Najugaqatigiiffik Seernaq Sundhedsassistentimik Peqqissaasumilluunniit iisartakkerisoq

Najugaqatigiiffik Seernaq sundhedsassistentimik peqqissaasumilluunniit iisartakkerinermik akisussaasumik pissarsiorpoq.

Peqqinnissamik suliaqarneq nuannarisivuk, aammalu inersimasunut innarluutilinnut allanngueqataanissat kissaatigalugu? Taamaappat Najugaqatigiiffik Seernami sundhedsassistentitut peqqissaasutulluunniit iisartakkerinermik akisussaasunngorit.

Atorfik sapaatip akunneranut akunnernik 40-nik suliffiuvoq pingaarnertut ullaakkut akunnerullu naanerani sulinngiffeqartassallutit.

Najugaqatigiiffik Seernaq Nuummi najugaqatigiiffiit annerit ilagivaat najugaqartunut timimikkut innarluutilinnut tarnimikkullu nappaatilinnut ilaanni ineriartornikkut unittoornikunut autismimillu innarluutilinnut 19-inut najugaqatigiiffiulluni.

Najugaqartuutitta atugarissaarnissaat, peqqissuunissaat ulluinnarnilu inuunerminni pitsaasumik inuuneqarnissaat anguniarlugu suliaqartarpugut, taamaalillutik sapinngisamik nammineersinnaallutik inuuneqarsinnaaqqullugit.

Sulisut 19-nit missaaniittut suleqatigissavatit taakkua assigiinngitsunik tunuliaquteqarput ilai perorsaanikkut ilinniagallit ilai peqqinnissamik ilinniagallit ilinniarsimasut ilinniarsimanngitsullu, akornassinni suleqatigiinneq ilisimatussuserlu pingaartillugu ulluinnarni suleqatigiittassallusi.

Pingaarnertut suliassarissavatit:

·Peqqinnisamut ilisimasalittut qaninnertut aqutsisoq peqatigalugu akisussaaffeqarneq

·Najugaqatigiiffimmi iisartakkerinermut akisussaasoq, taassumap iluaniillutik iisartakkat isumagineri, immerneri malinnaaviginninnerlu

·Napparsimaveqarfik suleqatigineratigut nakorsamik oqaloqatiginninnissamik pilersaarusiorneq peqataanerlu kiisalu nakorsap naliliineq katsorsaanerlu aallaavigalugit malinnaaneq

·Eqqortumik nalunaarsuineq nalunaarsuinermut maleruagassat aallaavigalugit

·Najugaqartut peqqissusaat aallaavigalugit nakkutiginninneq, nalilersuineq malinnaanerlu

·Napparsimavimmut, nakorsanut, qanigisaasunut allanullu avataani suleqatinut suleqatiginninneq

·Sulilersunut nutaanut iisartakkerinermut ilitsersuineq iisartakkerinermi maleruagassat aallaavigalugit

·Sulisut sinnerinut iisartakkerinermut maleruagassanut qulequtaqarluni ulloqartitsinermut, ilitsersuinermut imaluunniit ilisimasanik avitseqatigiinnermut pilersaarusiorneq

·Suleqatit peqqissutsip tungaatigut apeqqutissaqarpata ilitsersorlugit ikorfartorlugillu

·Ilisimassutsimut qaffasissumut pitsaasumillu suleqatigiinnissamut tunniussaqarsinnaasoq

Naatsorsuutigaarput:

·Sundhedsassistentitut peqqissaasutulluunniit ilinniarsimasoq

·Iisartakkerinermut peqqinnissallu tungaatigut suliaqarnermut misilittagalik

·Peqqinnissamut iliuusissanut ataqatigiissaarineq, ilaanni ilaakkutik nakorsamik oqaloqateqarnerit malinnaaviginninnerillu

·Aaqqissuussanik sulisinnaasoq, akisussaaffilik aammalu namminersorsinnaasoq

·Suleqataalluarsinnaasoq sulliviullu avataanut pitsaarumik tunniussaqarsinnaasoq

·Inersimasunut innarluutilinnut sulinissaminik soqutiginnittoq

·Pissutsit assigiinngitsut akornanni suliatigut isumannaatsumik iliuuseqarsinnaasutit

·Nalunaarsuillaqqissoq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaarput:

·Atorfik pissanganartoq isumaqarluartorlu akisussaaffilik sunniuteqaqataaffiusinnaasorlu

·Pitsaasumik suliffiup avatagiisilik suleqatinik tunniusimasunik ikiuiumasunillu suleqataaffiusoq

·Ilimatussutsikkut ineriartornermik ilisimasanillu avitseqatigiinnermik periarfissalik

·Susassaqarfinnut pitsaasumik ilinniartitsineq

·Suliffik sullitat qanoq issusaanut peqqissusaanullu allannguiffiusoq

Uagut pilluta:

Atorfimmi uanit annertuumik ataatsimoorfiusumut peqataalissuutit: Immikkoortortaavugut arfineq pingasunik najugaqatigiiffilik, tallimanik bokollektivilik, marlunnik sammisassaqartitsivilik aammalu pingasunik ikorfartorteqatigiilik Nuummi, Tasiilami Paamiunilu.

Immikkoortortamut atorfimmut pissanganarluinnartumut ineriartortumik neqerooruteqarpugut. Ineriartornerup ilagivaa sulisutut nutaatut ilisarititsinissaq pitsaasoq ingerlanneqarnissaa, avitseqatigiittuarneq aammalu ilisimatussutsikku ataatsimoorfiusoq.

Sapaatip akunnera 12-mi naatsorsuutigaarput atorfininnissamut oqaloqatiginninnerit ingerlanneqarumaartut

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit: 

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Tupârnak´ K. Raage, oqarasuaat +299 54 78 46 imaluunniit e-mail: tuki@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 185-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 13.-at, 2026