Naatsorsueqqissaannermut ataqatigiisaarinermut Immikkoortortami aqutsisoq – aningaasanik aqutsineq, aningaasartuutinik matussussiineq aamma suliassaqarfiit akornanni ataqatigiissaarineq

Naatsorsueqqissaannermut ataqatigiisaarinermut Immikkoortortami aqutsisoq – aningaasanik aqutsineq, aningaasartuutinik matussussiineq aamma suliassaqarfiit akornanni ataqatigiissaarineq

Qajannaatsumik aningaasanik aqutsineq qularnaarusuppiuk, ersarissumik aningaasartuutinik matussusiisinnaaneq fagsysteminut aammalu datat misissuinerillu atorlugit nalilinnik pilersitsisinnaavit?

Pitsaasumik naatsorsueqqissaarnermut immikkoortortamik aqutsisussarsiorpugut, ulluinnarni aningaasaqarnermut akisussaaffeqartussamik aammalu qitiusumik ingerlatsinermi aningaasatigut ineriartortitsisussamik.

Illit suliassat

Naatsorsueqqissaarnermut immikkoortortaqarfimmi aqutsisutut akisussaaffigissavatit aningaasanut tunngasut suliarissallugit, ataqatigiissassallugit suliaqarfiit akornanni aaqqissuussinerit aqutsisunullu qularnaarinninnerit nalunaarsuinerillu.

Suliatigut ataqatigiissaarinermi akisussaaffeqarpoq. Sulisunik aqutsinermut akisussaaffeqanngitsoq.

Naatsorsuutigineqarpoq namminersorlutit sulisinnaanerit, suliassat pingaarnersiorlugit aalajangigassallu suliassaqarfinniittut aalajangertarlugit – pilersaarusiornermiit atuutsitsilernermut aammalu inernernik nalunaarsuinerit.

Suliassatit pingaarnerit

• DIA-mi aqutsisut aningaasaqarnermut tunngasunik ikorfartorlugit: qulakkeerlugu qaammammut aningaasartuutit, pilersaarutaanngitsumik pisariaqartumilli aqutsisut avitseqatigineri, datat najoqqutat, aalajangikkanik saqqummiineq, aammalu aningaasaqarnermut tunngasunik suliassanillu killilikkanik malitseqartitsineq.
• Missingersuutinik nakkutilliineq aningaasaqarnermilu nalunaarsuineq ingerlatsisoqarfiup immikkoortortaqarfianni, ilanngullugu misissuineq qaammatikkaartuni kvartalikkaartuni ukiumilu naammassisassani.
• Aningaasaqarnerup ingerlatseriaatsip iluani nakkutilliineq, aningaasaqarnermi najoqqutassanik suliaqarneq pitsaassusaanillu qulakkeerinninneq.
• Inerniniliineq ilisimatitsinerlu: Aqutsisut ikiortaattut inatsisit aallaavigalugit missingersuutinik suliaqarneq aammalu naalakkersuisoqarfinniittunik qitiusumillu allatseqarfimmiittunik oqaloqatigiinnerni peqataaneq.
• Datat aallaavigalugit aningaasaqarnermik ingerlatsineq: aningaasaqarnerit ineriartortillugit, ataasiakkaat periutsit aammalu nalunaarusiorneq aqutsisunullu aalajangiinermi saqqummiineq (soorlu, piumaartussanik pilersaarutit, sunniuteqarsinnaasunik nalilersuinerit, aaqqiissutissanillu siunnersuutit.)
• Aningaasaliissutit isumalluutillu: Aningaasaliissutinik isumalluutinillu atuinerit pillugit nassuiaateqarnissaq qulakkeerlugu, aningaasaliissutit aningaasaqarnermullu inatsisitigut suliassat pillugit paasissutissanik tunngaviusunik tunngaveqarnissaq.
• Suliaqarfiit akornanni ataqatigiissaarineq projektimillu ingerlatsineq aningaasaqarnermut tunngasunik suliniutinik suliassaqarfiit akornanni ataqatigiissaarineq projektimilu aqutsineq.
• Nakkutilliinermut ataqatigiissaarisoq: Nalunaarsuinermik akisussaaffilik aammalu sullitanut datanik, isumaqatigiissutinik malinnaaneq, sulianik ingerlatsineq, ullunik aammalu malitseqartitsineq nutaanngorsaanerlu.
• Bilaginik akuersisarnermut systemi – eqeersimaartuuneq pitsaassuserlu: Sulianik ingerlatsinermi eqeersimaartuunissaq qulakkeerlugu, uani pineqarpoq nalunaarsuineq/siullertut akuersisarneq, kukkusunik misissuineq aammalu amigaatinik (soorlu bilaginik amigaatilinnik/nalunaarsuineq), nioqqutissanik pilersuisoq oqaloqatigalugu pisariaqarpat allamullu kontomut nuussinik najoqqutat atuuttut aallaafigalugit.

