Naatsorsuutinik, misissueqqissaarnermillu suliaqarnermik soqutigisalimmik Inuussutissarsiornermut Aatsitassanullu Naalakkersuisoqarfik suleqatissarsiorpoq

Naatsorsuutinik, naatsorsuuserinermik, aningaasaqarnermik nakkutiginninnermik kiisalu misissueqqissaarnermik suliaqarsinnaasumik suleqatissarsiorpugut. Ulluinnarni naatsorsuuserineq ilisimasaqarfigaat, aammali aningaasaqarneq pillugu paasissutissat qanoq misissoqqissaarneqartarnersut ilisimasaqarfigaat, minnerunngitsumillu ulluinnarni naatsorsuuserinermik suliaqarneq ajortut paasisinnaasaannik inernerit allattariarsornikkut, oqaasiinnakkullu paasissutissiissutigisinnaallugit.

Atorfik pillugu

• IRIS aamma Prisme atorlugit naatsorsuuserineq

• Illup iluani naatsorsuutinik ataavartumik nakkutiginninneq

• Ukiup sisamararterutaanni Namminersorlutik Oqartussat missingersuutinik

nakkutiginninnerinut ikiuineq

• Aningaasaqarnermik assigiinngitsunik misissueqqissaarnerit

• Inernernik allakkatigut, oqaasiinnakkullu paasissutissiineq 

• Suleqatigiissitani attuumassuteqartuni suleqataaneq 

• Suliassat takkussuuttut assigiinngitsut. 

Ajornartorsiutit, pisariaqartitsinerillu piusut apeqqutaasussaammata, suut misissoqqissaarneqartassanersut siumut oqaatigineqarsinnaanngilaq. Iliuuseqarusussuseqartuusutit, ajornartorsiutillu attuumassuteqartut misissoqqissaarnissaannut suliniuteqartassasutit kissaatiginarpoq.

Suliassat annertuumik nikerarput, kiffartuussinissamillu isumaqatigiissutinik nakkutiginninnissamik kiisalu politikerinik ataavartumik sullissinermik aamma ilaqarlutik.

Illit pillutit 

• Aningaasaqarneq pingaarnerutillugu naleqquttumik, attumassuteqartumilluunniit allamik ilinniagaqarputit

• Aaqqissuussisimanermi politikkikkut aqutami imaluunniit suliffeqarfimmi anginerusumi misilittagaqarputit

• Namminersorlutit sulisinnaavutit 

• Ulapaarfimmi tamat isiginnissuteqarsinnaavutit 

• Excel piginnaasaqarnerusoq atorsinnaavat

• Suleqatinik, suleqatigisanillu allanik pitsaasumik, kiinnerartumillu suleqateqarsinnaavutit 

• Kalaallit Nnaanni inuiaqatigiinnut, inuussutissarsiornermullu tunngasunik ilisimaqarputit

• Kalaallisut, qallunaatullu, ajornanngippallu tuluttut oqalussinnaaguit iluaqutaassaaq.

Aningaasaqarnermut, Aqutsinermullu Immikkoortortaqarfik pillugu  

Aningaasaqarnermut, Aqutsinermullu Immikkoortortaqarfik Inuussutissarsiornermut Aatsitassanullu Naalakkersuisoqarfiup ataani immikkoortortaqarfiuvoq. Inuussutissarsiornermut Aatsitassanullu Naalakkersuisoqarfimmi atorfillit 45-pput, soorluttaaq Atuisoqarnermut Unammilleqatigiinnermullu Aqutsisoqarfik naalakkersuisoqarfiup ataaniittoq.

Naalakkersuisoqarfiup akisussaaffiinut Aningaasaqarnermut, Aqutsinermullu Immikkoortortaqarfik siammasissumik suleqataavoq.

Aningaasarsiatigut atorfinitsitaanermilu atugassarititaasut

Namminersorlutik Oqartussat, isumaqatiginninniarsinnaatitaallunilu peqatigiiffiup akornanni isumaqatigiissutit atorfininnermi atuuttut naapertorlugit akissarsiat, atorfininnermilu atugassarititaasut inissinneqassapput, matumani atorfininnermi soraarnermilu angalasinnaatitaaneq, pigisallu assartorneqarsinnaanerat ilanngullugit.

Ineqarneq

Atorfimmut atatillugu inissaqartitsisoqanngilaq. Qinnuteqartoq Namminersorlutik Oqartussani atorfeqarnini aqqutigalugu ineqareersimappat, atorfimmut atatillugu iniminiiginnarsinnaatitaanini pigiinnassavaa. Atorfimmut atatillugu inissiaq atorfinitsitaanermut atavoq, atorfeqarunnaarnermilu qimanneqassalluni.

Annertunerusumik paasissutissat 

Atorfik pillugu annertunerusumik paasisaqarusukkuit Aningaasaqarnermut, Misissueqqissaarnermullu Immikkoortortaqarfimmi pisortaq Dorthe PaaskeRasmussen, e-mail:dopa@nanoq.gl-imut, oqarasuaammut 34 65 42 attavigisinnaavat.

Piaartumik imaluunniit ersarinnerusumik isumaqatigiissuteqarnikkut atorfinitsitsisoqassaaq.

Qinnuteqaat, CV, ilinniarsimanermut aamma pikkorissarsimanermut uppernarsaatit kiisalu paasissutissat allat naleqquttut, ”Qinnuteqaat nassiuguk” toorneratigut nassiutikkit.

Qinnuteqaatinik mailikkut tigusineq ajorpugut.