Meeqqanut, Inuusuttunut, Ilaqutariinnut Nunamullu Namminermut Naalakkersuisoqarfik Inatsisilerituutut fuldmægtigissarsiorpoq

Meeqqanut suliassaqarfimmi inatsisiliornermi ilusilersueqataallutillu allanngueqataarusuppit? Meeqqanut, Inuusuttunut, Ilaqutariinnut Nunamullu Namminermut Naalakkersuisoqarfik Inatsisilerituutut fuldmægtigissarsiorpoq

Inatsisilerituutut suliaqarnernermik nuannarisaqarpit, naalakkersuinikkut aalajangiisarneq qanillillugu suliffeqarnissat kissaatigaajuk? Taava pissanganartumik suliffissaqartippatsigit.

Meeqqanut, Inuusuttunut, Ilaqutariinnut Nunamullu Namminermut Naalakkersuisoqarfimmi isumaginninnermut inatsisinut tunngasut, nunarsuarmioqatigiit isumaqatigiissutaat, periusissiat pilersaarutillu politikikkut anguniarneqartut piviusunngortinniarlugit suliaqartarpugut. Meeqqat, inuusuttut ilaqutariillu aarlerinartorsiortut pissutsit atugaat pillugit inatsisiliornerit kiisalu atualerneqanngitsunut suliassaqarfimmi inatsisiliorneq suliassatta ilagaat.

Inatsisilerituutut Naalakkersuisoqarfiup akisussaaffigisaani Inatsisartut inatsisaannut nalunaarutaannullu siunnersuutissat piareersarlugillu suliarisassavatit, kiisalu Namminersorlutik Oqartussat susassaqarfiini atassutaasunut isumaqatigiissutaasunut siunnersuusiorluni piareersartarneq suliarisassallugit. Aamma politikerinik kiffartuussisassaatit aamma inatsisit nassuiarnissaannik soorlu aamma nalinginnaasumik inatsisilerinermut tunngatillugu politikeriniit, innutaasunit, kommuninit pisortaniillu allanit apeqqutitut saaffiginnissutit akisassallugit.

Naalakkersuisoqarfik immikkoortortaqarfinnut marlunnut aaqqissuussaavoq: Aqutsisunut Allattoqarfik aamma Suliassaqarfiit Assigiinngitsut Akornanni Suliniutinut Malittarinninnermullu Immikkoortortaqarfik. Naalakkersuisoqarfimmi kikkulluunniit tamarmik aaqqissuussaanerup ineriartortinneqarneranut isumassarsianillu ilanngussaqartarsinnaanissaat ileqquliutissallugu anguniagaraarput. Taamaattumik illit inuttut suleqatigiissinnaanermik soqutiginnittuuguit, matumani suleqatinnik qiimallutit soqutiginnillutillu naapitsisinnaaguit iluaqutaassaqaaq. Akerlianik tunniusimasunik anguniagaqartunillu, imminnut tapersersorlutillu ataqqisunik suleqateqassaatit.

Naalakkersuisoqarfik aalajangiinissamut tunngavinnik pitsaasunik qulakkeerinneqataasussaavoq politikikkullu pingaarnersiuinerni anguniakkallu ingerlannissaannut suleqataasassalluni.

Illit suliffiit

Aqutsisunut Allattoqarfimmut ilanngutissaatit, tassani naalakkersuisoqarfiup pisortaasa ulluinnarni ingerlatsinerannut, attaveqaqatigiinnermut, pilersaarusiornerannut politikikkullu pingaarnersiuinerannut atatillugu allattoqarfik kiffartuussillunilu ikorfartuisarpoq. Suleriaatsit ullullu suliffiit eqaatsumik pitsaasumillu ingerlanissaannut qulakkeerinneqataassaatit.

Immikkoortortaqarfik arfineq-pingasunik sulisoqarpoq, suliamik paasisimasaqartut assigiinngisitaartut aamma immikkoortortaqarfimmi pisortaq toqqaannartumik pisortaralugu attaveqassaatit. Tamatuma saniatigut Naalakkersuisuni naalakkersuisoqarfiit assigiinngitsut akornanni suleqateqassaatit, tassanilu arlalinnik pikkorissunik inatsisileritooqarpoq inatsiseqartitsinermullu pisortaqarluni. Nammineq suliassannik tunineqassaatit aallaqqaataaniillu annertuumik sunniuteqaqataallutit. Suliassat tamatigoortuupput immikkoortortaqarfiillu assigiinngitsut akornanni suleqateqartarnissat, sulianut tunngasutigut killigisat kulturillu kiisalu nammineq suliassanut suliniutinullu namminersorlutit akisussaaffeqarsinnaanerit piumasaqaataapput.

Neqeroorutigaarput

• Inatsisilerineq nalinginnaasoq atorneqarsinnaavoq pikkorinnerulernissamut periarfissiilluni, isumaginninneq eqqarsaatigalugu nalinginnaasumik aamma immikkut ittumik

• Ulluinnaq naalakkersuinikkut sulianik qanimut suliaqarneq

• Suliassat pissanganartut assigiinngissitaartullu

• Ulloq sulileqqaarfimmiit akisussaaffeqarneq sunniuteqaqataanerlu

• CV pikkunartoq

• Suliffik suleqatitsialannik sulisulik, suliffimmi atugarissaarnissaq qitiutinneqartoq inuppalaasuseqarnerlu

Suliassatit

• Inatsisiliornissamik piareersaanerit, matumani inatsisissatut siunnersuutit nalunaarutissallu suliarineri ilanngullugit

• Politikikkut aqutsisut aalajangiinissaannut tunngavissaannik suliat pitsaassusaannik qulakkeerinneqataaneq aamma politikikkut aalajangikkanik atuutilersitsinerit

• Inatsisitigut siunnersuineq

• Inatsisilerinermi sammisat tunngavii pillugit allakkianik suliaqarneq

• Politikikkut suliaqarnermi suliassat, soorlu periusissiat, iliuusissatut pilersaarutit nassuiaatillu pillugit naalakkersuisoqarfiup immikkoortortaqarfiinik suleqateqarneq

• Isumaginninnermut Aqutsisoqarfimmik aamma Namminersorlutik Oqartussat immikkoortortaqarfiisa sinnerinik suleqateqarneq

Naatsorsuutigaarput

• Cand.jur., - cand.merc.jur.-itulluunniit imaluunniit assingusumik ilinniagaqartutit

• Inatsisinik misilittagaqarneq, ajornanngippat isumaginninnermut tunngasutigut aamma pisortaqarnermut tunngasutigut, iluaqutaasinnaavoq, piumasaqaataananili

• Politikikkut aqunneqartumi sulinermik misilittagaqarneq, piumasaqaataanngilarli

• Akisussaaffimmik nammineerlutit tigusisinnaassuseqarnissat namminersortumillu sulisinnaanissat

• Suleqatigiinnermi suliaqatigiinnilu assigiinngitsunik suleqateqarsinnaanermik pingaartitsisoq

• Suliffinnut suleqatinnullu ammasumik pitsaasumillu pissuseqarnissat

• Aalajangersimasumik suleriaaseqarputit aamma tunniussivissatut killiffiliussat pitsaassuserlu qitiutillugit

• Allannguinissamut piareersimavutit suleqatikkuminartuullutillu

• Kalaallit kulturiannik, inuiaqatigiinnilu pissutsinik ilisimasaqarneq iluaqutaassaaq, piumasaqaataanngilarli

Qinnuteqarfissamut killigititaq

28. januaari 2025

Atorfimmut ivertinneqarneq

1. martsi 2026, imaluunniit isumaqatigiissuteqarnikkut

Una atorfik ilinnut soqutiginaaateqarpat, qinnuteqaativit tigunissaanut qilanaarpugut!

Atorfik pillugu apeqqutissaqaruit, uunga saaffiginnissuteqarnissannut tikilluaqquneqarputit: Immikkoortortaqarfimmi pisortaq Susanne Qvist-Aaen mail sulq@nanoq.gl sianerlutilluunniit uunga oqarasuaat +299 220364, eqqaamajuk, Nunatta Danmarkillu akornanni nalunaaqutaq akunnernik pingasunik nikingassuteqarmat.

Qinnuteqartut piukkunnartut oqaloqatigineqarnissamut ingerlaavartumik aggersartassavagut.

Ilinnit tusagaqarnissarput qilanaaraarput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk