NAKUUSA ilinniarnertuumik ikiortissamik sulisussarsiorpoq

Illit Kalaallit Nunaanni meeqqanut piviusumik allannguisitsinissamut peqataarusuppit?

Taava maanna periarfissaqarputit NAKUUSA-mi ilinniarnertuutut ikiortitut atorfininnikkut. Illit peqataarusuppit Meeqqat Isummersorfiini aamma Nakuusaaqqani pissanganartumik suliaqarnitsinni? Uagut SoMe-miitsinni aamma avammut ingerlatitseqqittarnermi sunniuteqarusuppit? Aamma ullormi suliffiusumi aaqqiissuteqarfiusartumi suliassanik assigiinngisitaartunik suliaqartarnermi iluarisimaartarpiuk? Taava ilinnut atorfissaqartitsivugut!

NAKUUSANAKUUSA-p meeqqat pisinnaatitaaffii pillugit suliaqartarpoq, safeguarding (toqqissisimanissaannik) aamma peqataatitsinermik, tamannalu Naalakkersuisut aamma UNICEF Danmarkip akornanni suleqatigiinnissamik isumaqatigiissutaannit aallaaveqarluni. NAKUUSA tassaavoq meerartatsinnut inuusuttatsinnullu, taamaalillunilu inuiaqatigiitsinnut, pitsaalluinnartumik aamma najukkami tunngaveqarluartumik aallaaviuvoq. NAKUUSA-mi meeqqanut aamma meeqqat peqatigalugit ingerlatavut marluk annertunerpaat tassaapput Meeqqat Isummersorfii aamma Nakuusaaqqat, pisinnaatitaaffeqarnermikkut atuarfinni atuartut siunnersuisut (elevråd). 

Tamakku saniatigut kattuffiit/peqatigiit kikkuuneri, aamma nunat killeqarfii qanorlu ilinniagaqarsimaneq apeqqutaatinnagit suleqatigiinnerit aamma ingerlatat amerlasuut pissanganartullu ingerlataraavut, Kalaallit Nunaanni meeqqat pisinnaatitaaffii pitsaanerulernissaat aamma meerartatta inuusuttattalu iluarisimaarinnilersinnissaat ineriartortinnissaallu qitiutillugit.

NAKUUSA-mi tamatumani assigiinngitsorpassuit ukioq naallugu ingerlanneqartarput, tamatumunnga ilutigitillugu atortussanik nutaanik suliaqartarnitsigut. Suliarisarpavut paasissutissiissutit ingerlatassat, paasissutissiissutissiat aamma atuartitsissutissat, meeqqat peqataatinneqarnissaasa sunniuteqaqataanissaasalu qulakkeerneqarnissaat ajornannginnerulernissaallu, tassunga ilanngullugu kommunini najukkani aammattaaq tunngavissaqarluarnissaat.

Illit suliassatit tassaassapput makkuninnga suliaqarnikkut peqataanissat: 

• Suliniutinik aqutsisut Meeqqat Isummersorfiinut (Meeqqanut Siunnersortinut) aamma Nakuusaaqqanut (pisinnaatitaaffinnik siunnersortinut) iliuuserisanik ataqatigiissitsinermi aamma ineriartortitsinermi ikiortarnissaat.
• Meeqqat Isummersorfiini ilaasortatsinnut, kommunini attaveqarfigisartakkanut aamma atuarfinni ilinniartitsisunut attaveqartarnissaq.
• Meeqqat Isummersorfiisa aamma allat inuit attaveqarfigisartakkat ataatsimiittarnissaasa ataqatigiissaartarnissaat ajornannginnerulersittarnissaallu.
• Meeqqat Ulluata, Meeqqat Ataatsimeersuarnerisa aamma ilinniartitsisunik isumasioqatigiissitsinerup aaqqissornissaanni suleqataaneq. 
• Saqqummiussassat aamma paasissutissiissutissat suliarinissaat. 
• Suliassat takkuteriasaartut, kiisalu NAKUUSA-mi aamma UNICEF-imi suliassat naammassillugit suliarisarnissaat.
• Kalaallisut aamma danskisut allallugit suliassat annikitsut suliarisarnissaat, ilaatigut SoMe-mut. 
• Allaffimmi suliassat nalinginnaasut suliarinissaanni ikiuisarnissaq. 

