Najugaqatigiiffik Seernaq akisussaaffilimmik tunniusimasumillu teamlederimik

Najugaqatigiiffik Seernaq akisussaaffilimmik tunniusimasumillu teamlederimik pissarsiorpoq

Inunnut innaarluutilinnik aamma tarnimikkut innarluutilinnik susassaqartitsivik teamlederimik Najugaqatigiiffik Seernami pissarsiorpoq. Inulerineq uummateqarfigingukku najugaqartunullu allanngueqataarusullutit tassaavutit illit atorfis-saqartitarput.

Atorfik sapaatip akunneranut ulluinnarni ataasinngornermiit tallimanngornermut ulluunerani akunneri 40-ni suliffiuvoq, taamaattorli naatsorsuutigineqarsinnaalluni unnukkut akunnerullu naanerani suliffissaqarataarsinnaanera ullorlu 1. september 2024 imaluunniit isumaqatigiinnikkut atorfiniffigineqassalluni. Najugaqartut ulluinnarminni ineriartornissaanik suleqatitillu suleqatigiillusi kaammattuissuusi.

Najugaqatigiiffik Seernaq Nuummi najugaqatigiiffiit annersaasa ilarivaa. Najugaqatigiiffik inunnut timimikkut aammalu tarnimikkut innarluutillinnut 18-usunut najugaqarfiuvoq. Najugaqatigiiffit inissiat quleriiaat sisamaapput, najugaqartut sulisullu inissiani quleriaajusuni agguarneqarsimallutik. Najugaqartut nammineq ineeraqarput, iggavit inilu ataatsimoorfiusarlutik. Illit pingaarnertut suliassarissuatit najugaqartut tarnimikkut, inuiaqataanikkut aammalu piginnaasaatigut ineriartortitsinerit taamaasillutik nammineernerulernissaat anguniartartussaallugu. Suleqatitit peqatigalugit najugaqartut inuulluataarnissaat aammalu isumalimmik inuulernissaat suleqatitillu kaammattuinikkut anguniassuarsi, taamaasillutik najugaqartut inuuneq kissaatigisartik atornerussammassuk. Najugaqartut 18-usut saniatigut najugaqatigiiffik sulisunik 23-nik peqqinnissamut perorsaanermullu ilinniagallinnik aammalu ilinniarsimanngitsunik sulisoqarpoq.

Atorfiup imarisaa:

Teamlederimik najugaqartunut suleqataasinnaasumik ujartuivugut, annertuumik pitsaasumik tungiuinermut suliaqarsinnaasumik, taamatuttaarlu tungiuinermut ineriartortitsinissaminut pingaartitsisumik.

Massakkut piffissamiippugut ineriartorfiusumi, piginnaasanik ineriartortitsineq, sulinissamut qilanaarnermik, aalaakkaannermik aammalu ataatsimoornermik qiutitsisumik, uagut isumaqaratta, tamanna najugaqartut qanoq issusaanut annertuumik sunniuteqartartoq. Taamaattumik kissaatigaarput suleqatigiinneq ilinniagallit akimorlugit qanimut ingerlanissaa, nutaaliornermik sulliviullu avataatigut ineriartuutaasinnaasoq najugaqartut pissarsiaqaatigisinnaasaanik.

Naatsorsuutigaarput aqutsisoq tullersortilu peqatigalugit sulisunik ineriartortitseqataanissat taamaasilluni tamanna najugaqartut qanoq issusaanut sunniuteqarnera takuneqarsinnaanngoqqullugu. Naatsorsuutigaarputtaaq teamledereq piareersimasutut suliffiup avataatigut peqataanissaa.

Ilinnut naatsorsuutit:

∙ Peqqinnissap imaluunniit perorsaanerup tungaatigut ilinnigaqartutit aqutsinerullu tungaatigut misilittagaqartutit tamannali piumasaqaataanngilaq

∙ Innarluutilinnut soqutiginnittutit sulerusussuseqartutillu

∙ Aqutsisnerup tungaatigut sapiissuseqartutit suleqataarusullutillu

∙ Kalaallisut qallunaatullu oqaaseqartuusutit tamannali piumasaqaataanngilaq

∙ Allanik ilinniagallit peqatigalugit suleqataasinnaasutit

∙ Tungiuinermi nalunaarsuinissamut ineriartortitseqataarusussuseqartutit

∙ Ilinniartitsisinnaasutit ilinniartunullu praktikvejlederiusinnaasutit

∙ Namminersorsinnaasutit akisussaaffeqarnernut eqqummaarittutit sullisserusussuseqartutillu

∙ Suliassanut assigiinngitsunut eqinnaattuusutut ingerlaartumillu suliassat agguataarneqarneranut allanngueqataasinnaasutit

∙ Nukittuujusutit nutaaliorsinnaasoq, nukissalik iliuuseqarsinnaasorlu

∙ Ineriartuutinut suliassanullu naammassisassanut ingerlaavartumik pitsanngorsaaqataasinnaasoq

Tunniussassagut:

∙ Atorfik nammineq annertuumik sunniiffigisinnaasat

∙ Ulluinnarni nal. 8-16 suliffiunerusumi sulinissaq taamatuttaarlu pingaartuusinnaaneq

∙ Pitsaasumik illorsuarmut, suleqatinut susassaqarfinnullu ilisarititsineq

∙ Tatigaarput nammineq allaffissornermi suliassanut atorfimmut atasunut suliarinnissinnaanerit, sulisut suliffissaanik allattuineq ilanngullugu

∙ Ilinniakkanut assigiinngitsunut suleqataasinnaanerit taamatuttaarlu suliassat pissanganartut najugaqartut suleqatillu peqatigalugit

∙ Suliffik ataqqinninnertalik, akisussaaffilik ineriartornermillu aallussisoq

∙ inuttut atorfilittullu ineriartorfissat

Uagut:

Uani atorfimmi annertuumik ataatsimoorfiusumut peqataalissuutit: Immikkoortortaavugut najugaqatigiiffiit arfineq-pingasuutut, tallimat najugaqatigiiffik ataatsimoorussat, sammisassaqartitsiviit marluk aammalu ikorfartortitut sulissiit pingasut taakkualu Nuummi, Tasiilami Paamiunilu agguataarneqarput.

Immikkoortortami ineriartortumi atorfik pissaganartoq neqeroorutigaarput. Ineriartortitsinerup ilagiinnagaasa ilagisaat tassaavoq pitsaasumik illit sulisutut nutaatut suliffimmut isertinneqariartuaarnissat, oqaloqatigiinnerit ilinniarsimassutsinilu assigiinngitsuusuni ataatsimoorfeqarneq.

Naatsorsuutigaarput sapaatip akunnera 19-mi oqaloqatiginninnissat ingerlanneqarumaartut.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Tupârnak´ K. Raage, oqarasuaat +299 54 78 46 imaluunniit e-mail: tuki@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Qinnuteqaat:

Qinnuteqaat qulequtserlugu Atorfiup ilisarnaataa 382-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: apriilip 30.-at, 2026