Fakta
Atorfiup suussusaa: Saaffiginnittarfimmi sulisoq
Suliffeqarfik: Greenland Business School, Niuernermik Ilinniarfik
Qinnuteqarfissamut killigititaq: novembarip 3.-at, 2025
Attavissaq: Tine Evaldsen oqarasuaatikkut 342563 imaluunniit e-mailikkut tiev@gbs.gl
Niuernermik Ilinniarfimmi / Greenland Busness School-imI saaffiginnittarfimmi sulisussamik pissarsiorneq
Akisussaaffigissavat oqarasuaatilerineq, allakkanik saaffiginnissutinik suliaqarneq, sullissineq, suliassallu alla takkussinnaasut. Suliamut tassunga attuumassutilimmik ilinniagaqarneq, imaluunniit misilittagaqarneq, Office pakke-mik ilisimasaqarneq, ilinniartunik sullissinermi allaffissornermi atortut ilisimanissai. Kalaallisut qallunaatullu attaveqallaqqissuunissaq pingaartinneqarpoq.
Ilinniarfimmut toqqammavigissaartumut eqeersimaartumullu saaffiginnittarfimmi sulisoq, ilinniakkanillu inuussutissarsiornerup iluani siammasissumik neqeroorutilik. Eqimattaavugut, nukittuut, nutaaliortut tunniusimasullu, tatiginninneq, qanimut suleqatigiinneq, nutaamik eqqarsartut aammalu qaffasissumik suliatigut piginnaasallit ilinniarfimmi qitiutinneqarpoq. Qungujulasuuit sullissillaqqillutillu? Apeqquterpassuarnillu suliaqarnissat sapinngiliuk, ikiuerusussuseqarlutillu? Taava illiuvoq ujangarput.
Suliassatit…
Saaffiginnittarfim sulisutut suliassat assigingiiaarput, sullissillaqqissuunissamillu piumasaqaateqarluni suliassat allmiat akimorlugit. Ulluinnarni atuartunut, ilinniartunut, sulisunut, avataaniillu suleqatinut attaveqassaatit
Suliassat ilaatigut ukuupput:
- Suliassat ukuusinnaapput: Oqarasuaatilerineq, nuutsinerlu
- Suliffeqarfimmut saaffiginnittunik sullissineq
- Allakkat isertut, mail-illu suliarineri
- Sullissinermut akiliisarnernik tigooraaneq, uani ilinniarnermi sammisat assigisaalu.
- Atuartunut ilinniartunullu angalanissamik inniminniineq
- Annikitsunik sullissineq
- Atuartut ilinniartullu napparsimanerinik nalunaarsuineq
- Immikkoortortaqarfimmi suliassanik assigiingitsunik ikiuineq
Saaffiginnittarfimmi sulisutut allaffimmi siulliullutit naapinneqartassaatit, taamaattumik ilakkuminartuunissat qungujulaartuunissallu pingaaruteqarpoq. Atuartuniik ilinniartuniik sulisuniillu suliassanik annikitsunik peqartassaaq, taamaattumik suliaqarninni akornuserneqartarsinnaassaatit.
Ilinniartunik sullissivimmi ilaalissaatit, makkuninnga inuttalimmi ilinniarnermi aqqutissiuussisoq aammalu ilinniarnermi allatsit, ulluinnarnilu aqutsisusoq attaveqaatigissavat.
Kissaatigaarput
- Inuussutissarsionermi ilinniagaqassasutit, assigisaniluunniit allaffimmi misilittagaqarsimassallutit.
- Office-pakke-imik ilisimasaqassasutit, ilinniartunillu allaffissornerm atortunik ilisimasaqarnissat iluaqutaassaaq
- Sullissinermik ilisimasaqarnissat, ikiuukkumatunissallu
- Suleqat tamatigoortoq, sapiissusilik, suliffimmi ulapaarfiusumi sulisinnaasoq
- Pitsaasumik paasinartumik oqaloqateqarsinnaaneq kalaallisut qallunaatullu pingaartinneqarpoq.
Neqeroorutigaarput…
Suliffik pissanganartoq, ilinniarfimmi ineriartortumi, atorfimmilu nammineq ilusilersuinissamik periarfissalik. Inuttut suliatigullu ineriartornissamut periarfissalik, pikkorissunik eqeersimaartunillu suleqateqarluni avatangiiseqarluni sulinissamut periarfissaqarneq kiisalu suleqatigiinnut pinngorartitsinissamik piumassusilinnik suleqateqarlernissaq, ulluinnarni quiasaarneq atuuttuuvoq aamma.
Sulinerup sivisussusaa nal.ak. 40-t sap.ak.-nut. Pississami nal. 07.30 – 15.30 sulineq pissassaaq
Annertunerusumik paasissutissiineq
Imminut saaffiginnittarfimmi sulisutut takusinnaaguit, annertunerusumillu paasisaqarusullutit, taava Tine Evaldsen, oqarasuaat 342563 attavigisinnaavat imaluunnit mail. una tiev@gbs.gl
Greenland Business School pillugu paasiniaasinnaavutit nittartakkamut uunga iserlutit: www.gbs.gl
Qinnuteqaammut killigititaqt
Qinnuteqarnermi killigitinneqarpoq 3. november 2025.
Qinnuteqaatillu ataavartumik suliarineqassapput.
Qinnuteqaat
Qinnuteqaat, qinnuteqaammik, suliffigisimasallu allattuiffia, ilinniarsimanermut uppernarsaatit, pinerlussimannginnermilu uppernarsaatip assilinera, qinnuteqaammullu soqutiginarsinnaasut ilallugit nassiunneqassaaq
Qilanaarpugut tusarfiginissannut!
Atteveqaatip paasissutissartai
Niuernermik Ilinniarfik / Greenland Business School
Aqqusinersuaq 18
3900 Nuuk
E-mail: gbs@gbs.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk
