Najugaqatigiiffimmi Ailimi sinniisoq

Meeqqat minnerit toqqissisimanartunik atugaqarnissaat aalaakkaasunillu attaveqarnissaat pilersitseqataaffigerusuppiuk? Aqutsineq piginnaaneqarfigaajuk, tamakkiisumik isiginnissinnaallutit pamersaanikkullu nukittuumik tunngaveqarpit – taakku saniatigut ulluinnarni ingerlatsineq sulisussanillu pilersaarusiorneq peqataaffigerusussinnaaviuk? Taamaappat Najugaqatigiiffimmi Ailimi sinniisutut ujartorpatsigit.

Aili pillugu:

Aili Mælkebøttecenterip ataani najugaqatigiiffiuvoq nutaaq meeqqanut 0-3-nut ukiulinnut sullissisussaq. Meeqqat ineriartornissaat atugarissaarnissaallu anguniarlugit siusissukkut qanilaassuseqartumik ilisimasanillu tunngaveqartumik suliniutissat qulakkeerusuppagut. Sulinitsinni pamersaanikkut tunngavigaagut atassuteqarneq eqqarsaqqissaarnerlu, tassanilu ilaquttanik suleqateqarnermi aalaakkaasuuneq nalornisitsisannginnissarlu pingaartitaraagut.

Atorfik pillugu:

Sinniisutut najugaqatigiiffiup aqutsisuinut ilaassaatit aammalu suliatigut sulisoqarnerullu tungaasigut aqutsisunik suleqateqassaatit – aamma aqutsisup sulinerata nalaani. Ulluinnarni aqutsineq, sulisunik aqutsineq pamersaanikkullu ineriartornissanut akisussaaqataassaatit aammalu aqutsisoq peqanngikkaangat tamakkiisumik aqutsineq akisussaaffigisassallugu.

Atorfik sapaatip-akunneranut 40 tiimiuvoq 1. aggustilu 2025 atorfininneq pissaaq.

Suliassatit:

- Aqutsisoq peqatigalugu ulluinnarni najugaqatigiiffimmi aqutsisooqataaneq.

- Aqutsisoq najuutsinnagu akisussaasutut inissittarneq.

- Ulluinnarni pamersaanerup iluani suliassatigut ikorfartuineq suliassaqarfiillu akimorlugit suleqataaffigalugit.

- Ingerlaavartitsineq aalaakkaasuunerlu qulakkeerniarlugit sivittajaamik sulisarnissap qulakkeertarnissaa (ass. ullukkoornerit/unnukkoornerit tulleriit sisamat).

- Meeqqat isumassorlugillu tapersersornissaat angajoqqaallu angajoqqaatut piginnaasassaatigut tapersersornissaat.

- Sulianut atatillugu nakkutilliisarneq nalunaarusianillu allanneq.

- Pilersaarusiornermi, uppernarsaasiornermi malittarinninnermilu peqataasarneq.

- Illumi aqutsisut allat suleqatiginerisigut iliuusissiornernut pingaartitatigullu tunngavissiortarnernut peqataanissaq.

Ujartugarput tassaavoq:

- Perorsaanerup, inunnik sullissinerup peqqinnissalluunniit iluani ilinniagalik.

- Meeraaqqanik sullissinermik misilittagalik, ilaqutariinnik eqqugaaratarsinnaasunik sullitaqarsimaneq iluaqutaassaaq.

- Aqutsisutut misileerusuttoq misilittagaqarusuttorluunniit, imaluunniit taassuma iluani ineriartorusuttoq.

- Nammineersinnaasoq, aaqqissuillaqqissoq suliassaqarfiullu iluani tunngaveqarluartoq.

- Allanngorarfiusumiissinnaasoq allanngorartunilu sulisinnaallunilu ullut arlariit tulleriisillugit sivittajaamik sulisinnaasoq.

- Eqqissisimasoq, tatiginnitsitsilersinnaasoq suliassaqarfiillu akimorlugit suleqataalluarsinnaasoq.

- Eqqortunik oqaatiginnillunilu ilisimasalittut allassinnaasoq.

- Kalaallisut qallunaatullu oqalussinnaaneq kissaataavoq (piumasaqaataananili).

Neqeroorutigaagut:

- Meeqqat minnerit navianaatilinniissinnaasut isumalimmik suliniutigilernissaannut pingaarutilittut inissisimanissaq.

- Aqutsisuni ersarissumik inissisimaneq – akisussaaffeqartitsisoq, suliatigut avitseqatigiissinnaaneq ineriartornerlu.

- Suliatigut nukittuumik inissisimaneq, oqaloqatigiinnikkut oqilisaanneqartarneq avitseqatigiittarnerlu.

- Suliatigut ineriartornissamut sunniuteqarnissamullu periarfissiineq.

- Sulinermi atukkat pitsaasut, peqqinnissap iluani sillimmateqartitsineq, utoqqalinersiutit aammalu timigissarnermut periarfissat.

- Pisinnaasat malillugit aningaasarsiaqartitsineq – immikkut isumaqatigiissuteqarnikkut imaluunniit isumaqatigiissutit atuuttut naapertorlugit (NPK).

- Atorfimmut atatillugu ini neqeroorutigineqarsinnaavoq.

Mælkebøttecenteri Aililu pillugit annertunerusumik paasissutissat www.mb.gl -imi atuarneqarsinnaapput.

Qinnuteqaat:

Qinnuteqaat, CV paasissutissallu allat kingusinnerpaamik 27-ni juuni 2025 uunga nassiunneqassapput: info@mb.gl.

Atorfik pillugu apeqqutissaqaruit aqutsisoq Arnajaraq Hammeken oqarasuaatikkut attavigiuk +299 36 21 13 imaluunniit mailerfigiuk uunga hammeken@mb.gl.

Tusagaqarfiginissat qilanaaraarput.