Meeqqat ornittagaanni Kapisilinni sulisumik pissarsiorpoq

Kommuneqarfik Sermersooq pikkorissumik tunniusimasumillu, Meeqqat ornittagaanni Kapisilinni sulisumik pissarsiorpoq. Isumaqatigiissuteqarnikkut sulilersinnaasumik.

Meeqqat ornittagaanni Kapisilinni meeqqanut 8-nut naatsorsuussaavoq.

Meeqqanut 0-niit 6-nut ukiulinnut meeqqeriviuvoq.

Meeqqat ornittagaat Kapisillit ammasarfii: nal. 7.30-16.30.

Atorfinittussanut naatsorsuutit:

·Isumaginninnermi ikiortitut allagartaqarnissat imaluunniit ilinniarsimanngitsumik meeqqanik ineriartortsitinermi misilittagalik

·Meeqqanut, sulisunut atuisunullu ammasuunissuullutillu akuersaartuunissat

·Piumasaqaatinut pimoorussisumik

·Suleqatikkuminartuunissat

·Aalajaatsuullutillu sungiussiasoq

·Qarasaasiamik piginnaasaqartoq

·Inatsisartut Inatsisaat nr. 62 20.nov.2023-meersoq malillugu sulinermik ingerlatsisoq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Kommuneqarfik Sermersuup meeqqanut anguniagai:

∙Meeqqanut tamanut inissaqartitsisumik, alapernaatsunik, tatitussusilinnik, peqqisunik aammalu nuannaartunik pilersitserusuppugut.

∙Meeqqat tamarmik pitsaanerpaamik tunngavissinnissaat, taanna aqqutigalugu ilinniartinneqarnerisigut, ineriartortinneqarnerisigut atugarissaartinneqarnerisigullu pitsaanerpaamik tunngaveqartinnissaat.

Meeqqat ornittagaata Kapisilinni immikkut ilisarnartai:

·Qanilaarneq

·Toqqissisimaneq

·Suleqatigiinneq

·Ataqatigiinneq

·Ataqqeqatigiinneq

·Oqaloqatigiilluarneq

·Paaseqatigiilluarneq

·Unneqqarissuuneq

·Alapernaanneq

·Ineriartorneq

Neqeroorutigaagut:

Meeqqat qiimasut, suleqatit qiimasut, sulisut angajoqqaallu suleqatigiilluartut, suliffik iseruminartoq toqqissisimanartorlu, kiisalu sulisut aalajaatsut.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Inngeeraq Aleqa Møller, oqarasuaat +299 36 76 16 imaluunniit e-mail: imll@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 203-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 17.-at, 2026