Nukissiorfiit HR-ip immikoortoqarfianut siunnersorti

Nuummi Nukissiorfiit Qullersaqarfiani HR-ip immikkoortoqarfiata pisariaqartippaatit, tassaavutillu sulisunut suliarisanik aamma pisortanik siunnersuisarnermik suliaqarusussusilik. Suleqatigiit ilaattut ingerlatsinermut ineriartortitsinermullu suliassaatitsinni arlalinnut akisussaaffeqalissaatit.

Suliassatit pingaarnerpaat tassaassapput:

• Sulisunut suliarisanut tunngasunik sulianik isumaginnittarnerit.
• Inuttassarsiuinermi pilerisaarutinut inuttassarsiuinermullu atasunik ilalersuuteqarnerit, ilanngullugit atorfinitsitsinermut isumaqatigiissutinik il.il. suliaqarnerit.
• Pisortat inissisimaffiini tamani pisortanik suleqatiginninneq/siunnersuisarneq, ilanngullugit ilisimatitsissutitut atortussanik assigiinngitsunik suliaqarnerit aamma paasisitsiniaanerit.
• Isumaqatigiissutit qanoq paasisariaqarnerinik nassuiaanerit.
• Suliffimmi killeqarfiit qaangerlugit piginnaanngorsaanerit.
• Aningaasaqarnermut Sulisoqarnermullu Aqutsisoqarfimmut innersuussutinik suliaqarnerit.

Atorfitsigut misilittakkatit, ilinniagaqarsimanermik tunngavigisatit soqutiginninnerillu apeqqutaallutik atorfigisavit imaanik sunniinissamut periarfissaqarputit.

Makku neqeroorutigisinnaavavut:

Tassaalissaatit HR-imi siunnersuisartut pikkorissut tallimat, ilinniartullu ataatsip suleqatigiiusut ilagiligaat, qullersarissavallu HR-imut pisortaq.

Akunnitsinni ullut suliffiusut suliassatsinnik ataatsimoorussilluta kivitsivigisartakkagut, aammalu sulianut tunngasunut eqimattuusut immikkoortortaqarfiillu killeqarfii qaangerlugit suleqatigiiffigisat naatsorsuutigisinnaavatit. Tamaaniipput suliassat amerlallutillu assigiinngiiaartut, suleqatitillu assigiinngitsupilussuarnik tunuliaqutaminnit tunniussaqartartuusarput.

Nukissiorfiit tassaavoq suliffeqarfik savitooq, tassanilu sulianut tunngasutut inuttullu ineriartornerit pingaartuutippavut.

Suliffittut pitsaasutut, sungiussiasutut peqqinnartuusutullu ittuunissaq pimoorussaraarput. Ilaappullu Nukissiorfiit ilaatigut fleks’ pillugu aaqqiissuteqarnera, kantiinaata nerisarfigissaartuunera, sulinerullu nalaani timigissartarfissaqarnera.

Ujarpatsigit imatut ittutit:

• Attuumassutilimmik ilinniagaqarnikkut tunuliaqutilik, ajornanngippat nangitsilluni ilinniagaqarsimasoq.
• HR-ip iluani misilittagalik, ilanngullugit isumaqatigiissutinik, aammalu pisortat suliffigisaasa iluanni malittarisassianik ilisimannittoq. Tamakkuli piumasaqaataanngillat.
• Qarasaasialerillaqqissoq, ajornanngippallu HR-imi aaqqiissummik MindKey’imik ilisimannittoq.
• Oqaatsit kalaallisut/danskisut tamaasa atorsinnaavatit – iluaqutaassaaq, piumasaqaataanngilarli.
• Piginnaanngorsaanerup iluani misilittagalik.

Suliffeqarfimmi siamasissumik attaveqarfeqassaatit, taamaattumillu inissisimaffinni tamani suleqatigisannik attaveqaqateqarsinnaallutillu suleqatiginnittarsinnaassaatit.

Akisussaaffeqarnissat, aammalu suliannik tikitaqartarninni nutaanik pilersitaqarusussuseqarnissat naatsorsuutigaavut.

Ingerlatariuakkatsinnik oqaloqatiginninnissanut aggeqqusiuarpugut.

Isumaqatigiissuteqarneq malillugu sapinngisamik piaarnerpaamik atorfinitsitsisoqassaaq.

Atorfinitsitaanermi atugassarisat

Aningaasarsiat atorfinitsitaanerlu pillugit isumaqatigiissut attuumassuteqarlunilu atuuttoq najoqqutaralugu. Qaammatini pingasuni misilitsiffeqarpoq.

Atorfimmut inissiamik innersuussisoqarsinnaanngilaq.

Eqqortumik sivisussutilittut atorfeqarsimanermi, piginnaasaqarnermilu specialkonsulentitut tapit pillugit qinnuteqarnissamut periarfissaqarpoq.

Tassaavit suleqat ujagarput?

Taava ”atorfik qinnutigiuk” aqqutigalugu qinnuteqaatit sapinngisamik piaarnerpaamik nassiuguk.

Atorfiup imarisaanut atuuffigisaanullu apeqqutissaqaruit attavigiuk HR-ip Pisortaa Jon Rudkjær Larsen uguuna: Jolar@nukissiorfiit.gl

Aningaasarsiat atorfinitsitaanermullu atugassarisat pillugit apeqqutit nalinginnaasut uunga nassiunneqarsinnaapput: hr@nukissiorfiit.gl.

Nukissiorfiit pillugu

Nukissiorfiit Kalaallit Nunaat tamakkerlugu innaallagissamik, imermik kiassarnermillu pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugit aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik kiassarnermillu nioqquteqarnitta 70 %-ia nukissiornermit ataavartumit aallaaveqarpoq. 2030-p tungaanut tamakkiisumik ataavartumik nukissiornissaq anguniarparput. Nukissiorfiit iluani sulisut 400 tamarmik toqqammavissanik pitsaasunik atugaqarnissaannik pilersitsineq iluatsilluarparput. Tamanna pillugu uani annertunerusumik atuarit: www.nukissiorfiit.gl.

Qinnuteqarnissamut killissarititaasoq: maajip 27.-at, 2025

Atorfik una qinnuteqarfigiuk