Nioqqutissarsiortornermut pisortaq KNI

Aqutsisutut atorfittaarusuppit Nunatsinnilu nioqquteqarnermi ingerlatsisut annersaanni siunner-fileeqataarusullutit – aammalu nunatsinni pisiniarfiit 64-it aqullugit ingerlatseqataarusullutit?

KNI-p misilittagalimmik nioqqutissarsiortornermut pisortassarsiorpoq, Sisimiuni qitiusumik kiffar-tuussivimmi inissisimassalluni. Aqutsisoqatigiit ilagissavatit, aammalu nioqqutissanik pilersuinerup, toqqammavigineqartunik nioqqutissanik aammalu inuiaqatigiinnut akisussaassuseqartumik ingerla-tsinermik qulakkeerinninnissamut pingaarutilimmik akisussaaffeqassallutit.

Nioqqutissarsiortornermut pisortatut, nioqqutissarsiortarnermut assartuinermullu immikkoortortamik aqutsisuussaatit, aammalu nioqqutissanik toqqaanermut, neqeroorutinik, suleqateqarnermut aammalu nioqqutissarsiortarnermut periusissanut akisussaaffeqassallutit. Niuernermik paasisimasaqarluarputit angusaqarusussuseqartuullutillu, aammalu nunap immikkoortuini pisortat, engros-imi pisortaq, pisiniarfiit pisortaat niuertullu suleqatigalugit pisiniarfiit periarfissaannik oqaloqatigiissutiginnittassallutit.

Nioqquteqarnermik ingerlatsiviup pisortaa qaninnertut pisortarissavat KNI-llu aqutsisoqatigiivinut ilaassallutit.

Ukiup ingerlanerani noqqaasarfinnut isumaqatiginninniariartorlutit, niuffattunukarlutit pisiniarfinnullu alakkaallutit angalasarnissat naatsorsuutigissavat.

Atorfiup imarisaa akisussaaffiilu:

KNI-p pisiniarfii tamakkerlugit nioqqutissarsiortarnermut assartuinermullu akisussaaneq

· Sisimiuni nioqqutissarsiortarnermut assartuinermullu immikkoortortamik aqutsineq

· Nioqqutissarsiortarnermut periusissanik, nioqqutissanik toqqaanermut aammalu neqeroorutinik pilersaarusiornermut ineriartortitsineq atuutsitsinerlu

· Missingersuusiornermut angusaqarnissamullu akisussaaneq, ilanngullugu kaaviiaartitat, iluanaarutit aammalu toqqorsivinni kisitsisit malinnaavigineri

· Noqqaasarfiit isumaqatigiissuteqarfiginerat aammalu KNI-p nioqqutissarsiortarnermut politikkiata malitsigisaanik isumaqatigiissusiornerit

· Neqeroorutinik aviisinik aammalu neqeroorutinik pilersaarusiornermi marketing suleqatigalugu

· Pisiniarfiit alakkarlugit niuertunik nunallu immikkoortuini pisortanik oqaloqateqarneq

· KNI-p periusissiaanik atuutsitsinerup qulakkeerinninnera aammalu naleqartitanik malinninneq

Ilinnut tunngasut Nioqquteqarnerup iluani misilittagaqarputit aammalu nioqqutissarsiortarnermut assartuinermullu paasisimasaqarluarputit. Aqutsisutut aqutsisinnaanermik, angusaqarsinnaanermik aammalu suleqa-tiginnilluarsinnaanermik takutitsisimavutit.

Taakku saniatigut makku naatsorsuutigaagut:

Aqutsinermik aammalu suleqatiginnilluarsinnaanermik piginnaaneqarputit

· Niuernermik eqqarsarsinnaassuseqarluartuuvutit aammalu angusaqarusussuseqartuullutit

· Kisitsisit tunngavigalugit nalilersuisinnaassuseqarluartuuvutit aammalu aaqqissuussamik suleriaaseqartuullutit

· Noqqaasarfiit isumaqatigiissuteqarfiginerinik aammalu nioqqutissanik aqutsinermik misilittagaqarputit

· Immikkoortortami pitsaasumik kultureqarneq aammalu pitsaasumik suliffimmi avatangiiseqarneq qulakkeersinnaavat

Ullumikkut nioqqutissarsiortornermut pisortatut, tunisassianik/pisortatigut akisussaasutut imaluunniit niuernermi aqutsisutut atorfeqarsimassaatit – aammalu ingerlariaqqinnissannut piareersimassallutit.

Neqeroorutigaavut

· Inuttut suliatigullu inerisarneq

· Piginnaasat naapertorlugit isumaqatigiissuteqarnikkut akissaateqartitaaneq orniginartoq

· Soraarnerussutisiassat

· Sulisunut inissiaq

· Sulilernissamut suliunnaarnermilu akiliunneqarluni angalaneq

· Akiliunneqarluni sulinngiffeqarluni angalaneq

· Peqqinnissamut sillimmasiineq

Atorfimmut soqutiginnillutit paasisaqarnerorusukkuit Nanna Lynge Isaksen sianerfigisinnaavat: +299 86 23 30 mailerfigaluguluunniit uunga nll@kni.gl

Qinnuteqaat

Qinnuteqaat sukumiisoq, pinerluuteqarsimannginnermut uppernarsaat, ilinniagaqarsimanermut aammalu siusinnerusukkut suliffigisimasanut paasissutissanik CV, oqaaseqaatit aammalu innersuussutit ilanngullugit tigoreersimassavavut kingusinnerpaamik ulloq 25. august 2025.

Qinnuteqaat uunga nassiunneqassaaq:

KNI A/S

HR immikkoortortaqarfik

Postboks 319

3911 Sisimiut

E-mail: jobs@kni.gl

Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaap-poq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasis-sorujussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qa-nittumi inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpu-gut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqati-giit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unam-milligassanillu qaangerniagassalimmut tikilluarit. KNI-p silarsuaanut tikilluarit.