Nunatsinni inersimasunut sullissinerup ineriartortinnissaanut siuttoorusuppit? Inulerivik inersimasunut katsorsaanermi tunngatillugu tarnip pissusaa pillugu ilisimasallit pisortassaannik pissarsiorpoq.

Katsorsaavik nutaaq Inulerivik, siusinnerusukkut Inulerinermut immikkoortortaasimasumi Isumaginninnermik aqutsisoqarfimmiittumi inissisimaffeqarnikoq, tarnit pissusaannik ilinniarsimasut pisortassaannik nukittuumik inersimasut katsorsarneqarnerannik kivitsisinnaasumik pissarsiorpoq.

Inulerivik nuna tamakkerlugu inersimasunik katsorsaavittut neqeroorutaavoq nutaaq, ilaatigut immikkut ittumik ilisimasaqarfiusussanik katsorsaasinnaasoq soorlu inersimasut oqaloqateqarnissaminnik imaluunniit katsorsartinnissaminnut inissisimasut, nakuusertartunut aammalu nakuuserfigineqartartunut taamatuttaaq inersimasunut meeraanerminni kinguaassiutitigut atornerlunneqarsimanermikkut kingunerlutsitsisimasunut.

Katsorsaanerni aqutsisussatut Inulerivimmi pisortaq suleqatigalugu sullissinermi pitsaassuseq, ataqatigiissaarineq aammalu ineriartortitsineq kommune allallu tamatuminnga suliniartut peqatigalugit qulakkeerneqassaaq.

Suliassatit pingaarnerit:

• Ulluinnarni ilinniarluarsimarpalaartumik aqutsissaatit aammalu psykoterapeutinut inersimasunik sullissisunik allanik suleqateqarlutit siunersiueqatigiinnerit suliarisassavasi.
• Inersimasunik sullissinermi suliassarititaasunik ineriartortitsillutillu aaqqissuussissaatit.
• Psykoterapeutit suliassaat ataqatigiissillugit aaqqissuutissavatit aammalu assigiiaamik periuseqarnissaq qulakkeerlugu.
• Kommuneni tamanna pillugu suliniartunik suleqateqarneq pilersillugu patajaallisarlugulu.
• Data atorlugu uppernarsaatinik ineriartortitsinermillu katersuineq paasiniaaqqissaarnerlu
• Sumiiffinni ilimasanik pikkorissarneq tamannalu pillugu sumiiffinni patajaallisaaneq
• Sumiiffinni upalungaarsimasunut tunngatillugu pisamut tunngasumik allanik suleqateqarnerup ataqatigiissarlugulu patajaallisarnissaa.

Naatsorsuutigaatsigit:

• Akuerisaasutut misilittagaqartutullu tarnip pissusaa pillugu ilinniarsimasuussasutit
• Inersimasunut katsorsaanermik misilittagaqarsimasuusutit
• Aqutsinermik ilisimasaqartutit ajornanngippat aqutsineq ilinniarsimasuuffigalugu
• Atuartitsinermik avammullu tusarliussinernik misittagaqartuussasutit
• Allanik suleqateqallaqqissuussasutit aammalu ineriartortitsinermut ilisimasaqarluartuullutit
• Nalilersueqatigiinnermut paasisimasaqarluartuussasutit, pitsaassutsimik qulakkeerinnittartoq aammalu data atorlugu ineriartortitsisinnaassusilik
• Arlariinnik oqaaseqartuussaatit (kalaallisut danskisullu)
• Kalaallit inuiaqatigiiussusaannik patajaatsumik paasisimasaqarluassasutit pingaartumik isumaginninnermut attuumassutilinnik.

Iluaqutaassaaq aamma imaassinnaaguit:

• Teknikkikkut pikkoriffeqaruit aammalu onlinekkut katsorsaanernut soqutiginnittuuguit
• Isumaginninnerup iluani inersimasunut tunngasumik aammalu peqqinnissaqarfimmi aaqqissuussaanermut tunngasunut paasisimasaqartuusimaguit
• Nuna tamakkerlugu neqeroorutaasup ineriartortikkiartuaarneranut soqutiginnikkuit.

Neqeroorutigaarput:

• Inuiaqatigiinni pingaarutilimmik ineriartuleruttortuni atorfik pingaaruteqartoq
• Katsorsaavimmut qitiusoqarfiusumut nutaamut ilisimasaqarlualernissat periarfissiissaaq
• Savituumik aammalu pisaq pillugu tamalaanik ilisimasaqaqatigiinnik suleqateqarneq
• Ataavartumik pisaq pillugu ineriartortuarneq ilinniaqqinnerillu
• Sunniuteqarluarluni akisussaaffeqarluartumillu sulineq

Atorfik akunnaatsoq piffissaq tamakkerlugu suliffiusoq (sap-akunneranut 40 tiimit) Nuummi katsorsaavimmi inissisimasoq. Atorfimmut atatillugu angalangaatsiartarnissaq naatsorsuutigineqassaaq.

Atorfik pillugu paasissutissat

Immikkoortortaqarfimmi pisortaagallartoq Naja Lund Kielsen på tlf. +299 34 60 54 imaluunniit e-mail nalk@nanoq.gl allaffigisinnaavat.

Kissaatigineqarpoq 1. September 2025 atorfik inuttalerneqassasoq isumaqatigiissuteqarnikkulluunniit.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfinitsitsinermi akissarsiat inissinneqarneri ilisimatusarsimanermut isumaqatigiissutit malillugit aammalu pisortatut tarnip pissusaanik ilisimasalittut ilinniarsimasutut minnerpaamik ukiut arfinillit misilittagaqareersimanissaq piumasaqaataavoq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk