Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfimmi Aqutsisunut Allattoqarfimmut pisortaq

Aqutsisunut Allattoqarfik suliffiuvoq pilerinartoq suliatigullu qaffasissumik anguniagalik. Aqutsisunut Allattoqarfimmi ulluinnarni sulineq assigiinngitsorpassuarnik suliassaqarfiullunilu suliatigut unammilligassaqarfiusarpoq, ilaanni sukkasuumik ingerlasoqartarluni suliassallu piffissaliussat sivikitsut iluanni naammassineqartariaqartarlutik, kisiannili tamatigut suliatigut tunngavissaqarluartumik ingerlanneqartarlutik.

Aqutsisunut Allattoqarfik Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfimmi immikkoortortaqarfiit pingasuusut ilagaat, taanna meeqqanut, inuusuttunut, inatsisit atuutsinneqarnerannut naligiissitaanermullu tunngasunik naalakkersuisoqarfimmi suliassanik kiisalu taassuma ataaniittumut immikkoortortaqarfimmut Isumaginninnermut Aqutsisoqarfimmut tunngasunik ingerlatsisuusoq. Aqutsisunut Allattoqarfimmi ulluinnarni sulineq assigiinngitsorpassuarnik suliassaqarfiullunilu suliatigut unammilligassaqarfiusarpoq, ilaanni sukkasuumik ingerlasoqartarluni suliassallu piffissaliussat sivikitsut iluanni naammassineqartariaqartarlutik. Qaqutigoorpoq ullut tulleriit taamannak ingerlasarnerat.

Immikkoortortaqarfik arfinilinnik sulisoqarpoq naalakkersuisoqarfimmilu tapersersuisutut inissisimalluni. Suliassat assigiinngitsorpassuupput suleqatigiinnermik, ataqatigiissaarinermik kiisalu naalakkersuisoqarfimmut Naalakkersuisumullu saaffiginnissutinik suliarinninnermik pisariaqartitsisut, taakkununnga ilanngullugit Naalakkersuisut Inatsisartullu akornanni suliat, allakkat, tusarniaanerit, pitsaassutsimik qulakkeerinninneq, attaveqaqatigiinneq, allagaateqarneq, HR, nunani avannarlerni suleqatigiinneq, nutserineq kiisalu suliniutinik aqutsineq.

Immikkoortortaqarfik innuttaasunik ataatsimiisitsinerit aammalu avataaneersunik ataatsimiinnerit pilersaarusiornerinut kiisalu ineriartortitsinermut tunngasunik suliassanik akisussaaffeqarpoq, ilaatigut meeqqanut inuusuttunullu suliassaqarfiup iluani inuiaqatigiinni suleqataasartunik peqataatitsilluni politikkikkut workshoppertitsinernut isumasioqatigiissitsinernillu.

Illit akisussaaffitit

• Aqutsisunut Allattoqarfimmik arfinilinnik sulisulimmik aqutsineq ineriartortitsinerlu.

• Inatsisartut ataatsimiinneranni Aqutsisunut Allattoqarfiup ataqatigiissaarineranik kiisalu naalakkersuisoqarfiup Naalakkersuisunut Inatsisartunullu suliassanik tunniunneqarneranni pitsaassutsimik sunniuteqarluartumillu qulakkeerinninneq.

• Naalakkersuisumut, Naalakkersuisunut Inatsisartunullu suliassanik ataqatigiissaarinermik malitseqartitsinermillu pingaarnerusumik akisussaaffeqarneq.

• Naalakkersuisoqarfiup immikkoortortaqarfii allat qanimut suleqatigalugit Naalakkersuisoqarfiup suliassaanik ataqatigiissaarinermi kiisalu Naalakkersuisumik sullissinermi qitiusumik inissisimalluni isumaginninneq.

• Suliffeqarfiup iluani avataanilu sunniuteqarluartumik attaveqaqatigiinnermik, suleqatigiinnermik kiisalu soqutigisaqaqatigiinnik peqataatitsinermik qulakkeerinninneq.

• Naalakkersuisoqarfimmi nutserinernut pingaarnerusumik akisussaasuuneq, ilaatigut nutsikkanik pitsaassutsimik piffissarlu eqqorlugu tunniussinissamik qulakkeerinninneq.

  
  Suliassat assigiinngiiaartorpassuupput oqaatsit suliassaqarfiillu assigiinngitsut akimorlugit suleqatigiinnissamik pisariaqartitsisut, kiisalu suliassaqarfinni nammineq akisussaaffigisani suliniutinilu namminersorluni akisussaaffimmik tigusinissamik piumasaqarfiullutik. Atorfik nutaanik sukkasuumik ilikkagaqarsinnaanermik, eqaatsuunermik kiisalu suliffeqarfiup iluani ulapaarfiusumi annikitsunik annertuunillu suliassanik ataatsikkut ingerlatsivusinnaasumi sulilluarsinnaanissamik piumasaqaateqarpoq.
  
  Taamaattumik akisussaassuseqartuunissat, naleqqussarsinnaanissat suleqateqarluarsinnaanissallu pingaaruteqarpoq. Politikkikkut aqunneqartumik suliffeqarfimmi sulerusussuseqassaatit, tassani sulineq akulikitsumik sukkasinnaallunilu piffissaliussat sivikissinnaallutik. Allattariarsornikkut oqaluttariarsornikkullu attaveqaqatigiilluarsinnaassaatit, aammalu pissutsit assigiinngitsut paasisinnaalluartariaqarlugit.
  
  Naalakkersuisoqarfimmi suliassat ilaatigut allakkiatigut, nalunaarusiatigut assigisaanillu politikkikkut sullissinernik kiisalu suliniutinik ineriartortitsinermillu suliassanik assigiinngitsunik kiisalu meeqqanut inuusuttunullu suliassaqarfimmi periusissianik iliuusissanillu pilersaarusianik ineriartortitsinernik ilaqarput.
  
  Ilinnut tunngasut

• Ilinniagaqarsimaneq: naleqquttumik ingerlaqqiffiusumik ilinniagaqarsimassaatit kiisalu allaffissornermi ukiuni arlalinni misilittagaqassallutit, pisortat namminersortulluunniit suliffeqarfiutaanni pitsaassaaq

• Aqutsinermik misilittagaqarneq: Aqutsinermik pitsaasumik misilittagaqassaatit suliffimmilu avatangiisinik pitsaasunik pilersitsisinnaassuseqassallutit, kiisalu ulluinnarni ulapaarfiusuni allanngorartunilu tamakkiisumik isiginnissinnaassuseqassallutit.

• Suliatigut paasisimasaqarneq: Suliassaqarfik Kalaallit Nunaanni atugassarititaasut iluannut tunngasoq paasisimasaqarluarfigissavat kiisalu suliassanik pisariusunik assigiinngitsunillu suliaqarnermik misilittagaqassallutit.

• Attaveqaqatigiinneq: Allattariarsornikkut oqaluttariarsornikkullu pitsaasumik attaveqaqateqarsinnaassaatit kiisalu pisariusunik qulequttanik politikkikkut aalajangiisartunut suliatigullu suleqatinut erseqqissumik eqqortumillu ingerlatitseqqiisinnaassallutit.

• Suleqatigiinneq sunniuteqarsinnaanerlu: Ammasuussaatit, suleqatigiinnermik pingaartitsisuussaatit, suliffeqarfiillu aamma inissisimaffiit assigiinngitsut akimorlugit attaveqarfinnik pilersitsisinnaassallutit.

• Kultureqarnermik paasisimasaqarneq: Kalaallit Nunaanni pissutsinik ilisimasaqarneq kiisalu kalaallisut, danskisut tuluttullu oqaaseqarsinnaaneq pitsaaqutaassapput.

  
  Neqeroorutigaavut:

• Politikkikkut aalajangiisarnermut qanittoq suliffik pissanganartoq unammillernartorlu, suliffeqarfik allanngorartoq anguniagaqarfiusorlu, aqutsisoqatigiillu nammineq sunniuteqarnissamut periarfissiisut.

• Aqutsisunik misilittagaqarluartunik suleqateqarneq kiisalu suleqatit akornanni suleqatigiilluarneq.

• Suliatigut aqutsinermilu qanimut isumasioqatigiinnermut ineriartornisssamullu periarfissinneqarneq.

• Suliffik tatiginninnermik, ataqqeqatigiinnermik pitsaasumillu atugaqarnermik ukkataqartoq.

  
  Paasissutissat sukumiinerusut:
  Atorfik pillugu sukumiinerusumik paasisaqarusukkuit naalakkersuisoqarfimmi pisortaagallartoq Helena Lynge Møller oqarasuaatikkut +299 56 31 80 imaluunniit mailikkut helm@nanoq.gl attavigisinnaavat.
  
  Qinnuteqarnissamut killigititaq tassaavoq:
  24.06.2026 nal 12:00
  
  Ulloq atorfiniffissaq 01.08.2026 imaluunniit isumaqatigiissuteqarnikkut.
  Atorfinitsitsinissamut oqaloqatiginninnerit ingerlaavartumik ingerlanneqarnissaat naatsorsuutigineqarpoq
  Namminersorlutik Oqartussat pillugit paasissutissanik sukumiinerusunik pissarserusukkuit Naalakkersuisut nittartagaat takuuk www.naalakkersuisut.gl
   
  Akissarsiat atorfeqartitaanermilu atugassarititaasut:
  Atorfik akissaateqarfimmi LR 38-mi maanna inissisimavoq.  1. april 2026 LR 38-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut  Kr. 64.048 ukiumullu Kr. 768.576.
  
  Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.
  
  Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.
  
  Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.
  
  Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
  
  Najugaq
  Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
  
  Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
  E-mail-ikkut qinnuteqaatinik tigusineq ajorpugut.