Nunap immikkoortuani pisortaq – Region Kujataa

Aqutsisutut atorfittaarusuppit Nunatsinnilu nioqquteqarnermi ingerlatsisut annersaanni qaffakkiartorusullutit? Taava maannakut periarfissaqalerputit.

KNI nioqqutissaqarnermi immikkoortortaqarfia angusaqarusussusilimmik kajumissaarisinnaasumillu nunap immikkoortuani Kujataani nutaamik nunap immikkoortuanut pisortassarsiorpoq, ulloq 1. september 2025 imaluunniit isumaqatigiissuteqarnikkut sulilersussamik. Pisiniarfiit 14-it ingerlanneqarnerinut akisussaasussaatit. Pisiniarfiit akisussaaffigiligassatit Arsummiit Narsarmijinoorput.

Tuniniaanermi pisortaq qaninnertut pisortarissavat kiisalu nunap immikkoortuini allani tallimaasuni pisortaasut peqatigalugit Pilersuisumi aqutsisoqatigiinnut ilaassallutit.

Isumaqatigiissuteqarnikkut Narsami, Nanortalimmi Qaqortumiluunniit suliffeqarsinnaavutit. Illoqarfiit taakku tamarmik nunap immikkoortuani pisiniarfinnut aqutsisunullu akisussaaffigisassannut qitiusumik inissisimap-put.

Atorfik pillugu

Nunap immikkoortuani pisortatut suleqatinnik coacherisinnaassaatit. Sulisutit siuttuuffigalugit kajumissaarnissai merserinngilat kiisalu pisiniarfiit qularnaatsumik ingerlanneqarnissaat pisisartullu pisiniarnerminni pitsaasumik misigisaqartinnissaat merserinngilat. Suliassat naammassinissaasa tungaanut malinnaavigisarpatit pisiniarfiillu akisussaaffitit tuniniaanissaminnut piareeqqanissaat isumagiuassavat, soorunami tamanna pissaaq nunami immikkoortorisanni niuertut/pisiniarfiit pisortaat suleqatigalugit. Ukiup ingerlanerani nunap immikkoortuani pisiniarfinnut alakkaallutit angalasarnissat naatsorsuutigissavat. Angalasarnissat qilanaarutigiinnarsinnaavat, tassami sulisut pikkorissut ilassilluassagaatsit neriorsorsinnaavatsigit.

Makku akisussaaffigissavatit:

• Nunap immikkoortuani pisiniarfiit ingerlanneqarnissaat qulakkiissavat

• Sulisutit sungiusartissavatit, ilinniartissavatit, aqussallugit kajumissaassallugillu

• Missingersuusiorneq ingerlatsinermilu akisussaaneq

• Kisitsisinik aallaavissanik malinnaaviginninneq nunallu immikkoortuata anguniagaanut atorlugit

• Inatsisit atuuttut malinneqarnissaat qulakkeerlugu

• Sulisoqarnermut immikkoortortaqarfik suleqatigalugu sulisussarsisarnissaq

• Pisiniarfiit ulluinnarni ingerlanneqarnerini suleqataaneq.

Ilinnut tunngasut

Naleqquttumik aqutsisutut ilinniagaqartuuvutit unammillerfiusumillu sulisimallutit, kiisalu sulisut pitsaasumik angusaqarnissaanni iluatsittumik kajumissaariffiusumillu aqutsisuuffiginikuullugit. Immaqa massakkut pikkorissuullutit angusaqarusussuseqartuullutillu Pisiniarfimmi pisortaavutit, niuertuullutit imaluunniit suliffeqarfimmi periarfissarpassualimmi anguniagarfiulluarsinnaasumilu sulilernissamut qaffassarnissamullu tunuliaqutaqarputit nutaamillu misilitaqarusullutit.

Taakku saniatigut naatsorsuutigaarput:

• Misigittartuussasutit, kajumissaarillaqqissuussasutit kiisalu akuersaarnartumik aqutseriaaseqartuusutit

• Akisussaassuseqarluarlutit suliassanik suliakkiutiginnissinnaasutit naammassinissaasalu tungaanut malinnaavigisinnaagitit

• Angusaqarusussuseqartuusutit niuillaqqissuullutillu

• Kiffartuussilluarumasuusutit pisiniarfimmilu pisiniarnermi pitsaasunik atugassaqartitsisinnaasutit

Neqeroorutigaagut:

• Piginnaasat naapertorlugit isumaqatigiissuteqarnikkut akissaateqartitaaneq atugassarititaasullu orniginartut

• Atorfimmut atatillugu illoqarfiup avataanersunut inissaqartitsisoqassaaq, tassungalu inatsisit malillugit qularnaveeqqut, ineqarnermut akiliut, atuineq il.il. akilerneqartassapput

• Nuunnermi angalanermi, kiisalu pequtit angallannerannut akiliunneqarneq

Atorfimmut soqutiginnillutit paasisaqarnerorusukkuit tuniniaanermi pisortaq Jonas Aronsen attavigisinnaavat oqarasuaammut sianerfigalugu +299 86 23 40, mobil +299 59 03 71 imaluunniit mail-ikkut uunga joa@kni.gl.

Qinnuteqaat

Qinnuteqaat sukumiisumik tunngavilersugaq pineqaatissiisarneq pillugu allagartaq, ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissaq, tigoreersimassavarput kingusinnerpaamik ulloq 17. august 2025.

Qinnuteqaat uunga nassiunneqassaaq:

KNI A/S

Sulisoqarnermut immikkoortortaqarfik

Postboks 319

3911 Sisimiut

Email: jobs@kni.gl 

Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasissorujussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqatigiit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unammilligassanillu qaangerniagassalimmut tikilluarit. KNI-p silarsuaanut tikilluarit.