Narsarsuarmut immikkoortortami aqutsisoq

KNI A/S Narsarsuarmi nioqqutissaqarnermi immikkoortortaqarfia immikkoortortami aqutsisussarsiorpoq ulloq 1. juli 2025 imaluunniit isumaqatigiissuteqarnikkut sulilersussamik.

Immikkoortortami aqutsisup niuertoq qaninnertut pisortarissavaa.

Immikkoortortami aqutsisutut pingaarnertut suliassatit makkuussapput:

· Niuertoq isumasioqatigalugu sumiiffimmi sammisaqartitsineq

· Nioqqutissanik noqqaaneq, nioqqutissanik tikittunik tigooraaneq, nioqqutissanik ilioraaneq ilisiviillu saani allagartalersuutit

· Ullussanik misissuineq, nioqqutissanik kasiilerineq, tamatumani akitsuutinik utertitsineq ilanngullu-gu

· Qulakkiissallugu pisiniarfik tuniniaanissaminut piareeqqasoq

· Pisisartunik sulisunillu isumaginninneq

· Niuertup peqanngiffiini paarlattaasarnissaq

· Pisiniarfiup quillu nillataartitsiviisa qerititsiviisalu nakkutigineri

· Pisariaqalersillugu suliassanngortartut

Atorfik imaattumik inuttalerusupparput:

• Niuernermik tunngasumik ilinniagalik

• Nioqqutissanik pisiniarfimmi toqqorsiviinilu suliaqarnermik ingerlatsisinnaasoq

• Niuernerpalaartumik ingerlatsisinnaanermik ilisimasalik

• Pisiniarfimmi ulapaarfiusumi tunniusimasoq

• Sulisoqarnikkut aqutsisinnaanermik misilittagalik
• Trukernermut bil-ilinillu ingerlatsisinnaanissamut allagartalik

Atorfinittussamut neqeroorutigaagut:

· Akissarsiat: KNI A/S SIK-llu isumaqatigiissutaat atuuttut naapertorlugit

· Atorfimmut atatillugu inissaqartitsisoqassaaq, tassungalu qularnaveeqqut, ineqarnermut akiliut, atuineq il.il. akilerneqartassapput, inatsisit malillugit

· Nuunnermi angalanermi kiisalu pequtit angallannerannut akiliunneqarneq

· Piginnaanngorsaqqinnissamut periarfissat pitsaasut

· Atorfik pissanganartoq ulluinnarni ulapaarfiusoq

Atorfik pillugu paasisaqarnerorusukkuit niuertoq Najanguak Nikolajsen attaveqarsinnaavoq oqarasuaam-mut: 86 82 48 mobil: 23 82 86 imaluunniit mailikkut: nwn@kni.gl

Qinnuteqaat

Qinnuteqaat sukumiisoq tunngavilersugaq pineqaatissiisarneq pillugu allagartaq, ilinniarsimanermut siusin-nerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attave-qarfiginissaanut paasissutissaq, tigoreersimassavarput kingusinnerpaamik ulloq 15. juni 2025.

Qinnuteqaat uunga nassiunneqassaaq:

KNI A/S

Sulisoqarnermut immikkoortortaqarfik

Postboks 319

3911 Sisimiut

E-mail: jobs@kni.gl

Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaap-poq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasis-sorujussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qa-nittumi inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpu-gut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqati-giit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unam-milligassanillu qaangerniagassalimmut tikilluarit. KNI-p silarsuaanut tikilluarit.