Naalakkersuisut Siulittaasuanut Allatsi

Aaqqissuussillaqqissuuit?, politikkimut paasinnillaqqippit aammalu Namminersorlutik Oqartussat aqutsisui qanillugit suleqatiginninnissamut piumassuseqarpit? Naalakkersuisut Siulittaasuata Naalakkersuisoqarfia pimoorussisumik akisussaassuseqartumillu allatsimik ujaasivoq, taassumap Naalakkersuisut Siulittaasuata sullissinerani pitsaasumik, aammalu torersumik sullinneqarnissaanut qulakkeerinnittussaq, taamatuttaaq qitiusumik tatiginartumillu inissisimasussaq.

Atorfiniffissaq: Juunip aallaqqaataat imaluunniit isumaqatigiissuteqarnikkut.

Atorfik pillugu:

Allatsi tassaavoq Naalakkersuisumut ikiorti, aammalu ulluinnarni suliassat pitsaanerpaamik ingerlasarnissaannik qulakkeerinnittussaq. Suliassat ilaatigut aaqqissuunnerannut, ataqatigiissaarnissannut aammalu allaffissornikkut qulakkeerinninnermut tunngassuteqarput, tassani politikkikkut allaffissornikkullu suleqataasut qaninnerpaamik suleqatigineqassapput.

Allatsi toqqaannartumik Naalakkersuisunut siulittaasumut atorfeqassaaq, aammalu maannakkut allattaareersoq taavalu Naalakkersuisut Siulittaasuata Naalakkersuisoqarfiani aqutsisut qanittumik suleqatigissallugit.

Suliassat:

• Naalakkersuisut Siulittaasuata ullorsiutai, ataatsimiinnissai angalanissaailu ataqatigiissarlugit

• Ataatsimiinnissanut angalanissanullu piareersaaneq, angalanissamut pilersaarutit ilanngullugit

• Oqalugiaatinik, ataatsimiinnissamut atortussanik, qaaqqusissutinik nalunaarutinillu suliaqarlunilu piareersaaneq

• Pisariaqartitsineq naapertorlugu ataatsimiinnernut angalanissanullu peqataaneq. Ataatsimiinnerni immikkut ilisimasalinnik peqataasoqanngippat imaqarniliorneq/ allattaaneq

• Ataatsimiissutissanik piareersaaneq, aammalu Inatsisartut ataatsimiinnissaanut il. il. piareersaatinik isumaginnineq

• Tusagassiortunut attaveqaataaneq

• Pisariaqartitsisoqartillugu Politikkikkut siunnersuisinnaaneq

• Suliassat assigiinngitsunik suliakkerneqarsinnaaneq

Piumasaqaatit:

• Allaffissornikkut imaluunniit inuiaqatigiilerinermik tunngaveqartumik ilinniagaqarsimaneq

• Tusagassiornermut aammalu SOME-mik misilittagaqarneq (annertuumik naleqartinneqassaaq)

• Politikkikkut sullissinermi imaluunniit pisortani allaffissornikkut misilittagaqarneq

• Aaqqissuussillaqqinneq aammalu ulapaarfiusumi eqqissilluni suleriaaseqarneq

• Allallaqqillunilu oqallorissuuneq

• Eqaatsumik suleriuseqarneq, isertuussisinnaaneq aammalu pissuserissuuneq

• Kalaallisut danskisullu piginnaasaqarluarneq

Neqeroorutigaagut:

• Politikkikkut aalajangiisarnerit qanillugit inissisimaneq pingaarutilik

• Suliat assigiinngitsut pissanganartullu

• Politikkikkut aqutsinermut aammalu immikkoortut akimorlugit suleqatigiinnermut ilisimasaqarnerulernissaq

• Suliassat assigiinngiiaartut unammillernartullu

• Inuttut aammalu suliffimmi ineriartornissamut periarfissat

Naalakkersuisut Siulittaasuata Naalakkersuisoqarfia pillugu:

Naalakkersuisut Siulittaasuata Naalakkersuisoqarfiata Naalakkersuisut Siulittaasuat aammalu Naalakkersuisut sullitarai, aammalu Namminersorlutik Oqartussat iluani immikkoortut akimorlugit aammalu pilersaarusiornernut tunngasunik suliaqartuuvoq. Naalakkersuisoqarfik ukuninnga immikkoortortaqarpoq: Aqutsisoqarfik, Inatsisilerinermut Allaffik, HR ineriartortitsineq, Naalakkersuinikkut ingerlatsinermut immikkoortortaqarfik aammalu Tunngaviusumik Inatsisiliornermut immikkoortortaqarfik. Tamatuma saniatigut digitaaliunerulernissamut aqutsisoqarfik aamma Naalakkersuisoqarfimmut ilaavoq. Naalakkersuisoqarfiit allat, Inatsisartoqarfik aammalu suleqatit allat Departementi immikkoortortaqarfiit allat, Inatsisartut aammalu inuiaqatigiinni suliaqartut allat qanimut suleqatigiiffigai, taamatuttaaq politikkikkut allaffissornikkullu aqutsinermut ataqatigiissaarinermi pingaarutilimmik inissisimalluni.

Paasissutissat sukumiinerusut:

Atorfik pillugu paasissutissanik sumumiinerusunik pisariaqartitsiguit, attaveqarfigisinnaavat: Simigaq Broberg, Naalakkersuisut Siulittaasuata Naalakkersuisoqarfiani pisortaq, tlf. 55 95 80 imaluunniit Sbro@nanoq.gl

Qinnuteqarnissamut killigititaq maj-ip 29.-iat 2026 Nal. 12:00

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Malittarisassat atuuttut naapertorlugit tikinnermi soraarnermilu nuussinermut angalanissamut aammalu uternissamut periarfissaqarpoq. Atorfininneq qaammatit pingasut misilitsiffiussaaq. Maluginiaruk atorfik Naalakkersuisut Siulittaasuat tunuarpat toqqammaviusumik atorfeqarneq unittarmat, allatut isumaqatigiissuteqartoqartinnagu.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.