Suliassat illit piginnaasannut soqutigisannullu tulluarsarneqarsinnaapput. 

Pikkoriffiit aamma piginnaanerit:

Suleqatissarsiorpugut ammasuusumik aamma meeqqanut inuusuttunullu, kiisalu allanut suleqatigisanut pitsaasumik attaveqartarsinnaasumik. Illit meeqqanik inuusuttunillu aamma taakku isumaannik pimoorussisuunerit pingaaruteqarluinnarpoq, illimmi taakku oqariartuutaasa ingerlateqqittarnissaannut tapersersueqataasussaavutit. 

Tamakku saniatigut illit iluaqutigissavatit makku: 

• Marluinnik oqaaseqartuuneq, iluaqutaassaaq pingasunik oqaaseqarsinnaaneq – kalaallisut, danskisut aamma tuluttut. 
• Meeqqat pisinnaatitaaffiinik suliaqarnermik misilittagaqarneq aamma ilisimasaqarneq.
• Meeqqanut- inuusuttunut tunngasunik suliaqartarnermik aamma/imaluunniit attaveqaqatigiinnermik tunngasumik misilittagaqarneq. 
• Allattariarsorluni aamma oqalulluni kalaallisut aamma danskisut ajornanngilluinnartumik attaveqaqateqarsinnaaneq. 
• Aallarniinissamut piumassuseqarluartoq, nammineerluni sulisinnaasoq aamma ilikkagaqarusussuseqartoq.
• Suleqateqarluarsinnaasoq aamma pitsaasunik attaveqaqateqalersinnaasoq. 

Neqeroorutigaavut:

• Nunani assigiinngitsuni kattuffimmi suliatigut ilisimasaqarluartumi sulilernissamut periarfissaqarneq. 
• Meeqqat pisinnaatitaaffiinik annertunerusumik ilisimasaqalernissamik siaruarterinermi peqataaneq.
• Suliffik meeqqat nipaasa tusaaneqarnissaannut tunngasoq.
• Allaffik suliassanik assigiinngisitaartunik suliassaqarfiusoq.
• Suliffimmi avatangiisit pitsaasut, peqataatitsisut aamma assigiinngisitaartuusut. 

Akissarsianut aamma atorfeqarnermi atugassarititaasut

Illit sapaatit akunnerannut nalunaaquttap akunnerini 10-15-ini sulisassaatit pisariaqartitallu aallaavigalugit aaqqissorneqarsinnaallunilu/tulluarsarneqarsinnaavoq. 

Naatsorsuutigissavat ilaannikkut NAKUUSA-mi aaqqissuussanut atatillugu piffissat suliffiusut nalinginnaasut avataanni sulisarnissat. Immikkut suliassaqartitsisoqarsinnaavoq pisunit annertuuni soorlu Meeqqat Ataatsimeersuarnerisa aamma Meeqqat Ulluannut atatillugu. Illuatungaatigut aammattaaq soraarummeernissap nalaani aamma allani ilinniarnermut atatillugu tunniussivissat nalaanni allanngortitsisinnaasarpugut. Aammattaaq aaqqissuussinerit ilaannut atatillugu angalasoqarsinnaasarpoq. 

UNICEF-imi atorfininnermi meeqqanik innarliisimannginnermik uppernarsaateqarnissaq piumasaqaataavoq. 

Qinnuteqarneq aamma atorfinitsitsineq

Qinnuteqaatit aamma CV kingusinnerpaamik septembarip ulluisa 28-anni 2025-mi upload-erneqassapput.

Arlaannik apeqqutissaqaruit NAKUUSA-mi suliniutinut aqutsisoq, Mie Skou Larsen, mslarsen@unicef.dk imlt. 277022, imaluunniit pilersaarusiornermi aqutsisoq, Tina Dam, tdam@unicef.dk imal. 273552, nangaassuteqarnak attaveqarfigisinnaavatit. 

Qinnuteqarna