PAASISSUTISSAT
Atorfiup suussusaa: AC-fuldmægtigimik aamma chefkonsulentimik
Suliffeqarfik: Nukissiorfiit
Qinnuteqarfissamut killigititaq: aggustip 8.-at, 2025
Attavissaq: Henriette Nolsøe Rosing, ugguuna: heros@nukissiorfiit.gl imaluunniit Atorfilinnut pisortaq Sandra Husted Rasmussen, ugguuna: smana@nukissiorfiit.gl, oqarasuaat +299 259386. Atorfinitsitaanermut sulisunullu pissutsinut tunngasutut apeqqutit uunga nassiutissapput: hr@nukissiorfiit.gl.
Politikkip tungaatigut piginnaaneqarpit, nukissaqarluarpit piumassuseqarlutillu? Aamma nukissamik atajuartumik pingaarnerutitaqarluni pilersuineq siammarterinerlu isumannaallunilu sunniuteqarluartumik peqarluni nunatsinni pilersuinermik immikkoortoqarfimmut assissaqanngitsumik paasisaqarusussuseqarpit?
Taava Kalaallit Nunaanni pilersuinermik suliffeqarfimmi, Nukissiorfiit iluani aalajangiussaqartarnermik ingerlattakkanut qanillivinnissannut maannakkut periarfissaqalerputit.
Pisortaqatigiit allattoqarfiannut ingerlattakkanik ataqatigiissaarinernut, aamma allattariatigut piginnaasaqaluartunik sulisunik marlunnik inuttassarsiuivugut.
Pisortaqatigiit allattoqarfiat pillugu
Pisortaqatigiit allattoqarfianniipput sulisut arfinillit pisortarlu ataaseq, taakkulu atorfilinnut pisortamik qullersaqarput. Immikkoortoqarfiup misissueqqissaarutitut suliassat arlallit iluarsiivigisarpai, periusissialigaasutut iliuuserisat ataqatigiissaartarlugit, aammalu Nukissiorfiit suliffiup iluani avataanilu attaveqaqatigiinneranik isumaginnittuuvoq.
Tamakku saniatigut aaqqissuussiffiup sinnera tamatigoortuusunut piginnaasarisanik atorfissaqartitsigaangat ikiuisarpugut. Sulianut tunngasutut inissisimaffik qaffasissoq, qanimullu suleqatiginnittarneq pingaartuutippagut.
Pisortaqatigiit allattoqarfianniittut tassaapput pisortaqarfiusumi sulisui qaninnerpaat, aammalu qullersaqarfimmi sineriammilu aaqqissuussiffimmut tamarmiusumut attuumaffeqartuuvoq.
Atorfiit inuttassarsiukkat
Ataatsikkut soraartoqarnerit pissutigalugit pisortaqatigiit allattoqarfiani suleqatigiinni tamakkiisumik inuttaliiniarluta suleqatissanik nutaanik marlunnik maannakkorpiaq inuttassarsiuivugut.
Tamatigoortutut piginnaasanik nukittuunik pilimmik AC-fuldmægtigissarsiorpugut.
Piginnaasat:
- Attuumassutilittut nangitatut ilinniagaqartuussaatit (soorlu cand.scient.pol., cand.jur., cand.scient.adm. assingusumilluunniit)
- Tassaasinnaavutit naammassinnillutit ilinniagaqartunngorlaaq, imaluunniit politikkikkut aqutamit aaqqissuussiffimmit ukiualunni misilittagaqarsinnaasoq
- Ingerlatarisartakkanut pikkoriffeqassaatit
- Ataatsimut isiginniffimmik attassillaqqillutillu ataqatigiissaarisassaatit
- Sulianut tunngasunut piinnaasalinnik allanik suleqatiginnillaqqissaatit
- Aamma allattariatigut piginnaasanik nukittuunik peqarlutillu isumagissaartuussaatit
Suliassatit ilaatigut makkuninnga imaqassapput:
- Tusarniaanermut akissutinik ataqatigiissaarinerit, § 37-mut tunngasutut apeqqutinik akissuteqarnerit, aamma aaqqissuussiffinnit innuttaasunillu saaffiginnissutinut akissuteqartarnerit
- Pisortaqarfimmut, aamma ingerlatsivimmut naalakkersuisoqarfimmut allakkianik, ilisimatitsissutinik aamma aalajangiinissamut tunngavissianik suliaqarnerit
- Nukissiorfiit periusissiaanut ”Nukissiorfiit 2030-mi Patajaatsut”-mut atuutsitsilernermut malitseqartitsinermullu ilalersuuteqarnerit
- Attaveqaqatigiinnermut atortussanik suliarisanut ilalersuuteqarnerit
- Ataatsimiinnerit piareersarnerinut, imaqarnilianik allagaqarnernut, aamma oqaluuserisassanik suliaqarnernut ilalersuuteqarnerit
- Pisortaqarfitsinnut, aamma pisortat sinnerinut pisortanut pikkoriffigisatut kiffartuussinernik suliaqarnerit
- Ingerlatassatut aaqqissuussanik assigiinngitsunik aaqqissuussaqartarnerit
Aamma politikkikkut ingerlattakkanut, aamma ingerlatsiviup naalakkersuisoqarfia peqatigalugu oqaloqatigiittarnernut sulianut tunngasutut akisussaaffilimmik chefkonsulentissarsiorpugut.
Piginnaasat:
- Attuumassutilittut nangitatut ilinniagaqarsimassaatit (soorlu cand.scient.pol., cand.jur., cand.scient.adm. assingusumilluunniit)
- Ukiuni arlalinni attuumassutilittut misilittagaqassaatit, soorlu naalakkersuisoqarfimmit, imaluunniit politikkikkut aqutatut aaqqissuussiffimmit allamit
- Sulianut tunngasunut ataatsimut isiginniffeqarnermut pikkorittuussaatit, aammalu suliassanik agguaassisassallutit, taamaalisukkullu sulianik isumaginninninnermi ajoqutaasinnaasunik takunnittarlutillu immikkuualuttortanik sianiginnittuussaatit
Suliassatit ilaatigut makkuninnga imaqassapput:
- Pisortaqatigiinnit, ingerlatsivimmut naalakkersuisoqarfimmit allanillu inniminniissutinut ataatsimut isiginniffeqarneq, ataqatigiissaarinerlu
- Tusarniaanermut akissutinik ataatsimut isiginniffeqarneq, pisortatut ataqatigiissaaralunilu pitsaassutsimik isumannaarisarneq
- Suliniutinik aqutsisarnerit, aamma misissueqqissaarinernik, ilisimatitsissutinik, aalajangiussaqarnissamut tunngavissianik il.il. suliaqarnerit
- Naalakkersuisoqarfimmik, aamma suliffiup avataani sulialinnik ataatsimiinerni peqataanerit, kiisalu imaqarnilianik allataqarnerit, tamakkununngalu malitseqartitsinerit
- Pisortaqatigiit allattoqarfianni pisortamik, aamma pisortaqatigiinnik isumasioqateqartarlunilu qanimut ataqatigiissaarisarnerit
Oqaatsinik arlalinnik – kalaallit aamma danskit oqaasiinik – piginnaaneqassanerit atorfinnut tamanut iluaqutaassaaq, tamannali piumasaqaataanngilaq.
Akissaatitigut atorfineqartitaanermilu atugassarititat
Atorfinitsitsinerit Namminersorlutik Oqartussat, aamma pineqartumut isumaqatiginninniarsinnaatitaasutut kattuffiup akornanni isumaqatigiissutit atuuttut / isumaqatigiissutaasoq naapertorlugit pissapput.
Atorfiit AC-fuldmægtigitut, aamma chefkonsulentitut inissinneqarsinnaaffilerlugit inuttassarsiutaapput, tassalu qinnuteqartut uppernarsarsinnaasatut piginnaaneqassappata.
Atorfimmut sulisunut inissiaq innersuutigineqarsinnaavoq, aamma Namminersorlutik Oqartussani atorfeqarneq aqqutigalugu inissiaqaraanni inissiamut pisinnaatitaaffik piginnarneqassaaq.
Atorfininneq qaammatini pingasuni misiliutitaqarpoq.
Tassaavit suleqatissatut inuttassarsiukkatta ilaat?
Taava ”Atorfimmut qinnuteqarneq” aqqutigalugu qinnuteqaatit piaarnerpaamik nassiuguk. Qinnuteqarnermut killiffik kingulleq tassaavoq 8. august 2025.
Atorfinnut tunngatillugit apeqqutit ukununnga nassiunneqarsinnaapput: Pisortaqatigiit allattoqarfiannut pisortaq Henriette Nolsøe Rosing, ugguuna: heros@nukissiorfiit.gl imaluunniit Atorfilinnut pisortaq Sandra Husted Rasmussen, ugguuna: smana@nukissiorfiit.gl, oqarasuaat +299 259386. Atorfinitsitaanermut sulisunullu pissutsinut tunngasutut apeqqutit uunga nassiutissapput: hr@nukissiorfiit.gl.
Nukissiorfiit pillugu
Nukissiorfiit Kalaallit Nunaat innaallagissamik, imermik kiassarnermillu pilersugaraa.
Peqatigiilluta atuisartutta iluaqutigisassaannik aningaasartuutitigut sunniuteqarluarlutillu piujuartitsitsisutut iluarsiissutit pilersinniarneri tamatigut sulissutigaagut. Nukissiorfiit iluani sulisunut 400-nut tamarmiusunut toqqammavissanik pitsaanerpaanik pilersitsiniarnerput iluatsitsivigaarput. Uagut pilluta uani annermik atuarit: www.nukissiorfiit.gl
Qinnuteqarnissamut killissarititaasoq: aggustip 8.-at, 2025
Atorfik una qinnuteqarfigiuk
