Meeqqat angerlarsimaffiat Ivaaraq immikkoortortami aqutsisussamik socialassistent / perorsaasumik pissarsiorpoq.

Meeqqat angerlarsimaffiat Ivaaraq Qaqortumiittoq nunatsinni kisiartaavoq meeqqanut inersimasunullu timikkut tarnikkullu annertuumik innarluutilinnut. 

Meeqqat angerlarsimaffiat Ivaaraq immikkoortortat marluupput ornittagaqarlunilu. Immik-koortortaq tungujortumi 10-nut inissaqarpoq, sungaartumilu 5-nik inissaqarluni.

Ulluinnarni anguniagaraagut ineqartuutigut imaqarluartumik toqqissisimasumillu inuuneqar-nissaat, aammalu tunuliaqutai malillugit piginnaasaanik ineriartortissallugit.

Ineqartuutigut tamarmik periarfissaqarput ornittakkatsinnukarsinnaallutik Orpigaq-mut, soorlu aamma susassaqartitsisoq immikkoortortanut orniguttartoq ineqartut susassaqartin-nissaanut peqataajartorluni, taamaattumik immikkoortortami aqutsisutut qanimut suleqati-giumaaritit.

Immikkoortortami aqutsisutut immikkoortortaq Sungaartoq 5-nik ineqartuutilik akisussaaf-figissavat.

Akisussaaffigisassatit makkuupput: ineqartut ataasiakkaat pillugit nalunaarsuinerit isumagineqarneri, ilisarititsineq ilitsersuinerlu ulluinnarni suleriaatsinut. Akisussaaqataal-lutit qulakkeerlugu tiimit immersorneri ajunnginnersut, aammalu ineqartut paaqqutarineri-nut isumassorneqarnerinullu.

Neqeroorutigaarput:

- Suliffeqarfik ineriartortoq, pingaartillugit suleqatigiit assigiinngitsut suleqatigiinneri, isumannaallisaanermilu eqqummaarissuunissat.

- Pisortat qanimut suleqatigineri. Tullersorti illorsuup iluani allaffeqarpoq. Siunnersoqa-tigiineq pingaartutut isigaarput.

- Naleqartitagut assigiinnissai takorluugaraarput

Illiua:

- Aqutsinermik misilittagalik

- Assigiingitsunik suleqateqarsinnaasoq

- Ulluinnarni ulapaarfinnilu isumalimmik nakkutiginnissinnaasoq

- Isumassarsiullaqqissoq, piumassusilimmik sulisinnaasoq ammasorlu.

- Ineriartoqataarusuttoq

Annertunerusumik paasisaqarusukkuit atorfik pillugu, 64 21 13-mut sianerit imaluunniit mail allallutit: forstander@ivaaraq.gl

Socialstyrelsep nittartagaa takusinnaavat: https://socialstyrelsen.gl tunngavik: innarluutillit

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk