Nunatsinni Peqqinnissaqarfik aningaasaqarnermut siunnersortimik pissarsiorpoq

Nunatsinni Peqqinnissaqarfik suli pissanganartumik ineriartorpoq, ingerlatsinermi aningaasartuutinik atuilluarnissamillu qulakkeerinissaq, akisussaassuseqartumillu aningaasanik aqutsineq ukkanneqarlutik.

Aningaasaqarnermut pisiniarnermullu immikkoortortaq Peqqinnissaqarfimmi aningaasaqarnikkut misissueqqissaarnerni, aalajangiinissanut tunngavissiornerni aqutsinermilu, Peqqinnissaqarfimmi pisortanut ikorfartuisuuvoq.

Maanna aningaasaqarnermut siunnersortimik pikkorissumik ataatsimik arlalinnilluunniit, qaffasissumik ilinniagalittut immikkut ittunik suliaqartussamik/nik, soqutigisat misilittakkallu apeqqutaallutik makku arlaannik ataatsimik arlalinnilluunniit suliaqartussamik/nik pissarsiorpugut: Aningaasanik aqutsineq nakkutiliinerlu, aningaasartuutissanik missingersuineq, siunissaq ungasissoq isigalugu pisiniarneq aningaasaqarnikkullu siunnersuineq.

Aningaasaqarnermut Pisiniarnermullu immikoortortaq, Peqqinnissaqarfimmi pisortanut siunnersuisarfinnut ilaasoq, katillugit 18-inik sulisoqarpoq. Immikkoortortaq Nuummi allaffeqartoq, nuna tamakkerlugu napparsimmavinnik peqqissaavinnillu sullissiviuvoq.

Qinnuteqartoq naammattunik misilittagalik immikkut siunnersortitut imal. siunnersortaanertut atorfinitsinneqarsinnaavoq. Qaffasissutsimi sumi atorfinikkaluaruit immikkoortortami inerisaanermi Peqqinnissaqarfimmilu aningaasaqarnikkut aqutsinermi ikorfartuinermi pingaarutilittut inissisimassaatit.

Suliassat assigiinngiiaaqaat pingaarnerilli tassaassapput:

• Aningaasartuutissatut missingersuutinut malitseqartitsineq, aningaasartuutissanut missingersuusiorneq

• Nalunaarusiorneq paasissutissanillu pitsaasunik tunngaveqarnissamik qulakkeerineq

• Aningaasaqarnermik misissueqqissaarneq, tamatumunngalu atatillugu aalajangiinissanut ikorfartuutaasussamik aningaasartuutinik misissueqqissaarnerit siulittuutillu

• Siunissaq ungasissoq isigalugu pisiniarneq, isumaqatigiissutinik nakkutilliineq suliassallu neqerooruteqartitsinermut attuumassuteqartut.

• Suliffeqarfik akimorlugu suliassanik aningaasaqarnermut atuumassutilinnik inerisaanerni akisussaaffimmik tigusineq

• Peqqinnissaqarfimmi immikkoortunik allanik suleqateqarnermik pitsaasumik angusaqarfiulluartumillu pilersitseqataaneq

Ajornanngippat ilinniagaqassutsikkut inuttullu makkunannga piginnaaneqarnissat kissaatigaarput:

• Aningaasarsiornermi imal. pisortani allaffissornermi minnerpaamik bachelorinngorsimaneq (ajornanngippat cand. scient. pol., cand. oecon. HD, cand.merc assigisaallu)

• Excelmik misilittagartuutut atuisunut ikiuuttartuuneq 

• Aningaasaqarnermut tunngatillugu sullississutinik misilittagaqarneq

• Sharepoint-imik ilisimasaqarneq

• Allakkatsigut oqaaseqatigiiliullaqqinneq

• Sulianik ingerlatsinermi qaffasissumik pitsaassusilimmik ataatsimut isiginnissinnaanermik siumukarnermillu attassisinnaaneq

• Paasinnissinnaassuseqarluni ataqqinnittumillu suleqatigiissitsisinnaaneq angusaqarsinnaanerlu

Suliffik ulapaarfiusoq eqaatsimilli periuseqarfiusoq, aaqqissuussaanikkut aalajangiinissamut pisariitsumik periarfissiisoq neqeroorutigaarput. Uatsinni illit nammineq suliassanni suliffeqarnermilu inuttut ineriartornissanni annertuumik sunniuteqassaatit immikkoortortamilu aalajangikkanut piginneqataassallutit.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: 1/8-2026 immikkulluunniit isumaqatigiissuteqarnikkut

Qinnuteqarfissaq kingulleq: 7/7-2026

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Aningaasaqarnermut pisortaq Maria Rasmussen, oqarasuaatikkut: (+299) 248948 imal. mailikkut: MRSS@PEQQIK.GL attavigalugu pissarsiarineqarsinnaapput

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.