Fakta
Atorfiup suussusaa: Namminersorlutik Oqartussani aqutsinermi sulinermilu nukittorsaaqataarusuppit? HR-imi ineriartortitsinermi suleqataasussanik 1-3 ujarlerpugut
Suliffeqarfik: Namminersorlutik Oqartussat
Qinnuteqarfissamut killigititaq: marsip 13-at
Attavissaq: Aviaja Sinkbæk mailikkut avsn@nanoq.gl imaluunniit oqarasuaatikkut +299 34 64 16
HR-imi piginnaanngorsaanermi aaqqissuussinerup ingerlanissaa suliarisarparput - pappiliatiguinnaanngitsoq piviusumilli. Aqutsisunik naalakkersuisoqarfinnilu qitiusumik allaffeqarfiit qanittumik suleqatigisarpagut, tassani suliat ajornakusoortut, politikikkut aalajangiussat aammalu inuiaqatigiinni pingaarutillit suliarineqartarlutik.
HR-imi ineriartortitsinermik suleqataasussanik Namminersorlutik Oqartussani aqutsinerup suleqatigiinneranullu aammalu aaqqissuussaasumik piujuartitsinissap pitsaassusaata nukittorsarnissaanut peqataasussamik ujarlerpugut.
Inissisimaneq - aqutsisunut qanittoq, piviusumut qanittoq
HR-imi ineriartortitsinermi suleqataasutut qaffasissutsini assigiinngitsuni aqutsisunut tutsuiginartuullutit siunnersuisooqataassaatit. Ajornakusoornarsinnaasut soorlu suleqatigiinnerni isumaqatigiinnginnerit, atugarliornerit aaqqissuussaanikkullu aporfiit inissaqartissinnaassavatit tamatumalu peqatigisaanik sammivik ineriartornerlu ingerlatiinnarsinnaallugit.
Uku suliarisassavatit:
Pisuni ajornakusoortuni aqutsisunik suinnersoqatigiinneq
Atugarissaarneq suliffimmilu avatangiisit malinnaaffigalugit (APV il.il)
Workshop-it, aqutsisunut isumasioqatigiinnerit ineriartortitsinermilu ingerlatsinerit ingerlallugit
Ass. kanngutsaattuliortoqarnermi suleqatigiinniarnermilu unammilligasanik isumaginninnermi tapersersuineq
HR-imi suliniutit, periusissat iliuusissallu ineriartortillugit
Naalakkersuinikkut anguniakkat ulluinnarnilu aqutsinerit ataqatigiisinneri
Sulianut tunngatillugu ilisimasaqassuseq aammalu inuttut paasinnissinnaassuseq piumasaqaataapput.
Kina ujartorparput:
Aqutsisunik siunnersoqatigiinnermi aaqqissussanilu ineriartitsinermik misilittagaqarluartumik aammalu atassuteqarnikkut, sapiissutsikkut erseqqarissutikkullu ineriartornermi pisartunut nalunnginnittumik ujarlerugut.
Ilimagaarput:
Suliffeqarfimmi angisuumi qanittuaniluunniit sulisimaneq - politikikkut aqunneqartumi pisimappat
Siulersuinermik ingerlariaatsinillu aqutsinermik misilittagaqarneq
Ataqatigiittunik ajornakusoornartunik misissueqqissaarsinnaaneq aalajangersimasunillu iliuseqarfiginnissinnaaneq
Suut upperinerigut
HRU-mi atugarissaarneq tunniunneqarsinnaanngitsoq upperaarput - taamaattorli aqutsilluarnikkut ersarissunillu tunngavissaqarnikkut ikiorserneqarsinnaasoq upperaarput. Iliuusissat suliaqarfigisami atorsinnaatillugit aatsaat iluaqutaasartut upperaarput.
Suleqatigiittut Naalakkersuisoqarfiillu Qitiusumik allaffeqarfiat qanimut suleqatigaarput Suliatigut qaffasissumi, paaseqatigiiffiusumi, isumasioqatigiiffiusumi piviusumillu allannguerusunnermik angusaqarusuttuni suleqataalissaatit.
HR-siunnersortip 1. januar 2026 atorfininnissaa kissaatigineqarpoq imaluunniit allatut isumaqatigiissuteqarnikkut.
Qinnuteqartunut uppernarsarneqarsinnaasunik piginnaasalinnut misilittagalinnullu immikkut ittumik siunnersortitut atorfinitsinneqarnissaq neqeroorutigineqarsinnaavoq.
Qinnuteqaatit
Atorfik pillugu apeqqutissaqaruit allaffimmi pisortaq Aviaja Sinkbæk maili una atorlugu avsn@nanoq.gl, attavigisinnaavat imaluunniit oqarasuaat una aqqutigalugu +299 34 64 16
Qinnuteqaat CV-mik soraarummeersimanermullu uppernarsaatinik kakkiussiffigisimasaq kiisalu allakkat atorneqarsinnaasut allat ilanngullugit "Qinnuteqaat nassiuguk" toorlugu nassiutissavatit.
Qinnuteqarfissamut killigititaq
Qinnuteqaat kingusinnerpaamik ulloq tallimanngorneq 13. martsi 2026 nal. 12.00 nassiutiguk. E-mail-ikkut qinnuteqaatit tigoqqanngilagut.
Atorfinitsitsinissamut ataatsimiinnerit qinnuteqarfissamut piffissaliussap sapaatip akunnera qaangiuppat ingerlanneqarumaarput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
