Nunatsinni Peqqinnissaqarfik qarasaasiarsornermi siunnersortimik/immikkut siunnersortimik pissarsiorpoq

Silassorissumik teknikkimut tunngasunik paasisimasaqarluartumik, oqarasuaatikkut, nalininnaasumik ikiuunnerni, suliniutini kiisalu nunatsinni Peqqinnissaqarfimmi qarasaasiarsornermik annertusaanissami ikiuunnissamut kajungertumik pissarsiorpugut.

Nunarput tamakkerlugu Peqqinnissaqarfimmi Danmarkimilu suleqatit pikkorissut ilungersorlutillu sulisut 1600-it sinneqartut ulluinnarni ulapaarfiusuni qarasaasiarsorsinnaaneq pisariaqartippaat.

Qarasaasiarsornermi Digitalinngorsaanermilu immikkoortumi, qarasaasiarsornermi pilersuisut suleqatigalugit, nunarput tamakkerlugu pitsaaliuinerup nakorsaanerullu ullutsinnut naleqquttumik ingerlanneqarnissaa peqatigiilluta qulakkeersinnaajumallugu, ulluinnaat oqinnerulersinniarsaraagut.

Sullississutit ulluinnarni naapittarumaagassavit ilamininngui tassaapput:

• Nakorsaanermi sullississutit: Cambio Cosmic, BCC Lab, SECTRA, Apovision, Topcon, Auditbase allarpassuillu.

• Microsoft 365: Officepakki internetsikkut qarasaasiamilu sullississutitigut kiisalu SharePoint aamma Teams.

• Paasissutissanik paarlaasseqatigiiffiit: Kabelit atorlugit atornagillu qarasaasiat ataqatigiiaat qarasaasiarsornermi atortorissaarutinik Cisco-meersunik tunngavillit kiisalu suliffitsinni sumiiffiit avinngarusimasumiittorpassuit akornanni teknologi pilertortoq isumannaatsorlu (MPLS). Pilersaarusiorneqarneranni ingerlatsinermilu peqataaffigisinnaasannik nutarteringaatsiartussaassaagut.

• Qarasaasianik piareersaaneq atorsinnaanissaannillu qulakkeerineq: Qarasaasiarsornermi sullississutinik (EasyInstall) pitsanngorsaaneq atuutilersitsiartuaarnerlu.

• Zendesk aamma ID Connect- aqqutigalugit allaffissornikkut ingerlatsineq sulianillu aqutsineq

Illit

Qarasaasiarsornermi siunnersortitut nakorsaanermik sulialinnut Peqqinnissaqarfimmilu pisortanut siunnersuisarfimmi suleqatinnut, qarasaasiarsornermi ajornartorsiutit aaqqiivigineqarnissaannut atortunillu nutaanik pisariaqartitanut nalimmassaallunilu ikkusuinissani ikiuutissaatit. Ilinniagaqassutsikkut tunuliaqutarisatit apeqqutaallutik suliniutini minnerusuni annerusuniluunniit peqataasinnaassaatit.

PowerShell-scripting-ip sakkutut atornissaa immikkut piginnaaneqarfigigukku imal. sullississummik SharePoint-imik ikkussineq aqutsinerlu pikkoriffigigukkit, immikkut pissanganaatilinnik allanik suliassaqartippatsigit. SharePointip periarfissarpassui atuisunut paasinartumik nassuiarsinnaagukkit, immikkoortortami avataanilu suleqatinnit kakkagineqassaqaatit!

Ilinniartitaanikkut tunuliaqutarisat tassaasinnaavoq qarasaasiarsornerup ajornartorsiutitaqanngitsumik ingerlanissaanik qulakkeerisussaq, immaqa datateknikeritut ilinniaqqissimavutit. Immaqa digitalinngorsaanermi qarasaasiarsornermilu ingerlatsinermi ilinniargartuujusinnaavutit sulinermilu misilittagaqarlutit.

Qarasaasiarsornermi pilersuisunik attaveqaqarnissaq uppernarsaanissarlu eqqarsaatigalugit minnerpaamik danskit oqaasiinik atuillutillu allassinnaasariaqarputit. Marluinnik- kalaallisut danskisullu oqaaseqaruit iluaqutaassaqaaq. Teknikkimut tunngatillugu tuluit oqaasii paasisinnaassavatit.

Qinnuteqartut piginnaaneqartut immikkut naliliivigineqareernikkut immikkut siunnersortitut atorfinissinnaassapput.

Neqeroorutigaagut

Ilinniagaqassutsikkut unammillerneqarnissaq ujartorukku, alapernaatsuuguit atituumillu suliassaqarfeqarneq iluarigukku, taava nunatsinni Peqqinnissaqarfimmi atorfininnissaq ilinnut naleqquttuussaaq.

Neqeroorutigaagut:

• Suleqatinit qarasaasiarsornermi immikkoortumeersunit napparsimasullu pillugit qarasaasiakkut nalunaarsuiffimmut tunngatillugu allaffimmeersunit suliassat pillugit paasissutissinneqarneq siunersioqateqarnerlu

• Unammilligassat suliniutillu assigiinngitsorpassuit pissanganartullu

• Sullivimmi avatangiisit inuttut inuunerup sulinerullu oqimaaqatigiinnissaannik ukkassiviusut

• Pikkorissarnissanut ilinniaqqinnissamullu periarfissaqarneq

Qarasaasiarsorneq digitalinngorsaanerlu

Qarasaasiarsornermi ingerlatsinerup, peqqinnissamut tunngatillugu qarasaasiakkut sullississutinik tamanik napparsimasullu pillugit qarasaasiakkut nalunaarsuiffimmik ajornanngitsumik sunniuteqarluartumillu atuisinnaanissap aalajaatsuullunilu isumannaatsuunissaa qulakkeerniarlugu, qarasaasiarsornermi sullississutinik ingerlatsineq, ikiuunneq inerisaanerlu isumagisaraagut. Qarasaasiarsornermi qullersaq ingerlatsinermilu qullersaq aqutsisuupput.

Qarasaasiarsornermi Digitaalinngorsaanermilu immikkoortoq Peqqinnissaqarfimmi pisortanut siunnersuisoqarfiuvoq qarasaasiarsornermi ingerlatsinermut kiffartuussinermullu immikkoortulik, tassanilu aaqqissuussaanikkut ingerlatsinermi qullersap, napparsimasut pillugit qarasaasiakkut nalunaarsuiffimmut tunngatillugu allaffiup (ikiorsiisarfiullunilu inerisaaviusup) kiisalu digitalinngorsaanermut allaffiup ataanni inissisimassaatit. Siunnersuisarfimmi sulisut tamaasa qanimut suleqatigissavatit.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: 1/8-2026 immikkulluunniit isumaqatigiissuteqarnikkut

Qinnuteqarfissaq kingulleq: 16/7-2026

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Ingerlatsinermi qullersaq Vagn Hansen oqarasuaatikkut: (+299) 58 66 16 imal. mailikkut: VHAN@PEQQIK.GL /imal. qarasaasiarsornermi qullersaq André Just Vedgren oqarasuaatikkut: (+299) 58 54 28 imal. mailikkut: ADRE@PEQQIK.GLattavigalugit pissarsiarineqarsinnaapput.

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.