Naalakkersuisut Siulittaasuata Naalakkersuisoqarfiani Politikkikkut Ataqatigiissaarinermut aamma Namminersorlutik Oqartussanit pigineqartuni piginnittuunermi AC-fuldmægtigissarsiorneq

Politikikkut aalajangiisarnerit ingerlasarneri qanilluinnarlugit sulineq kajumigaajuk aamma suliat ingerlanerinut, ataqatigiissaarinermut suleqateqarnermullu piginnaaneqarluarpit? Naalakkersuisut Siulittaasuata Naalakkersuisoqarfia Naalakkersuinikkut Ingerlatsinermi Immikkoortortaqarfimmi ataatsimik imlt. marlunnik AC-fuldmægtigissarsiorpoq imal. immikkut siunnersortissarsiorpoq ataqatigiissaarinermik, siuariartornissamut politikkikkullu suliassanut pingaaruteqarluinnartunik naammassinninnissamut kiisalu suliffeqarfinnik Namminersorlutik Oqartussanik pigineqartunit akisussaaffeqartussamut sullarissumik sulisussarsiorpoq.

Naalakkersuisut Siulittaasuata Naalakkersuisoqarfia

Naalakkersuisut Siulittaasuata Naalakkersuisoqarfia qitiusumik ataqatigiissaariffiuvoq ingerlasunullu aqutsisuulluni, Naalakkersuisunik, qitiusumik aallaffeqarfimmik inuiaqatigiinnilu suleqatiginninnermut tunngaviusoq sapinngisamik pitsaanerpaamik Naalakkersuisut Siulittaasuannut qulakkeerniarlugu. Naalakkersuisut Siulittaasuata Naalakkersuisoqarfia immikkoortortaqarfinni arlariinni inissisimavoq, Naalakkersuinikkut ingerlatsinermut Immikkoortortaqarfik pilersinneqaqqammersoq Aqutsisunut Allattoqarfimmiissaaq. Naalakkersuisut Siulittaasuata Naalakkersuisoqarfiani immikkoortortaqarfiit marluk ataatsimoortillugit imikkoortortaqarfinngortinneqarsimapput. Naalakkersuisut ataqatigiissaarneqarneranut Allaffik Siulersuisunullu Ingerlatseqatigiiffinnullu Allattoqarfik.

Atorfik pillugu

Ataqatigiissaarinerup, siuariartornerup aamma politikikkut suliat pingaartinneqartut naammassineqarnissaasa qulakkeerneqarnissaat allallu suliniutit anginerusut ingerlatsinerillu politikimut atasut, aaqqissuussaaneq akimorlugu ingerlanneqartut Naalakkersuinikkut Ingerlatsinermi Immikkoortortaqarfiup annertuumik ukkatarai. Immikkoortortaqarfiup Naalakkersuisut Namminersorlutik Oqartussat ingerlatseqatigiiffiutaanik piginnittuunermik isumaginninnerat qulakkiissavaa. Tamatuma saniatigut suliassaqarfiit akimorlugit politikikkut ineriartornernut allaffik ilapittuuteqassaaq. Piginnaasat naleqquttut pigineqarneranni, Naalakkersuisut Siulittaasoqarfiani pisortaq tapersersorniarlugu sullissinissamullu suliat pingaarutillit ingerlatallu salliutinneqartut pillugit sulisussaq pingaarutilimmik inissisimassaaq.

Naalakkersuinikkut Ingerlatsinermi Immikkoortortaqarfimmi AC-fuldmægtigitut/immikkut siunnersortitut Naalakkersuisut suliaanik eqeersimaartumik pilersaarusiornikkullu tamakkiisumik isiginninneq pilersissallugu allanngutsaaliussallugulu, ilaatigut Naalakkersuisut sinnerlugit piginnittutut ulluinnarni isumaginnittutut akisussaaffeqarnikkut tapersussavatit.

