Nunatsinni Ilinniartitaanermut Siunnersuisoqatigiinnut kiisalu Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmut sullissisussamik AC-fuldmægtigissarsiorput imaluunniit specialkonsulentitut

Kalaallit Nunaanni inuussutissarsiutinik ilinniarfinnik pitsaanerusunik pilersitseqataarusuppit? Ilinniartitaanermut suliassaqarfiup ineriartornera annertuumik salliutinneqarpoq, taamaalillunilu ilinniarnissamut periarfissat pitsaanerpaat pilersinneqassapput aamma inuussutissarsiornikkut inuunermut sulisinnaasut piukkunnaatillit qulakkeerneqassallutik. Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik aalisarnermi teknikikkinik ilinniarfinni ineriartortitsinissamik sulianillu sullissinissamik suleqatissarsiorpugut, kiisalu Nunatsinni Ilinniartitaanermut Siunnersuisoqatigiinnik allattoqarfimmi sullissisussamik.

Atorfimmi suliassat

Nunatsinni aalisarnermi inuussutissarsiutinik ilinniakkat inerisarnissaat qitiutinneqartorujussuuvoq, taamaalilluni inuiaqatigiit pisariaqartitaat ukiuni aggersuni naammassineqarsinnaaniassammata. Atorfik taamaammat assigiinngitsunik allanngorartunillu suliassaqarfiussaaq - ilaatigut EUD-mi ilinniarfinni atuarfiit arlallit akisussaaffigissavatit, ilaatigullu Ilinniartitaanermut siunnersuisoqatigiinnut sullissisassallutit, taakkulu Naalakkersuisunut pingaarutilimmik siunnersortaasarput.

Pingaarnertut suliassatut akisussaaffigisassat ukuupput:

• Nunatta Ilinniartitaanermut Siunnersuisoqatigiivinik taakkulu suliassaannik allattoqarfimmik ingerlatsineq 

• "Illit" inuussutissarsiornermik atuarfiutinni EUD-milu suliassaqarfinni suliassatit suliarinissaat, matumanilu ilinniarnermut aaqqissuussinerit akuersissutigisarneri, nakkutilliinermik suliassat kiisalu aalisarnermi teknikikkut ilinniarfinni sulianik sullissinerit

• Politikikkut sullissinerit, soorlu allakkianik, nalunaarusianik, nassuiaatinik, isumalioqatigiissitat suliassaannik, oqalugiaatinik kiisalu tusagassiutitigut nalunaarutit suliarineri aamma inuussutissarsiutigalugu ilinniarfinnut tunngasunik politikerit § 37 naapertorlugu apeqqutaannik akissuteqarnerit (apeqqutit Inatsisartut Naalakkersuisunut apeqqutigisinnaasaat). 

• Sulisitsisuni, ataatsimiititaliani, suleqatigiinni siunnersuisooqatigiinnilu ataatsimiinnerni peqataanerit

• Naalakkersuisoqarfinnik allanik suliassat assigiinngisitaartut pillugit suleqatigiinnermi peqataaneq

• Naalakkersuisup/ Naalakkersuisut Inatsisartullu suliassaanik qulakkeerinninneq

• Ilinniartitaanermut tunngasuni suliassat takkussuuttut malillugit suliaqarneq

Inuttut pisinnaasatit

AC-fuldmægtigissarsiorpugut imaluunnit specialkonsulenti/immikkut siunnersortissarsiorpugut, suliamut tunngatillugu soqutiginnittumik, suleqatigiinnut suleqatigiilluinnartunut ilanngunnissamut piumassuseqarlunilu piginnaaneqarluartoq, immikkoortortami ineriartortitsinermik qaffasissumik pingaartitsisoq. Peqatigitillugu pissarsiariniarparput suliamut tunngatillugu isumannaatsumik sulinissaminut tulluusimaarutiginnittoq aaqqissuussamillu suliassaminnut pulasinnaasut. Allaffissornermiit ingerlatsinermut naalakkersuinikkullu kiffartuussisarnernik ineriartortitsisunik suliassat siammasissut.

Kissaatigaarput, illit:

• Bacheloritut qaffasissusilimmik attuumassutilimmik ilinniagaqartutit.

• Atorfimmit tassunga assingusumit aalisarnermit suliassaqarfimmiit imaluunniit ilinniartitaanermut suliassaqarfimmi atorfimmit misilittagaqassasutit.

• Ataatsimut isiginnittariaatsimik pitsaasumik piginnaasaqartutit ulapaarfimmilu sulisinnaalluartutit.

• Kalaallit Nunaanni inuiaqatigiit pillugit sukumiisumik ilisimasaqassasutit

• Nattaqqallisaanngitsumik kalaallisut, qallunaatut tuluttullu oqalussinnaassaatit

• Tamakkiisumik isiginnillaqqissuuvutit sulianillu ilungersunartunik tamanillu takunnissinnaassuseqarlutit.

• Inuussutissarsiutinut ilinniakkanut suliaqarnissamik soqutigisaqassaatit, pingaartumik aalisarnerup iluani teknikikkut ilinniarnerit

Naalakkersuisoqarfik ilinniarnermullu immikkoortortaqarfik pillugit

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi suliassat amerlaqaat - Naalakkersuisunik sullissinerniit oqartussaaffinnik pingaarnertut aqutsinerit. Ataatsimut isigalugu suliassaqarfimmi inuiaqatigiinni ilinniarsimassuseq qaffassarniarlugu kulturikkullu nukittorsaalluni sulisoqarpoq.

Naalakkersuisoqarfimmi 35-t missaat atorfeqarput, taakkunani qulit missaat ilinniarnermut immikkoortortaqarfimmiillutik.

Suleqatigiinnitsinni ileqqoqarpugut kikkut tamarmik aaqqissuussaanermut nutaanik eqqarsaatinik suliassanillu naammassinnittarnermut ilanngussisinnaatillugit. Illit tassani sulisinnaasutut isumaqaruit ammasuullutit, suleqatigiinnissamik tunngavilimmik sulisuullutit kiisalu ilinniartitaaneq soqutigisaqarfigalugu, taava immaqa illit suleqatitaarisinnaavatsigit.

Paasissutissat allat

Atorfik pillugu paasisaqarnerorusukkuit imaluunniit Namminersorlutik Oqartussani sulineq qanoq innersoq pillugu apeqqutissaqaruit immikkut siunnersorti Sigvard K. Fleischer attavigisinnaavat, oqarasuaatikkut:345621 imaluunniit skf@nanoq.gl Naalakkersuisoqarfimmi imaluunniit Ilinniartitaanermut Immikkoortortami sulineq pillugu paasisaqarusukkuit immikkoortortaqarfimmi pisortaq Trine Egede attavigisinnaavat oqarasuaatikkut: +299 55 91 47 imaluunniit mailikkut: treg@nanoq.gl.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqarnissamut killigititaq: 7. majii 2026

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.