Meeqqat illersuisuat

Kalaallit Nunaanni meeqqat tamarmik sinniisussaannik oqallorissumik Namminersorlutik Oqartussat sulisussarsiorput

Inatsisartut 2011-imi meeqqat pisinnaatitaaffii pillugit nutaamik allaffeqarfiliorpoq Meeqqanut illersuisulimmik meeqqat pisinnaatitaaffiinik peroriartornermilu atugassarititaannik Kalaallit Nunaanni saqqumilaartitsinerulernissamik sulissuteqartussamik.

Meeqqat illersuisuat taassaavoq meeqqat pisinnaatitaaffii pillugit allaffeqarfimmi siuttuusussaq, aammattaaq Meeqqat Siunnersuisoqatigiivinut allattoqarfiannullu ilaasoq. Meeqqat illersuisuat Meeqqat Siunnersuisoqatigiivini siulittaasuuvoq meeqqallu sinniisoqarfianni qullersaalluni. Meeqqat Pisinnaatitaaffii pillugit Naalagaaffiit Peqatigiit Isumaqatigiissutaat aallaavigalugu meeqqat atugassarititaannut pisinnaatitaaffiinullu tunngatillugu ukkatarinnilersitsineq ilisimasanillu siuarsaaneq sulinermi tunngaviuvoq.

Meeqqat illersuisuattut atorfik meeqqat atugassarititaannik pisinnaatitaaffiinillu suliaqarnikkut suliatigut inuttullu immikkuullarissumik sunniuteqaqataanissamut periarfissiivoq.

Meeqqat illersuisuata pingaarnertut

Meeqqat atugassarititaannut pisinnaatitaaffiinullu tunngatillugu apeqqusiisarneq oqallitsitsinerlu, meeqqat sinnerlugit oqariartuuteqartarneq oqallinnermilu meeqqat sinnerlugit oqaaseqartarneq 

• Meeqqat atugassarititaannut pisinnaatitaaffiinullu tunngatillugu apeqqusiisarneq oqallitsitsinerlu, meeqqat sinnerlugit oqariartuuteqartarneq oqallinnermilu meeqqat sinnerlugit oqaaseqartarneq

• Meeqqat atugassarititai pisinnaatitaaffiilu pillugit oqartussaasunut, suliffeqarfinnut, kattuffinnut inuinnarnullu siunnersuisarneq ilitsersuisarnerlu

• Kalaallit Nunaanni inatsiseqarnermut suleriaatsimullu tunngatillugu Meeqqat Pisinnaatitaaffii pillugit Naalagaaffiit Peqatigiit Isumaqatigiissutaanni aalajangersakkat naapertuunneqarnersut pillugit nakkutiginninneq

• Pissutsinik meeqqat atugassarititaannut periarfissaannullu inuiaqatigiinni nalinginnaasumik ineriartornikkut sunniutilinnik uparuaasarneq

• Meeqqanut inatsiseqartitsinikkut isumannaatsuutitsinissamut siuarsaataasinnaasunik suliniutigisassanut siunnersuuteqartarneq

• Meeqqat atugassarititaat pillugit ilisimasanik katersisarnissamik, ineriartortitsinermik siammarterisarnissamillu qulakkeerinninneq

Meeqqat illersuisuat politikkikkut attuumassuteqanngilaq inuiaqatigiinnilu meeqqat atugassarititaat pisinnaatitaaffiilu pillugit arlaannaanulluunniit attuumassuteqanngitsumik oqaaseqarsinnaalluni.

Meeqqat illersuisuat suliassani meeqqanut tunngasuni politikkikkut, allaffissornikkut suliatigullu ingerlatsinermik nalilersuinissaminut paasiniaasinnaanera pillugu siammasissumik Meeqqat illersuisuat aamma Meeqqat pillugit Siunnersuisoqatigiit pillugit Inatsisartut inatsisaannit nr. 11, 22. november 2011-meersumit periarfissinneqarpoq.

Meeqqat illersuisuattut atorfimmut qinnuteqartunut naatsorsuutigaarput:

• atorfiup imarisaanut naleqquttumik ilinniagaqartuusoq misilittagaqarlunilu

• attaveqatiginnillaqqissoq, aammalu meeqqanik oqaloqateqarsinnaanermik piginnaasalik

• aqutsisutut pilersaarusiornermik suleqateqarnikkullu misilittagalik

• namminersorluni sulisinnaalluartoq, eqinnaatsoq sulianillu aallussilluartoq

• akisussaassuseqarluartoq suliamullu ataqqinnittoq

• kalaallisut, nunat avannarliit oqaasiinik tuluttullu oqaatsinik piginnaasaqarluartoq

• isumassarsiullaqqissoq, ilakkuminartoq alapernaatsorlu

Meeqqat illersuisuattut atorfik ukiut aalajangersimasut malillugit atorfiuvoq ukiuni sisamani atorfeqarfiusussaq.

Ukiut, suiaassuseq, ammip qalipaata, upperisaq, inuiannut sumut ilaaneq apeqqutaatinnagit soqutiginnittut tamaasa atorfimmut qinnuteqarnissaannut kajumissaarneqarput.

Atorfininnermut tunngatillugu angalanissaq naatsorsuutigineqassaaq.

Qinnuteqarnissamut killigititaasoq 03. 06. 2025.

Atorfininnissamut oqaloqatiginninnerit 2025 -mi junip qeqqani pinissaat naatsorsuutigineqarpoq.

Ulloq atorfiniffissaq

1. aggusti 2025

Akissarsiat atorfinitsitaanermilu atugassarititaasut

Atorfinitsinneqartut ukiunut sisamanut atorfinitsinneqarnermi tapisiaqartinneqassaaq.

Meeqqat illersuisuattut atorfik ukiumut akissarsiaqartinneqassaaq LR 38 -i naapertorlugu aamma inunnik ataasiakkaarlugit isumaqatigiissuteqartarneq malillugu atorfinitsitsisoqassaaq.

Akissarsiat LR 38 -i naapertorlugu 1. apriili 2020 -imi amerlassuseqarput qaammammut kr. 68.047,- aamma ukiumut kr. 816.570,-

Atorfimmut atatillugu piffissap suliffiusussap sivisunerpaaffissaa aalajangersagaanngilaq, aamma qaangiuttoornermi ajunngitsorsiassaqarneq pillugu aalajangersakkat kiisalu ullunik sulinngiffiusussanik annaasaqarnermi ajunngitsorsiassat pillugit aalajangersakkat atuutinngillat, aallaaviatigut sap. akunneranut 40 tiimit sulisoqartassalluni.

Danmarkimi Naalagaaffimmi tjenestemandit aamma AC-mi isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Nunamut namminermut ministereqarfiup aammattaaq kommuninut immikkoortortanullu Kalaallit Nunaanni Namminersorlutik Oqartussani atorfinitsinneqarnermi aningaasarsiaqarani sulinngiffeqarnissamut qinnuteqaatit tigulluarneqartarnissaannik innersuussutigisimavaa.

Sulinngikkallarneq pillugu aalajangersakkat Kalaallit Nunaanni Namminersorlutik Oqartussat ataani inunnut atorfinitsinneqartunut uisut nuliaasut/ aapparisamut ilaapputtaaq.

Ineqarneq

Atorfimmut atatillugu malittarisassat sukkulluunniit atuutsinneqartut naapertorlugit sulisunut inissiamik pequsersoriigaanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartunut akiliutit qularnaveeqqutillu akilerneqassapput. Inigisap qanoq pisoqaatiginera, piginnittoqarnikkut pissutsit il. apeqqutaatillugit ineqarnermut akiliut aamma inissiap pitsaassusia assigiinngisitaarsinnaavoq. Sulisunut inissiaq atorfeqarnerup taamaatinnerani qimanneqassaaq. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Atorfik pillugu paasisaqarnerorusukkuit uunga attaveqarnissannut tikilluaqquneqarputit:

Heidi Lindholm, Naalakkersuisoqarfiup pisortaa, Meeqqanut Inuusuttunullu Naalakkersuisoqarfik, e-mail: heli@nanoq.gl, oqarasuaat: +299 54 73 71 imaluunniit Kista Isaksen, immikkoortortaqarfimmi pisortaq, e-mail: kisa@nanoq.gl, oqarasuaat: +299 34 65 82.

Meeqqat Illersuisuannut tunngatillugu inatsiseqartitsineq pillugu paasissutissat nassaarisinnaavatit nittartakkami uani:: www.nalunaarutit.gl -imi kiisalu MIOp suliai pillugit www.mio.gl -imi

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk