MISImut tarnip pissusiinik ilisimasalik

Kommuneqarfik Sermersooq / Meeqqanut Atuarfeqarnermullu Ingerlatsivik / Meeqqanik Inuusuttunillu Siunnersuisarfik - MISI

MISImut tarnip pissusiinik ilisimasalik (Perorsaanikkut tarnillu pissusiinik ilisimasaqarnikkut siunnersuisarfik)

Kalaallit Nunaanni meeqqanut aamma inuusuttunut allanngueqataarusuppit?

MISI tarnip pissusiinik ilisimasalimmik meeqqanik, inuusuttunik, ilaqutariinnik aamma sulianik ingerlatsisut najoqqutassanik toqqissisimanartunik ineriartorfiusunillu pilersitserusuttumik sulisussarsiorpoq. Assigiinngissitaartumi pingaarutilinnik suliassartalimmi sulinissat kissaatigigukku, suliatigullu piginnaasatit sunniuteqarluarsinnaallutik, taava illit ujartorpatsigit.

Atorfik pillugu

MISImi tarnip pissusiinik ilisimasalittut meeqqat inuusuttullu nalerisimanerat, ineriartornerat ilikkariartornerallu siuarsaaqataaffigineranni pingaarutilimmik inissisimassaatit. Sulinermut tunngasunik siunnersuineq aamma ataatsimut isiginninneq tunngavigalugu meeqqat avatangiisaaniittut meeqqamut attaveqartariaasiannik patajaallisassavatit. MISImi meeraq tamaat isigisarparput – inooqataanikkut ataatsimoorfiit, avatangiisit ilinniarfiusut aamma inersimasut meeqqat avatangiisaaniittut, suliassarissavallu ulluinnarni nalerisimanermut aamma ilinniarnermut siuarsaasinnaasunik aaqqiissutinik pilersitsinissaq.

Ulluinnarni sulininni ilaatigut:

∙Atuarfinni ulluuneranilu neqeroorutini perorsaanikkut sulisunik siunnersuineq oqalqoateqarnerlu.

∙Ataatsimut aaqqiissutinik nassaarnissaq siunertaralugu angajoqqaanik siunnersuineq.

∙Meeqqap avatangiisai meeqqap nalerisimaneranik ineriartorneranillu patajaallisaasut suliamut tunngatillugu suliniutini suleqatigalugit.

∙Meeqqap immikkut pisariaqartitsineranut immikkut iliuuseqarneq pillugu aalajangiinernut tapertaasunik perorsaanermi tarnip pissusiinik ilisimasalittut naliliinerit.

∙Meeqqat immikkut atuartinneqartut aamma immikkut perorsaanermik ikiorserneqartartut ukiumoortumik naliliiffigineqarnerannik suliaqarneq.

∙Aqutsisup qaninnerup isumaqatigineratigut allanik suliaqarneq.

Tarnip pissusiinik ilisimasalimmik pissarsiorpugut:

∙Psykologiimi kandidatitut ilinniagalik (Cand. psych. assigisaanilluunniit).

∙Perorsaanermut tarnikkullu sulianut tunngasunik aamma ulluunerani neqeroorutini atuarfinnilu meeqqanik sullissinissamut soqutigisalik.

∙Tamatigoortumi aamma nammineerfiusumi suliffik, illit nammineq suliami aaqqiissuteqarnissannut sunniuteqarsinnaallutit.

∙Attaveqarnermut tatiginnilersitsinermut aamma suliaqartut ilaqutariillu assigiinngitsut suleqatiginissaannut nukittuffeqartutit.

∙Kommuneqarfik Sermersuumi ilikkarnissamut avatangiisit peqataatitsisut ineriartorfiusullu siuarsarnissaannut peqataanissamut kissaatilik.

Neqeroorutigaagut

∙Suliffik pissanganartoq tamatigoortoq, illit suliassavit aaqqissuunnissaannut annertuumik kiffaanngissuseqartitsisoq.

∙Suleqatit pikkorissut tunniusimasullu qanimut aamma suliatigut suleqatigiinneq.

∙Suliffeqarfik nalerisimaneq aamma suliatigut ilisimasat imminnut ataqatigiiffigisaat.

∙Suliffeqarfiup iluani avataaniluunniit supervisionerneqarnissamut aamma piginnaasanik ineriartortitsinissamut periarfissaqarluni.

∙Sapaatip akunneranut 40 tiimit suliffik suliatigut siunersiueqatigiinneq aamma suleqatigiittut ataatsimoorneq patajaatsoq.

MISImi meeqqat aamma inuusuttut ineriartornissaannut pitsaanerpaamik najoqqutassanik pilersitsinissamik siunnerfeqarluta sulivugut. Sulinermut matumunnga pingaarutilimmut peqataalernissannut piareeqqaguit tusarfigerusuppatsigit.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Siunnersortaanerugallartoq Arnannguaq Thomsen Jakobsen, oqarasuaat +299 36 63 34 imaluunniit e-mail: artj@sermersooq.gl

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissarsianut atorfinitsitsinermilu tunngasut:

Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu akissarsiaqartitsisoqarlunilu atorfinitsitsisoqassaaq

Atorfinitsitsinermi qaammatit pingasut misiligutaassapput.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Qinnuteqaat:

Qinnuteqaat qulequtserlugu Atorfiup ilisarnaataa 724-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqassaatit:

Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

Malugiuk:

Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq. 

Qinnuteqarnissamut killissarititaasoq: aggustip 4.-at, 2025

Atorfik una qinnuteqarfigiuk