Nukissiorfiit – Distrikt Qeqqata allaffeqarfimmi aqutsisussarsiorpoq

Kalaallit Nunaanni pilersuinermut immikkoortortani annerni ilaannut allaffissornermi pingaarutilimmik inissisimarusuppit?

Nukissiorfiit aaqqissuussamik, akisussaassuseqartumik suleqatigiinnermillu nuannarisaqartumik allaffeqarfimmi aqutsisussarsiorpoq. Atorfimmi tassani Distrikt Qeqqatami allaffissornermi pingaarutilimmik inissisimassaatit aammalu distriktschefit qaninnertut allaffissornikkut siunnersortigissallutit.

Atorfik assigiinngisitaartorujussuuvoq namminersorlunilu ingerlanneqartussaq, ulluinnarni allaffissorneq, aningaasaqarneq sulisunillu sullissineq immikkoortortaqarfimmi tamani pitsaasumik ingerlanissaannut peqataaffigissallugu.

Distrikt Qeqqata Sisimiuni, Maniitsumi, Tasiilami Ittoqqortoormiinilu pilersuinermik ingerlatsivoq, ullullu tamaasa innuttaasunut innaallagiaq, imeq kiassarnerlu tatiginartumik pilersuutiginiarlugit sulilluni.

Suliassat pingaarnerit:

Akisussaaffiit ilaatigut makkuussapput:

• Nunap immikkoortuani pisortaq aammalu immikkoortortani aqutsisut allaffissornikkut ikorfartorlugit

• Immikkoortortaqarfiit akornanni allaffissornikkut suliassanik ataqatigiissaarineq

• Missingersuusiornerni akissarsianullu missingersuutinik suliaqarnerni malinnaanermilu peqataaneq

• Akissarsianik nalunaarsuineq, nakkutilliineq malinnaanerlu

• Missingersuutit aningaasaqarnermullu nalunaarusianik suliaqarnissaq

• Missingersuutit malinnaavigineri aningaasaqarnermillu aqutsineq

• Sulinngiffeqarnerit sulisussanillu pilersaarusiornerit ataqatigiissaarlugit

• Kiffartuussinerup pitsaasuunissaanut, avammut iluanullu, peqataaneq

Ulluinnarni suliarisartagassat:

Ilaatigut makkuninnga suliaqassaatit:

• Imeqarfinnut imermik assartuinermik pilersaarusiorneq, nalunaarsuineq naatsorsuutinullu ilanngussineq

• Uninngasuutinik kisitsisinik ataqatigiissaarineq malinnaanerlu

• Qaammatikkaartumik uuttortaatinik atuarnerit ataqatigiissaarlugit

• Allaffissornermi atugassanik pisiniarneq

• Akunnernilu qaammammilu akissarsiat malinnaaffigineri

• Pisiniarnerit uninngasuutillu malinnaavigineri

• Saaffiginnittunik sullissineq paasissutissiisarnerlu

• Nutserineq oqaluttaanerlu annikinnerusut

• Ilanngussat sulinermut nalunaarsuinerit akuersissutiginerini taartaasinnaaneq

Illit pillutit naatsorsuutigaarput:

• Allaffissornermik, allaffimmiutut, aningaasaqarnermik ilinniagaqarsimasutit imaluunniit assingusumik misilittagaqartutit

• Allaffissornermik aningaasaqarnermillu suliaqarnermik misilittagaqartutit

• Aaqqissuussamik suleriaaseqartutit sukumiisunullu malussarissuullutit

• Qarasaasiatigut atortorissaarutinik allaffissornermilu IT-systeminik atuinermik ilisimasaqartutit

• Ulapaarfiusuni ataatsimut isiginnissinnaasoq

• Namminersorluni sulisinnaasoq akisussaaffimmillu tigusisinnaasoq

• Sullissiumatuujusutit assigiinngitsunillu suleqateqallaqqissuullutit

• Kalaallisut qallunaatullu oqalussinnaaguit iluaqutaassaaq, kisianni piumasaqaataanngilaq.

Neqeroorutigaarput:

Nukissiorfinni suliffimmut pitsaalluinnartumik, suleqatigiilluarnissamut pingaartitsisumut aammalu sulisut pikkorissut akornanniilissaatit. Sulininnut sunniuteqarluarsinnaassaatit, piginnaasannillu ineriartortitsinissamut periarfissaqassallutit Kalaallit Nunaannilu mingutsitsinnginnerusumik ineriartornermut pingaarutilimmik peqataasumi sulillutit.

Atorfik pissanganartoq assigiinngisitaartorlu neqeroorutigaarput, amerlasuunillu suleqateqarfiusoq, ulluinnarni aqutsinermi allaffissornermilu pingaarutilimmik inissisimaffiusoq.

Ukiumut angalanerit suliffimmut atatillugu naatsorsuutigineqassapput.

Akissarsiat atorfinitsitaanermilu atugassarititaasut:

Atorfinitsitsineq Naalakkersuisut kattuffiullu isumaqatigiissutaat atuuttut naapertorlugit pissaaq.

Misiliineq qaammatini pingasuni ingerlanneqassaaq.

Sulisunut inissiaq maleruagassat atuuttut naapertorlugit innersuunneqarsinnaavoq. Namminersorlutik Oqartussani sulisutut sulisunut inissiamik peqareersimaguit, pisinnaatitaaffiit atuuttut naapertorlugit ingerlaannassaaq.

Suli paasissutissanik amerlanerusunik pissarserusuppit?

Atorfik pillugu paasissutissat amerlanerusut pissarsiarineqarsinnaapput Nunap immikkoortuani qeqqani pisortaq Jan Zachariassen tlf: +299867208 mail: jbz@nukissiorfiit.gl

Apeqqutit allat Sulisoqarnermut Immikkoortortaqarfimmut (HR) e-mailikkut saaffiginnissutigineqarsinnaapput: HR@nukissiorfiit.gl imaluunniit +299 349500.

Nukissiorfiit pillugit

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-imi innaallagissamik, imermik aamma kiassaanermik nioqquteqarnitta 72 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Uagut pilluta annertunerusumik atuarit uani www.nukissiorfiit.gl.