Meeqqat Angerlarsimaffiat Ivaaraq suliffimmut pilersinneqaqqammersumut Sundhedsassistentissarsiorpoq

Innarluutillit pillugit suliassanik nutaanik, assigiinngisitaartunik misiliiumaguit, uani atuarit. 

Meeqqat Angerlarsimaffiat Ivaaraq, Kujataani inissisimavoq, nunalu tamakkerlugu arlalitsigut innarluutilinnut najugaqarfiuvoq, meeqqanik inuusuttunik inersimasunillu 15-inut inissaqartoq.

Suliffeqarfiup inisimasortai immikkoortuni marluusuni agguataarneqarput. 

 Ineqartuutigut sutigut tamatigut pisariaqartitsisuupput. Assigiinngitsunillu sulisoqarpugut; perorsaasut, isumaginninnermi ikiortit, ilinniagaqanngitsut, pediilit, iggavimmi sulisut eqqiaasullu.

Pisortaq peqqissaasutut ilinniarsimasuuvoq pisortallu tullersortaa perorsaasuulluni.

Ujarparput:

• Peqqinnissaqarfimmi ikiortitut ukiualunni sulereersimasoq 

• Ulluinnarni pissanganartumik assigiinngisitaartumillu sulinissaminut nuannarisalik

• Peqqissutsimut aammalu isumaginninnermut suliassanik tunngaviusunik atuartitsinermik suliaqarusuttoq

• Kalaallisut oqaasilik 

Neqeroorutigaarput: 

• Suliffik ingerlaavartumik ineriartorfiusoq, suliassaqarfinnik assigiinngitsuusunik pingaartitsisoq. 

• Atorfimmi sunniuteqarsinnaanermut periarfissaq.

• Suliffeqarfik ineqartut pisariaqartitaannik aallaaviusumik sullissisoq. Taamaaliornikkut ineqartut ulloq nuannersumik atorsinnaaniassammassuk. 

• Ineqartut suleqatillu nuannaartut. 

Suliassaqarfiit ilaatigut ukuussapput:  

• Sulisut allat naligalugit ineqartuutitta pisariaqartitaannik naammassinninnissamut peqataaneq. 

• Peqqinnissaq pillugu ingerlaavartumik sulisunik pikkorissartitsinerit. 

• Innarluutilinnut timikkut iluaqusersuusiortunut, kamippaliortunut, timimik sungiusaasoq peqatigalugu peqataaneq. Taakku ukiumut marloriarlutik pisarput. 

• Meeqqat nakorsaata ukiumoortumik tikeraarneranut peqataasarneq aammalu pisortaq suleqatigalugu malitseqartitsinerit assigiinngitsut ingerlanneqartarnissaat qulakkeernissaanut peqataasarneq. 

• Sulisut allat suleqatigalugit ineqartuutitsinnut nuannersunik isumalluarnartunillu misigisassanik aallartisaaneq.

• Immikkoortortaqarfiit iluanni ataatsimiinnerni/ sulisut ataatsimiinnerini/ Kommunimilu peqataanerit.

• Ulloq unnuarlu sapaatip akunneri allortarlugit sulinermi peqataaneq. 

Ullukkut suliffiit nal. 07.00-15.00, unnukkut suliffiit nal. 14.00-22.00, unnuakkullu suliffissat aaliangersimasut. 

Meeqqat Angerlarsimaffiat Ivaaraq Peqqissutsimut Pitsaaliuinermullu Aqutsisoqarfiup ataaniippoq, taannalu Meeqqanut Inuusuttunullu Naalakkersuisoqarfiup ataaniilluni.

Paasisaqarnerorusukkuit attavissaq pisortaq Inge Kolby Pedersen, mail: forstander@ivaaraq.gl Imaluunniit sianerlutit uunga +299 64 21 13 (Qallunaat nalunaaqutaat malillugu nal. 12.00 kingorna)

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk