Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfik AC-fuldmægtigimik pissarsiorpoq

Naalakkersuisoqarfimmi aqutsisunik qullerpaanik Naalakkersuisumillu ulluinnarni sullissineq qaffasissoq qulakkeerniarlugu Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfimmi Aqutsisunut Allattoqarfik pikkorissumik pimoorussisumillu AC-fuldmægtigimik pissarsiorpoq.

Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfimmi meeqqat, inuusuttut ilaqutariillu atugaannik pitsanngorsaanissaq qitiutipparput aamma suliassaqarfimmi naalakkersuinikkut suliallit anguniagaannik piviusunngortitsiniarluta sulisarluta. Suliassaqarfimmi suleqataarusukkuit taava Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfimmi AC-fuldmægtigitut atorfik immaqa ilinnut piukkunnarpoq.

Naalakkersuisoqarfimmi suliassat ilaatigut tassaapput meeqqanut, inuusuttunut ilaqutariinnullu suliassaqarfimmi periusissianik iliuusissatullu pilersaarutinik ineriartortitsinerit, naalakkersuinermik suliaqartunik allakkiornertut, nassuiaasiornertut il.il. ittunik sullissinerit kiisalu suliniutit ineriartortitsinernillu suliassat assigiinngitsut.

Aqutsisunut Allattoqarfiup ataani atorfik inissisimavoq. Aqutsisunut Allattoqarfik suliffeqarfiuvoq kajuminnartoq aamma suliassaqarfimmik peqqissaarussisoq qaffasissunik anguniagaqarfiusoq. Aqutsisunut Allattoqarfimmi ulluinnaat allanngorartuupput suliassallu unammillernartarlutik, ilaanni pisut sukkasuumik pisarput aamma piffissaasualluni suliassat piffissamik tatisimaneqarluni naammassiniarneqartarlutik. Ullut tamarmik assigiinngiiartuupput.

Aqutsisunut Allattoqarfiup naalakkersuinermik suliaqartunik sullissinermik isumaginninneq, taassuma saniatigut aqutsisunut allattoqarfiup naalakkersuisoqarfimmi aqutsisunut qullersat allattoqarfittullu ingerlatsineq akisussaaffigai.

Atorfik pillugu

• Ilaatigut suliassat makkuupput: Naalakkersuisut isummernissaannut tunngavissianik, allakkianik tunuliaqutaasunik, innuttaasut saaffiginnissutaannik akissutissanik il.il. suliaqarnerit.

• Isumaginninnermut suliassaqarfimmi misissuinerni, nalilersuinerni assigisaannilu aqutsineq imaluunniit peqataanerit.

• Qallunaat ministereqarfiannik suleqateqarnermik ataqatigiissaarineq

• Suleqatigiinnik, isumasioqatigiissitsinnernik aamma pisortatigoortumik tikeraarnernik ataqatigiissaarisoq

• Immikkoortortaqarfiup pisortaa aamma immikkoortortaqarfiup sinnera suleqatigalugu Inatsisartut ataatsimiinneranni ataqatigiissaarinermik qulakkeerinninneq kiisalu naalakkersuisoqarfimmi sulianik Naalakkersuisunut Inatsisartunullu tunniussinermik isumaginninneq

• Immikkoortortaqarfimmi pisortaq aammalu Pisortat allattoqarfianni sulisut allat suleqatigalugit Naalakkersuisoqarfiup allakkatigut pisortatigoortumik attaveqaataanik aqutsineq

• Meeqqat, inuusuttut ilaqutariillu pillugit Naalakkersuisup aammalu Naalakkersuisoqarfiup nunani avannarlerni suleqatigiinnermut peqataanerannut atatillugu suliassat

• Naalakkersuisoqarfimmi atorfeqartunut sulisoqarnermik ingerlatsineq

• Suliassat takkussuuttut malillugit sullissineq

Suliassat tamatigoortuupput aammalu suliassaqarfiit assigiinngitsut ataatsimoorlutik suleqatigiinnermi ilaasinnaanissaq, kiisalu nammineq suliassanut suliniutinullu namminersorluni akisussaaffeqarsinnaaneq piumasaqaataapput. Atorfik piumasaqaatitaqarpoq suliassanut nutaanut sukkasuumik paasinnissinnaanermik tamatigoortuunissamillu, kiisalu aaqqissuussaaffiusumi naammagisimaarinnissinnaaneq tassani suliassat minnerit angisuullu paarlakaaffianni ulluinnarni ilaatigut ulapaarfiusartumi.

Taamaattumik akisussaassusermik pingaartitsisuuguit, allanngortitsinermut piareeqqaguit suleqateqarusullutillu iluaqutaassaaq. Naalakkersuinikkut aaqqissugaanermik aqunneqartumik suliaqarnissamut soqutiginnittuussaatit, tassanilu ilaatigut assut ulapinnartarlunilu tunniussinissanut sivikitsunik piffissaliussaqartarput. Iluaqutaassaaq allattariarsornikkut oqalunnikkullu ingerlatitsillaqqissuuguit ataqatigiinnernillu paasiuminaatsunik paasiniaallaqqissuullutit.

Illit pillutit

• Naleqquttumik kandidatitut qaffasissusilimmik ilinniagaqarsimasoq

• Isumaginninnermut suliassaqarfimmik misilittagalik

• Suliniummi aqutsisuuneq sulinerillu misilittagaqarfigigitit

• Namminersorluni aaqqissuulluakkamik anguniakkamillu sulisinnaasoq aamma ineriartortitsinermut sammivilik

• Allattariarsornikkut oqaatsitigullu atassuteqallaqqissoq

• Paasissutissiissutinut ajornakusoortunut amerlaqisunullu tamakkiisumik isiginnissinnaasoq

• Suleqatinik avataanillu soqutigisalinnik suleqateqallaqqissoq

• Inuiaqatigiinnut kalaallinut kulturiannullu ilisimasaqarluartoq

• Pitsaassutsimut annertussutsinullu tunngasunut periutsinut pitsaasumik piginnaaneqaruit iluaqutaassaaq

• Marluinnik oqaasieqartuusinnaavoq, kisianni piumasaqaataanngilaq

Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfimmi Aqutsisunut Allattoqarfik pillugu.

Aqutsisunut Allattoqarfimmi immikkoortortaqarfipput qulingiluat missaanni sulisoqarpoq, Naalakkersuisoqarfiup aqutsisuinik qullerpaanik tapersersuisoq naalakkersuisoqarfiullu immikkoortortaqarfiinut allanut qanimut suleqateqarluni sunniuteqarluartumik ingerlatsinermut tapersersuilluni. Immikkoortortaqarfiit akimorlugit ulluinnarni sullissineq ilaatigullu nutsigassanik suliaqarneq isumagisaraarput.

Qinnuteqarneq

Qinnuteqarnissamut ulloq killigititaq tassaavoq 29. maaji 2026 nal. 12.00 Kalaallit Nunaata nalunaaqutaa malillugu.

Ulloq sulilerfissaq 1. aggusti 2026 isumaqatigiissuteqarnikkulluunniit.

Annertunerusumik paasissutissat

Atorfik imaluunniit naalakkersuisoqarfik pillugit paasisaqarnerujumaguit, immikkoortortami pisortaagallartumut Heidi Dalagerimut attaveqarnissamut tikilluaqqusaavutit, uunga hdlr@nanoq.gl imaluunniit oqarasuaammut +299 59 13 04.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.