Aningaasartuutinik matussusiineq fagstysteminut (qitiusumik akisussaaffik)

• Aaqqissuussineq nalunaarsuinerlu ingerlatseriaasermi aningaasartuutinik matussusiinermi ataatsimoorussani ataasiakkaanilu fagsystemini.
• Pitsaassutsimik qulakkeerinnerneq agguaassinermi naatsorsuutinilu akigititani
• Akiliisitsiniaanerit aqutsisut isumaqatigiissusiorfigineqareernerisigut inatsisit atuuttut malillugit najoqqutassallu allattorsimaffiat malillugu.
• Systeminik piginnittut ilitsersuutit pillugit naapeqatigineri: pilersaarusiorneq naammassisaqarnerlu systeminik piginnittut aningaasartuutaannik atuineri pillugit, piginnittut taakkualu naalakkersuisoqarfiini aningaasartuutaasa qulakkeernissaat fagsystemianni.
• Siunnersuineq ersarissuserlu: aqqusaarneqartunut immikkoortortanut ilitsersuinermi naatsorsuineq agguaaneq fagsysteminut, taamaalilluni ingerlaavartumik isumannaallisaanermilu tamakkiisumik aningaasaliiffigineqarlutik ersarissumillu uppernarsaateqartinneqarlutik.

Illit pillutit

• Niuernermik Ilinniarfianni ilinniarsimasoq allaffimmioq/aningaasaqarnermut/allaffissornermulluunniit tunngasumik ilinniarsimasoq, aningaasaqarnermut tunngasunik misilittagalik pisortat suliffeqarfiutaanni assingisaaniluunniit.
• Ataqatigiissaarisutut, teamlederitut/immikkoortortami pisortatut assingisaanilluunniit misilittagalik, aningaasaqarnermik ingerlatsinermi akisussaasutut.
• Aningaasanik naatsorsuinermik, aningaasanik suliaqarnermi naatsorsuusiornermilu misilittagaqarluartoq
• ERP-imut atuisinnaasoq Business Intelligense (BI) atorlugu sulisinnaasoq
• Suleqateqallaqqissoq piareersimasorlu, suliassanik tigusilluarsinnaasoq – suliassaqarfinni aqutsisunullu.
• Nammineerluni sulisinnaasoq, ajornartorsiutaasinnaasunik pinaveersaartitsisinnaasoq, pitsaassuseq pisinnaatitaaffiillu ukkataralugit suleqateqarsinnaasoq.
• Qinnuteqartoq kalaallisut danskisullu allallunilu oqalulluarsinnaassaaq.
• Iluaqutaassaaq qinnuteqartup uppernarsarsinnaappagu aqutsisinnaaneq pisortat suliffeqarfiini misilittagaqarfigisimappagu.
• Pitsaasumik pitsaassusermik ukkataqarsinnaasoq, pilersaarutit malillugit pitsanngoriartortumillu ingerlassineq.

Aaqqissuussaanermi DIA Stabimi inissisimasoq Aqutsisoqarfimmi Pisortamut.

Suliffimmiup sumiiffia: Nuuk

Atorfininnerup qanoq ittuunera: piffissaq tamaat

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qaammatini pingasuni misiliutaasumik

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk