Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik AC-fuldmægtigimik pissarsiorpoq

Meeqqanut inuusuttunullu atukkat pitsanngornissaat uummateqarfigaajuk, aamma naalakkersuinermik suliallit aalajangiisarnerannut qanimut suleqataarusuppit? Taamaappat soqutiginarluinnartumik atorfimmik pissaqartippatsigit!

Naalakkersuinermik suliallit Kalaallit Nunaanni isumaginninnermut suliaqarfimmi anguniagaat Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfimmi piviusunngortinniarlugit sulissutigisarpagut. Suliassagut siammasissuupput aamma AC-fuldmægtigitut suliniutit, periusissiat sulinerit misissueqqissaarnerillu inerisarlugillu aqussavatit, naalakkersuisoqarfiup akisussaaffiisa iluini suliat assigiinngitsut suliarisassavatit. Naalakkersuinermik sulialinnik aamma kiffartuussisassaatit; Naalakkersuisut isummerfissiaannik suliaqartarlutit, ajornartorsiutit pineqartut pillugit allakkiortarlutit aamma §37 naapertorlugu apeqqutit akissutaannik suliaqartarlutit.

Naalakkersuisoqarfik aaqqissuussaanikkut marlunnik immikkoortortaqarpoq: Aqutsisunut Allattoqarfik aamma Suliassaqarfiit Assigiinngitsut Akornanni Suliniutinut Malittarinninnermullu Immikkoortortaqarfik. Naalakkersuisoqarfimmi kikkulluunniit aaqqissuussaanerup ineriartortinneqarneranut isumassarsianillu ilanngusssaqartarsinnaanissaat ileqquliutissallugu anguniagaraarput. Taamaattumik illit inuttut suleqatigiissinnaanermik soqutiginnittuuguit, suleqatinnik ammasumik soqutiginnittumillu naapitsisaruit iluaqutaassapput. Paarlattuanik soqutiginnittunik anguniagaqartunillu, imminnut tapersersorlutillu ataqqisunik suleqateqassaatit.

Illit suliassatit

Suliassaqarfiit Assigiinngitsut Akornanni Suliniutinut Malittarinninnermullu Immikkoortortaqarfimmi suleqataalissaatit, tassani assigiinngitsunik ilinniagallit sulisut arfiniliupput. Immikkoortortaqarfik naalakkersuisoqarfimmi akisussaaffiit assigiinngitsut tamaasa suliarisarpai aamma naalakkersuinermik suliallit aalajangigaasa aalajangersimasumik suliniutigineqarnissaannik angusaqarfiunissaannillu qitiulluni qulakkeerinnittartutut inissisimavoq. Naalakkersuisoqarfinni assigiinngitsuni Naalakkersuisut suleqatigikajuttarpagut aamma nunami maani suliniutit pillugit kommunit suleqatigisarpagut. Taamatut sulinermi illit suliassatit suliarisassavatit aallaqqaataaniillu sunniuteqangaatsiartussaassallutit. Suliat tamatigoortuupput aamma immikkoortortaqarfiit assigiinngitsut suliallu killigititai suleqatigiinnissamik piumasaqaatitaqarput, ileqqoqarnerit kiisalu nammineq suliaqarfimmi nammineq akisussaaffeqarsinnaaneq piumasaqaatitarisinnaasarlugit.

Neqeroorutigaavut

• Naalakkersuinermik suliallit aalajangiisarnerinut qanilluni pissanganartumik pingaaruteqartumillu sulineq.

• Suliniutinik, Kalaallit Nunaanni meeqqat, inuusuttut ilaqutariillu inuunerinik allannguisinnaasunik, immikkuullarisunik paasiuminaassinnaasunillu inuiaqatigiinnut pingaaruteqartunik suliaqarnissamik periarfissaqarneq.

• Sullivimmi avatangiisit sunniuteqarluartartut, soqutiginnittunik angusaqarusussuseqartunik, tapersersuisunik ataqqinnittunillu suleqateqarneq.

• Suliat akisussaaffiillu allanngorartut aqqutigalugit suliatigut inuttullu ineriartornissamik periarfissatsialaat.

• Sulisartutut inuuneq namminerlu inuunerisamik oqimaaqatigiisitsisinnaaneq sammillugu sulinermi pissutsit eqaatsut 

• Suliffik suleqatitsialannik sulisulik, suliffimmi atugarissaarnissaq persuarsiorpalaanngitsumillu oqaloqatiginneriaasilik.

Illit suliassatit

• Naalakkersuisoqarfiup akissaaffiata iluani suliniutit, periusissiat suliallu suliaqarfinnit assigiinngitsunit suliarineqartussat inerisarneri aqunnerilu.

• Naalakkersuinermik suliallit aalajangernerinik pingaarnersiuinerinillu iluaqutaasussanik misissueqqissaarinninnerit nalilersuinerillu.

• Isummerfissiatut tunngavinnik, allakkianik aamma § 37 naapertorlugu apeqqutinik akissusiornerit aqqutigalugit Naalakkersuinermik sulialinnik kiffartuussineq.

• Suliniutit ingerlasut ataqatigiissarneri malitseqartinnerilu aamma naalakkersuinermik suliallit anguniagaannut naapertuuttumik siuariartornerinik qulakkeerinninneq.

• Nakkutiginneqataaneq nalunaarusiornermilu peqataaneq, taamaalilluni naalakkersuisoqarfik patajaatsumik aalajangernissaminut tunngavissinneqartassaaq.

• Suleqatit avataanilu suleqatigisartakkat qanimut suleqatiginerini suliniutit tamakkiisumik suliarineqarnerinik aamma pitsaassusilimmik pilersitsisoqassaaq.

Illit pillutit

• Qaffasissusilimmik ilinniagartuutut kandidatimut attuumassutilimmik ilinniagalik

• Isumaginninnermut tunngasunik atuagarsornikkut sulinikkullu ilisimasaqarnissaq kissaatiginarpoq, piumasaqaataanngilarli

• Suliniummik suliamillu ingerlatsinermik suliaqarnermik misilittagalik, suliniutinik aqutsinermik aamma misilittagaqarneq

• Namminersorluni, aaqqissuulluakkamik inerisaarusullunilu sulisinnaasoq

• Kisitsisinik paasissutissanillu paasinnillaqqissoq

• Allattariarsornikkut oqaatsitigullu attaveqallaqqissoq

• Paasissutissanik amerlasuunik paasiuminaatsunik takunnissinnaasoq 

• Suleqatinik avataaniillu soqutigisalinnik suleqateqallaqqissoq

• Kalaallit Nunaanni inuiaqatigiinni pissutsit aamma kulturi ilisimasaqarfigigukkit iluaqutaassaaq

• Marluinnik oqaaseqartuusinnaavoq, kisianni piumasaqaataanngilaq

Qinnuteqarnissamut killigititaq tassaavoq:

22.05.2026 nal 12:00

Atorfinitsitsineq

01.07.2026 isumaqatigiissuteqarnikkulluunniit

Atorfik una soqutiginartuusimappat, illit qinnuteqaativit tigunissaanut qilanaalereerpugut!

Atorfik pillugu apeqqutissaqaruit, immikkoortortaqarfimmi pisortamut Helena Lynge Møllerimut helm@nanoq.gl imaluunniit oqarasuaatip normua +299 56 31 80 sianerfigalugu attaveqarsinnaavutit, eqqaamajuk, Danmarkimi nalunaaqutaq akunnernik pingasunik nikingammat.

Qinnuteqartut piukkunnartut oqaloqatigineqarnissamut aggersarneqartassapput.

Tusarfiginissat qilanaaraarput. 

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.