Nuna Tamakkerlugu Tarnikkut Piginnaanngorsaavik aamma Siunnersuisarfimmut nutaamut Sullissivimmi Aqutsisoq

Eqimattanik annertunerusunik sulisunik ukiuni arlalinni aqutsinermi misilittagaqarpit? Aamma sammisamut assiginngiaartumut nutaami aqussinnaavit, tamannalu ilusilersorneqarnissaa pisariaqarfiusoq? Inuttut suliatigullu piginnaaneqarluarpit sunniuteqarsinnaassuseqarluarlutillu, aamma aaqqissuussaanermillu ineriartortitsineq soqutigilluinnarpiuk? 

Qulaatungaani piginnaasat allaqqasut angaaffigisinnaagukkit, taava illit atorfissaqartippatsigit!

Sullissivimmi aqutsisumik sullissivimmi najoqqutassamik ineriartortitsisinnaasumik inaarisinnaasumillu piumassusilimmik ujaasivugut, aammattaaq politikkikkut naatsorsuutigisat annertuut ataani sulisinnaasumik. Sullissivimmi aqutsisumik pisariaqartitsivugut immikkoortortat akimorlugit ataqatigiissarinermik qulakkeerisinnaasumik aamma sulisunik piginnaanngorsaasinnaasumik kiisalu sullissineq ingerlatsinermilu qulakkeerisinnaasumik.

Aalajangiilluinnartuuvoq ilakkuminartuunissat siunnersuillaqqissuunissallu, sukkasuumik suleqatit pisariaqartitaanik takunnissinnaasoq, ilutigalugulu sullissivissami innuttaasut naammaginartumik katsorsarneqarneranni misigisaqarneranillu qulakkeerlugit.

Atorfiup tunuliaqutaa:

Kalaallit Nunaanni inuit amerlavallaartut misigissutsimikkut assut atugarliorput, taamaattorli inuusuttut 15-init 34-nut ukiullit akornanni ingammik tamanna unammillernarpoq. Innuttaasut tarnikkut atugarliortut ikiorneqarnissaanut ammaanniarlugit, maanna ammarneqarpoq nuna tamakkerlugu innuttaasunut katsorsarneqarnissamut neqeroorut. Tassa imaappoq innuttaasut katsorsarneqarnissamik pisariaqartitsisut, assersuutigalugu kingunerlutsitsisimagaanni, sivisunerusumik imaluunniit tassanngaannartumik takkuttumik tarnikkut atugarliulersimagaanni, imminut toqunnissamut aarlerinaraanni, sakkortuumik misigisap tarnikkut qisuariaataannik, imaluunniit sakkortuumik inuuniarnikkut ajornartoornikut katsorsarneqarnissamik pisinnaapput. 

Taamaattumik innuttaasunut atugarliornerminniit aniguisinnaaniassammata ilinniarnermut imaluunniit sulileqqinnermut uteqqinniassammata, innuttaasunut tapersersuisumik katsorsaasumillu pisortatigoortumik ataqatigiissumillu aaqqissukkamik pilersitsinissaq Naalakkersuisut 2023-mi akuerivaat. 2024-mi august Naalakkersuisunit, Nuna Tamakkerlugu Tarnikkut Piginnaanngorsaavik Siunnersuisarfillu suliniummut tunngavik, akuerineqarpoq. 

Nuna tamakkerlugu neqeroorusiornerup siunertarivaa, innuttaasut tamarmik (innarluutillit ilanngullugit), tarnimikkut atugarliortut ajornerpaamillu imminnut toqunnissaminnik navianartorsiortut, katsorsartariaqartumik inissisimasut imaluunniit oqaloqateqarnissaminnut pisariaqartitsisut, aqqusinermiik isiinnarlutik ikiorneqarsinnaanissaat periarfissaasariaqartoq. 

Taamaattumik maannakkut aqutsisoq suliamik kivitsisinnaasoq pisariaqartinneqarpoq, Nuna Tamakkerlugu Tarnikkut Piginnaanngorsaavik Siunnersuisarfillu nutaaq aallartisarlugu, suliassat pingaarnerpaat sullissivimmi ingerlatitsinerullu qulakkeerneqarnissaanut ineriartortitsinneqarnissaanut atuuttussanngortitsinneqarnissaanullu suliaqarsinnaasoq. Tamanna pisariaqarpoq ilaatigut kommuneqarfimmi ingerlatsiviit aamma ilaqutariit illuinni il. il. attuumassusillit qanimut suleqatigineranik, peqqinnissaqarfik aamma sulianillu suliaqartartunut attuumassuteqartunut sullitanik eqimattakkaanut assigiinngitsunut suliaqartartunut suleqatigisartakkat attuumassusillit peqatigalugit.

Atorfik pillugu

Sullissivimmi aqutsisutut sulisorpaaluit eqimattat akisussaaffigilissavatit, aamma siullermik siullerpaamillu sullissivik aallartisarneqarneranut ilaassallutit. 

Naatsorsuutigineqarpoq siuariarfinnik pilersitsissasutit aamma najukkami pissutsinik ilisimasaqarneq taamaalilluni ineriartorneq atuutilersititsinerlu sullissivimmi neqeroorutigineqartuni katsorsaanermi suliaqarneq pitsaanerpaamik tulluunnerussammat. Sulinermi avatangiisinik pitsaasumik qulakkeerinnissaatit kiisalu suleqatigiittoqarnissamik pilersitsissasutit najukkami katsorsaasut akornanni, avataanilu suleqatinik, sullissivik akimorlugu aamma politikkikkut qaffasissumik tunniussaqarsinnaassasutit.

Akisussaaffeqarfiit

Aqutsisoqarfiup pisortaata ilaatigut makku akisussaaffigai:

• Nuna Tamakkerlugu Tarnikkut Piginnaanngorsaavik Siunnersuisarfissamut tamarmut aqutsisoq

• Sullissivik pilersinnerani aqqutissiuissineq aamma aaqqissugaanermi toqqissisimanermik aalajaassusermillu ineriartupiloortumi piviusunngortitsineq.

• Najoqqutassianik aaqqiinernik nutaanik isumaginnillunilu eqqarsarsinnaasoq innuttaasut naapinneqarlutik qulakkeerinnittumik ilutigalugu suleqatit malinnaatissinnaallugit. 

• Allanngortortoqarnerani katsorsaasut tapersersorneqarneri aamma katsorsaanermi sulineranni sapinngisamik tapersersorneqarnissaat, katsorsaaseriaatsinik najoqqutassiassanillu ineriartortitsineq.

• Kommunillu qanimut oqaloqateqartarneq qulakkeerneqassasoq, peqqinnissaqarfik aamma pinerluuteqarsimasunik isumaginnittoqarfik, innuttaasut akornanni suleqatigiinneq pitsaanerpaamik qulakkeerneqarniassammat.

• Isumaginninnermut Aqutsisoqarfiup pilersaarutai, missingersuutai aaqqissuutereerlugit anguniakkat angusallu aningaasatigut atugassarititaasut iluini naammassissallugit.

• Sullissivik ineriartussasoq, ingerlateqqiineq aamma suliniutit ingerlasuni nalilersuineq, politikikkullu anguniakkat massuma imarisai naammassiniarlugit.

Inuttut malunnaateqarneq misilittagaqarluarnerlu

Aqutsisoqarfimmi pisortassarsiorpugut makkununnga ilaatigut piginnaasaqartumik:

• Kalaallit Nunaanni isumaginninnikkut pissutsinik ilisimasaqarneq, naleqqussarsinnaassasutit, aaqqissussaangitsumi aallartisarnermi sulisinnaasutit.

• Tarnikkut katsorsarneqarnerup iluani unammerlerfigisinnaasanik ilisimasaqarluarneq aamma Kalaallit nunaanni tarnikkut atugarliortuni unammilligassaasinnaasut.

• Immikkut katsorsaanermi neqeroorutinik ilisimasaqarneq, uppernarsisamik atornerlugaanermut tungasut iluani ilisimasaqarneq, Kannguttaatsuliortartunut katsorsaasarneq aamma allamik kinguaassiuutitigut katsorsaaneq.

• Kalaallit oqaasiinik, kulturianik inooqatigiinnermullu tunngasunik ilisimasaqarluarneq.

• Kommune iluani aamma katsorsaanermi ilisimasaqarluarneq misilittagaqarneq.

• Aqutsisutut periusissat eqqarsaatigalugit misilittagaqarneq aamma tarnip pissusiinik ilinniaqqilluni ingerlaqqinnikoq imaluunniit assigisaanik.

• Pisortat ingerlatsiviini aqutsisutut misilittagaqarneq imaluunniit assigisaannik.

• Suleqatigiinnissamut piginnaasaqarluartuusutit aamma sunniuteqarsinnaalluassuseqartutit

Piginnaassuseqarfigisariakkatit:

• Katsorsaasunut allanngortortoqarnerani kajumissaarisinnaalluartuullutillu sunniisinnaassuseqarluartutit.

• Tapersersuisumik nutaanillu iluarusunnartunik pilersitsisinnaallutit aamma anguniakkanik saqqummiussanik malitsitsinissamut kaammattuisinnaallutit.

• Anguniakkanik qinigassiisinnaallutit, siumukarnernik nalilersuisinnaallutit piumasarineqarpallu suliniutitigut naqqiinernik suliarinnissinnaallutit.

• Killiffik isummersorfigalugu taamaasilluni kultureqarneq "best pratice" ingerlajuartumik pitsanngorsarsimanissaa qulakkeerniarlugu.

• Ajornaquteqanngitsumik inuit naapissinnaallugit periarfissanillu nutaanik ujaasinissamut aammalu pitsaassutsinik qaffasissunik angusaqarnissamut kajumissuseqartilerlugit.

• Sulinikkut pissutsini uummaarillunilu pitsaaliuinissaq, suliassallu suliaripallattarniartarlugit peqatigisaanillu suliassarpassuit suliarisinnaassallugit.

• Ulluinnarmi suliassanik tassanngaannartunik unammisassaqarfiusumi aammalu tassanngaannartumik aalajangiiffiusinnaasumi eqqarsarluarsinnaanissaq.

Ulloq atorfiniffissaq

Sapinngisamik piaarnerpaamik

Qinnuteqarnissamut killissarititaq pingasunngorneq ulloq 25. Juni nal. 12.00 (kal-nal.).

Atorfinitsitsiniarlu oqaloqateqarnerit ingerlaavartumik ingerlanneqartassapput.

Akissarsiat atorfeqartitaanermilu atugassarititaasut:

Atorfik akissaateqarfimmi LR 38-mi maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat

Atorfimmut tunngatillugu paasisaqarnerorusukkuit, Isumaginninnermut Aqutsisoqarfimmi pisortaq Tina Evaldsen e-mail uunga allaffigisinnaavat tiev@nanoq.gl / sianerfigisinnaavat +299 565509 

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk