Namminersorlutik Oqartussat Qitiusumik allaffeqarfianni aningaasaqarnermut immikkoortortaqarfimmi 2026-mi aggustip aallartinnerani Aningaasaqarneq Isumalluutinillu Aqutsinermi AU-mik ilinniartunik pingasunik ujaasivoq

Suliassatigut inuttullu ineriartorfiusinnaasumik suliffimmi sungiusartutut missingersuuserinermik suliaqarusuppit? Taava Aningaasaqarnermut Sulisoqarnermullu Aqutsisoqarfimmi Qitiusumik Naatsorsuuserisoqarfitsinni (DcR-imi) ilinniartorisinnaassavatsigit.

Immikkoortortaqarfik pillugu

DcR-imi suliassaqarfinni pissanganartuni assigiinngitsuni nikerartumik sulisinnaavutit, ilaatigut ukunani:

• Aningaasaqarnermut Tunngasunik aamma Immikkut Ittumik Naatsorsuuserineq

• Akiligassalinnik naatsorsuuserivik

• Akiligassaqarfigisanik naatsorsuuserivik

• Naatsorsuutinik ineriartortitsinermut allaffik

• Nakkutilliisarneq missingersuutinillu malitseqartitsisarneq

Namminersorlutik Oqartussani qitiusumik naatsorsuuserineq isumagaarput, ilaatigullu suliarisartakkavut tassaallutik:

• Nunatta Karsiata ukiumoortumik naatsorsuutaanik suliarinninneq

• Namminersorlutik Oqartussat aningaasaqarnikkut aaqqissuussaanerata naatsorsuusiorneqarnera

• Kontonik naligiissaarineq kiisalu immikkoortortaqarfiit suleqatigalugit suliassanik ammasunik malitseqartitsineq

• Akissarsiaqartitsinermut ilinniartitsinermullu attuumassutilimmik naatsorsuineq aammalu Akileraartarnermut Aqutsisoqarfimmut nalunaaruteqarneq

• Pisiat allagartaat tigunerat isumagineqarnerallu

• Akiligassallit akiligassaqarfiillu aqunneri akiliinerillu

• Namminersorlutik Oqartussat immikkoortuinut aningaasaqarnikkut aqutsissutinik ilitsersuineq

Uagutsinni ilinniarfittaassaatit nutaaliortumik eqqarsarfiusumik, isumassarsianik tunniussisinnaallutit suliassallu suliarinerisigut ilikkarfiusumik. Siammasissumik ilitsersuunneqassaatit suleqatillu misilittagallit qanimut suleqatigissallugit.

Illit pillutit

Ilikkarusussuseqassaatit aammalu aningaasaqarnermut kisitsisinillu soqutiginnittuussallutit.

Sulianut tunngasutigut piginnaasat:

• Ilinniarnertuunngorniarfimmi ilinniarsimassaatit, tulluartumik inuussutissarsiutinut ilinniagaqarsimassaatit, inersimasunut tunngaviusumik ilinniagaqarsimassaatit (GVU) imaluunniit AU-mi Aningaasaqarnermi Isumalluutinillu aqutsinermi ilinniarnissamut tigusaasimassaatit

• Qarasaasialerinermik ilisimasaqarluassaatit

• Kisitsisilerillaqqissaatit

• Oqaatsitigut piginnaasaqarluassaatit

Inuttut piginnaasat:

• Aaqqissuussaasumik, namminersortumik akisussaaffeqartumillu sulisinnaassaatit

• Peqqissaartuussaatit piffissaliussanik ataqqinnittartoq

• Sulinermut naapertuuttumik ersarissumillu attaveqaqatigiittassaatit

• Ilakkuminartuussaatit suleqatigiinnissamullu anersaaqarlutit

• Nammineersinnaassuseqassaatit suleqatigiinnilu suleqataasinnaallutit

Suliffimmik sungiusarninni sulisumik akisussaasumik attaveqaateqassaatit, taassumalu sungiusarnerup nalaani siunersiuineq, pilersaarusiorneq malitseqartitsinerlu eqqarsaatigalugit ikorfartussavaatit.

Aningaasaqarnermut Sulisoqarnermullu Aqutsisoqarfik (ASA)

DcR Aningaasaqarnermut Sulisoqarnermullu Aqutsisoqarfimmut ilaavoq, tassanilu inuit 100-t missaat sulillutik. ASA Aningaasaqarnermut Akileraartarnermullu Naalakkersuisoqarfiup ataani inissisimavoq, ilaatigullu akissarsialerinermik, sulinermi atugassarititaasut pillugit isumaqatigiissutinik tunngasunik, pisiortornermik, nutserinermik naalakkersuisunullu kukkunersiuinermik suliaqartoqartarluni.

Ilinniartutut Namminersorlutik Oqartussani naalakkersuisoqarfinni aqutsisoqarfinnilu ilinniartut ataatsimut attaveqaateqarfianut ilaalissaatit. Ilinniartut ikinnerpaamik ukiumut marloriarlutik siunersiueqatigiillutik attaveqatigiillutillu naapittarput.

Atugassarititaasut

• Suliffiup sivisussusia: Sapaatip akunneranut 40 tiimit

• Aallartinnissaq: Aggusti 2026

Annertunerusumik paasissutissat

Sulinermut sungiusarfissaq pillugu annertunerusumik paasisaqarusukkuit uunga attaveqassaatit:

Anders Samuelsen

📧aesa@nanoq.gl

📞 34 68 26

Namminersorlutik Oqartussat pillugit paasisaqarnerugit uani: www.naalakkersuisut.gl

ASA pillugu uani paasisaqarnerugit: www.asa.gl

Qinnuteqarneq

Qinnuteqarfissaq 12. juni 2026-mut killeqarpoq.

Atorfinitsitsiniarluni oqaloqatiginninnerit sapaatit akunneranni 25-mi 26-milu ingerlanneqarnissaat naatsorsuutigineqarpoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.