoriffigisariaqarpatit
• Suut tamaasa “takusinnaasariaqarpatit”, akisussaaffimmik tigusisinnaallutit aamma suliassat ajunngitsumik iserfigisinnaallugit
• Anguniakkanik angusaqarusuttuunissaq, suliassanik nammineq ingerlatsisinnaaneq, nammineq kajumissutsimik suliaqarusuttarneq
• Politikkikkut aaliangiilernermi aqqusaarneqartartunik paasinnissimaneq, ajornanngippat siusinnerusukkut assingusumik atorfeqarsimaneq
• Kalaallisut, qallunaatut tuluttut oqalulluarsinnaassaatit
• Eqqaamassusiortarneq nuannarissavat, oqallisissat aamma assingusut – amerlasuutigut sivikitsumik piffissalikkat
• Oqaaseqatigiiliortarneq pikkoriffigissavat allattariarsornerlu piginnaaneqarfigalugu
• Kalaallit inuiaqatigiit ilisimasaqarfigissavatit kulturiallu
• Paasisimasaqarfigissavat arlalinnik kulturilinnik suliffeqarfik
• Inuit assigiinngitsorpassuit amerlasuut assigiinngitsunik suliallit akimorlugit suleqateqarsinnaaneq

Qinnuteqarfissaq ulloq kingulleq: 23. juni nal. 12:00

Atorfininneq ulloq: 1. aggusti 2025 imaluunniit isumaqatigiissuteqarnikkut.

Annertunerusumik paasisaqarusuppit?

Atorfimmut saniatigut paasissutissat saaffiginninnikkut pissarsiarineqarsinnaapput uunga: Immikkoortortaqarfimmi pisortamut aqutsinermut allattoqarfimmut Susanne Lea Qvist-Aaen oqarasuaat +299 34 63 39 / +299 22 03 03.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk