Neriuffiit Kattuffiat peqqissaasumik piumassuseqarluartumik kalaallisut/danskisullu oqaasilimmik misilittagalimmik pissarsiorpoq

Neriuffiit Kattuffiat illutaalerpoq, taannalu 2026-imi juunimi naammassineqassasoq naatsorsuutigineqarpoq, taamaattumik peqqissaasumik tunniusimasumik misilittagalimmik, periusissiami nutaami pilersaarusiornermullu ikiuukkusuttumik peqqissaasumik pissarsiorpugut.

Kræfteqartunut ilaqutaannullu isumannaatsumik aammalu nappaammut tunngasumik katersuuttarfimmik pilersitsinissarput suleqataaffigerusuppiuk? Taava illit tassaasinnaavutit uagut ujartugarput.

Atorfik pillugu

Neriuffiit Kattuffianni peqqissaasutut ulluinnarni siunnersuinermik suliaqarnermi aammalu illutaatta nutaap pilersaarusiorneqarnerani pingaarutilimmik inissisimassaatit.

Suliassat ilaatigut ukuussapput:

• Kræfteqartunut ilaqutaasunullu siunnersuineq tapersersuinerlu

• Nappaammut, nakorsaatinut aamma kingunerluutit pillugit oqaloqatiginninnerit

• Illumi nutaami neqeroorutinik sammisassanillu pilersaarusiorneq ineriartortitsinerlu

• Suliassanik pitsaasunik pilersitsinermut sunniuteqarneq

• Pinaveersaartitsineq aamma siusissukkut nappaatip paasineqarsinnaanera pillugu ilinniartitsineq aamma siammarterineq

• Peqqinnissaqarfimmi suliassaqarfiit akornanni suleqatigiinneq

Suliffissaq:

Ataasinngornermiit tallimanngornermut nal. 8:00–16:00. Taamaattorli piffissat taaneqartut avataanni sammisassaqartitsisoqartarsinnaavoq.

Atorfik periarfissiissaaq aallaqqaammulli illutaassap pilersinneqarnerani peqataanissamut aammalu ineriartortinneqarnissaanut.

Peqqissaasoq ujartorparput:

• Peqqissaasutut ilinniarsimasoq, nakorsiartarnermillu tunngasumik misilittagaqarluartoq

• Kalaallisut qallunaatullu oqalussinnaallutillu allassinnaallutit

• Onkologi-mik, palliation-imik imaluunniit napparsimasunik siunnersuinermik misilittagaqarneq

• Ineriartortitsinermik suliaqarsinnaasoq

• Misigeqatinnissinnaasoq, aaqqissuussamik nammineersinnaassuseqartumik sulisinnaasoq

Neqeroorutigisarparput:

• Neriuffiit Kattuffiata illuutaanik nutaami aallartitsinermut periarfissaq pissanganartoq

• Ineriartortitsinermut pilersaarusiornermullu annertuumik sunniuteqartitsisoq

• Sulineq isumaqarluartoq, inuiaqatigiinnilu annertuumik pingaaruteqartoq

• Ulluunerani atorfeqarneq sulinerup aamma sunngiffiup akornanni eqqissisimatitsilluartoq

Qinnuteqaat

Qinnuteqaatit CV-lu uunga nassiukkit: neriuffik@gnet.gl

Qinnuteqarnissamut piffissarititaq: 27. marts 2026, Ulloq atorfiniffissaq: 1. maj 2026 imaluunniit isumaqatigiissuteqarnikkut atorfinititsineq pilersinneqarsinnaavoq

Apeqqutissaqaruit Neriuffiit Kattuffianni allaffissornermi aqutsisoq Maannguaq H. Berthelsen mobil: 490489 imaluunniit Neriuffiit Kattuffiata siulittaasua Inger Eriksen mobil: 527114 attavigisinnaavatit

Ilisimatitsissutigissavarput atorfinitsinneqarnermi inissiamik pissarsisoqarsinnaanngilaq.