Suliassatit ilaatigut makkuussapput:

• Naalakkersuisut suliassaqarfitsik akimorlugit suleqatigiinnerini ataqatigiissaarinissamut suliaqarneq.

• Naalakkersuisoqarfiit allat avitseqatiginerisigut Naalakkersuisut politikkikkut anguniagassaannik naammassinninnissaannik tapersernissaat, matumani Naalakkersuisooqatigiinnissamik isumaqatigiissut.

• Politikkikkut isumaqatigiissusiornermi suliaqarnermi ikiortaaneq.

• Tusarniaanermut akissutissamut missingersuusiorneq.

• Namminersorlutik Oqartussat piginneqataaffii pillugit misissueqqissaarnernik, ilisimatitsisutinik, saqqummiussassanik nalunaarutinik il.il. suliaqarnerit.

• Namminersorlutik Oqartussat ingerlatseqatigiiffiisa aqutsinermut allagaatissaanik atuutsitsilernissaq ataavartumillu nutarteriuarnissaq.

• Naalakkersuisut suliffeqarfiutigineqartullu akornanni oqallinnerit, isumasioqatigiinnerit ataatsimiinnerillu ataqatigiissaarnissaat.

Illit suleqativillu suliassaat soqutigisasi, suliassatigut piginnaasasi misilittakkasilu aallaavigalugit tulluarsarneqassapput, aammalu piffissani ulapiffiunerusuni suleqatigiillusi immissinnullu tapersersoqatiillusi sulisassaasi.

Immikkoortortaqarfeeqqami Naalakkersuisut Siulittaasuata Naalakkersuisoqarfiani sulisunik aammalu Qitiusumi Allaffeqarfimmi Naalakkersuisoqarfiit akimorlugit suleqateqartassaatit.

Ilinnut tunngasut

Politikkikkut paasinnittaaseqartutit, Naalakkersuinikkullu politikikkut oqaluuserisassanut sammivinnit assigiinngitsunit isiginnissinnaasuteqarnerit atorlugu Naalakkersuisut suliaanik anguniagaanillu tapersersorsinnaagitit.

Aalajangersimasumik naatsorsuutigaatsigit:

• Qaffasissumik ilinniarnertuujusutit

• Suliffeqarfimmik politikikkut aqunneqartumik misilittagaqarluartutit

• Naalakkersuisoqarfiit qitiusumik allaffeqarfiannut ilisimasaqarluartutit

• Misissueqqissaarinissamut piginnaasaqarluartuusutit suliallu ingerlanerannik paasinnissinnaalluartuusutit

• Oqaasertalersuisinnaassuseqarluartuusutit, tamatumunnga politikkikkut attaveqaqatigiittarnermut ilisimaarinnilluartoq

• Suliamut tunngasunut ukkassilluartuussasutit ataatsimoortumik sulinermut tatiginnittoq qaffasissumillu angusaqarluarniartoq

• Suleqataallaqqissuusutit, kingunissaqarluartumillu suleqateqateqarnissamik attaveqarnissamillu ujartuisoq.

Inuiaqatigiinni pissutsinik ilisimasaqarluarnissat paasisimasaqarnissallu naatsorsuutigaarput. Kalaallisut qallunaatullu oqaaseqaruit iluaqutaassaqaaq.

Paasissutissat allat

Atorfik pillugu apeqqutissaqaruit Nivi Birch oqarasuaammut 34 51 56 imaluunniit mailikkut NVBI@nanoq.gl imaluunniit Pisortaq Simigaq Broberg oqarasuaammut 34 51 44 imaluunniit mailikkut SBRO@nanoq.gl attaveqarfigisinnaavat.

Qinnuteqarneq 

Qinnuteqaatinni imminut ilisaritinnerit aamma soraarummeersimanermullu uppernarsaatit attuumassutillit kakkiunneqassapput. Qinnuteqarnissamut killigititaq tassaavoq ulloq 24. marts 2026.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.