Fakta
Atorfiup suussusaa: Nunatsinni Peqqinnissaqarfik pigaartuuffissanik pilersaarusiornermi sullississummik atuutilersitsinissamut siunnersortimik pissarsiorpoq
Suliffeqarfik: Kalaallit Nunaanni Peqqinnissaqarfik
Qinnuteqarfissamut killigititaq: 10. februaari
Attavissaq: Jeanette Bjørnestad oqarasuaatikkut +299 553101 imaluunniit e-mailikkut: JELB@PEQQIK.GL
Pigaartuuffissanik pilersaarusiornermi qarasaasiakkut sullississummik (PDC) nutaamik atuutilersitsinissaq nunatsinni Peqqinnissaqarfimmit aallarnisarneqaleruttorpoq, tamatumunngalu atatillugu pigaartuuffissanik pilersaarusiornermik misilittagalimmik teknikkimik digitaliusumik atuinissamut, attaveqarfeqarnermut attaveqatigiinnermullu piginnaaneqarluartumik pissarsiorpugut.
Suleqatigiinnut tunniusimasunut, qaffasissumik pitsaassusilimmik assigiissaakkamillu, suliffeqarfik akimorlugu pigaartuuffissanik pilersaarusiornissamik qulakkeerisussanut ilaalissaatit. Qitiusumik suliuniuteqaqatigiit qanimut suleqatigalugit Peqqinnissaqarfimmi pigaartuuffissanik pilersaarusiornermi sullississummik, peqqinnissaqarfiup iliuusissatut siunniussaanik sapinngisamik pitsaanerpaamik ikorfartuisussamik atuutilersitsinissaq inerisaanissarlu akisussaaffigissavatit.
Suliassatit ilaatigut makkuupput:
- Pigaartuuffissanik pilersaarusiornermi sullissuissummik atuutilersitsiartuaarneq, tamatumunnga atatillugu immikkoortortat assigiinngitsut pigaartuuffissanut pilersaarutaannik pisariaqartitanut naapertuussaaneq aserfallatsaaliinerlu
- Aqutsisut najukkanilu pigaartuuffissanik pilersaarusiortartut, nukissanik qanoq ililluni pitsaanerpaamik atuinissamut ajornannginnerusumik aalajangiisinnaaqqullugit, paasissutissanik pitsaanerusumik atuinissamik qulakkeerineq
- Ilinniartitsissutissanik suliaqarneq ilinniartitsinerlu
- Apeqqutini pigaartuuffissanik pilersaarusiornermut tunngasuni tamani, qullersanik aqutsisunillu siunnersuineq tapersersuinerlu
- Isumaqatigiissutit eqquutsillugit pigaartuuffissanik pilersaarusiornermi maleruagassanik, politikinik aalajangiivigisassanillu pisortaqarfimmut inerisaaneq atuutilersitsinerlu
Pigaartuuffissanik pilersaarusiorneq immikkoortortani tamani suliami qitiuvoq, aammali paasilertoruminaaqaluni. Pigaartuuffissanut pilersaarut pitsaasoq napparsimasup, sulisunik eqqortunik eqqortunik piginnaasalinnik, piffissami eqqortumi sumiiffimmilu eqqortumi naapitsinissaanik qulakkeerissaaq. Tamatumalu peqatigisaanik aningaasartuutissatut missingersukkat eqquutsinneqarnissaat sulisullu nalerisimaarnissaat isumagineqarlutik.
Illit immikkut siunnersortitut periarfissat assigiinngitsut oqimaaqatigiissillugit, inissisimaffiit akisussaaffiillu paasillugu aqutsisunillu pigaartuuffissanik pilersaarusiornermi ikorfartuisinnaaguit, taasaavutit pissarsiariniagarput.
Takorloorparput:
- Pigaartuuffissanik pilersaarusiornermi misilittagartuujusutit
- Naapertuuttumik ilinniagaqartutit – ass. peqqinnissaqarfimi imal. sulisoqarnermut immikkoortumi
- Teknikki digitaliusoq atorlugu periarfissanik aaqqiissutissanillu paasilertuisinnaasutit
- Eqaatsumik periuseqartutit, nunatsinni Peqqinnissaqarfimmi qitiusumik immikkoortunut, minnerpaamik ukiumut marloriarlutit angalasarnissat qilanaarissagit
- Inerisaanissamut periarfissanik takunnissinnaanngorlutit peqqinnissamut tunngatillugu ilinniagaqassutsikkut ilisimasaqartutit
Suliffimmi pimoorussiviusumi ilinniagaqassutsikkut unammilligassanik qitiutitsiviusumi, suliaq isumalik neqeroorutigaarput. Uatsinni sulivimmi pitsaasunik avatangiiseqarnissaq suleqatigiittullu ataqatigiilluarnissaq tamatta suleqataaffigaarput.
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: 1. marts 2026 immikkulluunniit isumaqatigiissuteqarnikkut
Qinnuteqarfissaq kingulleq: 10. februar 2026
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Siunnersortaaneq, Jeanette Bjørnestad oqarasuaatikkut: (+299) 553101 imal. mailikkut: JELB@PEQQIK.GL attavigalugu pissarsiarisinnaavatit.
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
Atorfik una qinnuteqarfigiuk
