Nunatsinni Peqqinnissaqarfik siunnersortinik/pigaartuuffissanik pilersaarusiortartunik pissarsiorpoq

Pigaartuuffissanik pilersaarusiornermi qarasaasiakkut sullississummik PDC-VagtPlan-imik nutaamik atuutilersitsinissaq nunatsinni Peqqinnissaqarfimmit aallarnisarneqaleruttorpoq, tamatumunngalu atatillugu pigaartuuffissanik pilersaarusiornermik misilittagalinnik, teknikkimik digitaliusumik atuinissamut, attaveqarnermut attaveqatigiinnermullu piginnaaneqarluartunik pissarsiorpugut.

Pigaartuuffissanik pilersaarusiornermi sullississummik nutaamik pingaarutimmik, assigiiaamik qaffasiussumik pitsaassusilimmik, nunarput akimorlugu qulakkeerisussamik pilersitsinermi, peqataanissamut periarfissinneqassaatit. Qitiusumik suleqatigiinni suleqataasutut PDC-VagtPlan-ip atuutilersinneqarnerani kingornalu pigaartuuffissanik pilersaarusiornermut tunngatillugu ingerlatsinermi, ikorfartuinermi inerisaaqqinnermilu pingaarutilimmik inissisimassaatit.

Atorfineqqaarninni sullississummik atuutilersitsinermi, tamatumunngalu atatillugu immikkoortortani ataasiakkaani  pigaartuuffissatut pilersaarutini qarasaasiap suleriaasissaanik ilusiliinermi, naleqqussaanermi ikorfartuinermilu, qanimut akuutinneqassaatit. Sullississut atorneqalerpat, PDC-VagtPlan-ip atorluarneqarnissaanik, aqutsisunik immikkoortortanilu pigaartuuffissanik pilersaarusiortunik siunnersuinikkut, suleriaatsinik aaqqiissutissanillu inerisaaqqinnissamik qulakkeerinikkut pingaarutilimmik inissisimanerit attatiinnassavat.

Pineqartut tassaapput Nuummi ataavartumik atorfiit.

Suliassatit ilaatigut makkuussapput:

• PDC-VagtPlan-imik atuutilersitseqataaneq, tamatumunngalu atatillugu qarasaasiap suleriaasissaanik ilusiliineq, sullississummik ikkussineq immikkoortortallu ataasiakkaat pisariaqartitaannut naleqqussaaneq

• Suleriaasissanut nutaanut ikaarsaarnissamut ikorfartuineq sullississutillu suliffeqarfimmi aallaaveqarnissaanik qulakkeerineq

• Aqutsisunik najukkani pigaartuuffissanik pilersaarusiortartunik PDC-VagtPlan-imik atuinissaannik siunnersuineq tapersersuinerlu

• Pigaartuuffissanik pilersaarusiat pitsaassusissaannik qulakkeerineq, suliffissatut maleruagassanik, isumaqatigiissutinik najukkanilu isumaqatigiissutinik eqquutsitseqataaneq

• Sulisussanut periarfissanullu tunngatillugu aalajangiinissamut aqutsisut pitsaanerusumik tunngavissinniarlugit, pigaartuuffissanik pilersaarusiornermit paasissutissanik atuilluarnissamik qulakkeerineq

• Pigaartuuffissanik pilersaarusiornissamut ilitsersuussiorneq ilinniartitsissutissanillu suliaqarneq, pisariaqartitsinerlu naapertorlugu ilinniartitsineq

• Suleriaatsinik, toqqammavissanik maleruagassanillu assigiissakkanik inerisaaqataaneq pitsanngorsaaqataanerlu

• Pigaartuuffissanik pilersaarusiornermi ajornartorsiutit paasilertoruminaatsut pillugit pisortanik, qullersanik aqutsisunillu siunnersuineq siunersioqateqarnerlu.

Pigaartuuffissanik pilersaarusiorneq immikkoortortani tamani suliassat qiteraat, paasilertoruminaapporli eqqarsaatigisassat amerlammata oqimaaqatigiissaarniagassat.

Pigaartuuffissanut pilersaarusiaq pitsaasoq, napparsimasut eqqortunik piginnaanilinnik piffissami eqqortumi sumiiffimmilu eqqortumi sulisoqarnissaannik qulakkeerissaaq. Tamatuma peqatigisaanik aningaasaqarneq, ingerlatsineq, sullivimmi avatangiisit sulisullu nalerisimaarnissaat ilanngullugit eqqarsaatigineqassapput.

Aaqqissuussineq, aaqqiissutissanik nassaarneq, pilersaarusiornerni paasilertoruminaatsuni aqutsisunik sulisunillu ikorfartuineq iluaraatit. Teknikki digitaliusoq atorlugu suliaqarnermit, suliffeqarfik akimorlugu ataatsimut suleriaatsinik nutaanik pilersitseqataanermit pimoorussilersinneqarputit.

Takorloorparput:

• Ajornanngippat ingerlatsivimmi paasilertoruminaatsumi pigaartuuffissanik pilersaarusiorneq misittagaqarfigigit

• Pigaartuuffissanik pilersaarusiornermi sullississutit elektroniskit ajornanngippallu PDC-VagtPlan imal. taamaaqataat misilittagaqarfigigitit

• Digitalimik sullississutit, qarasaasiap suleriaasissaanik ilusiliineq naleqqusaanerlu soqutigigitit ajornanngippallu misilittagaqarfigigit

• Pigaartuuffissanik pilersaarusiornermik, qaqugu qanorlu annertutigisumik sulinissamut maleruagassat, isumaqatigiissutit ingerlatsinerullu ataqatigiinnerannik paasinnittutit

• Pilersaarusiornermut, ataqatigiissaarinermut pitsaassutsimillu qulakkeerinermut tunngasut piginnaaneqarluarfigigitit

• Suliffeqarfik akimorlugu siunnersuineq, ilinniartitsineq suleqatigiinnerlu iluarigitit

• Aaqqissuussamik suleriaaseqartutit, namminersorsinnaasutit suliat immikkuualuttortaannut tappissuussutit ataatsimullu isiginnissinnaasutit

• Angalasarnissaq eqaatsumik periuseqarfigigit

Iluaqutaassaaq:

• Peqqinnissaqarfimmit misilittagaqarneq

• Suliniutinik atuutilersitsinernik imal. aaqqissuussaanikkut allannguinernik misilittagaqarneq

• Sullississutinik digitaliusunik, atuisunik misilittagartuunillu atuisunut ikiuuttartunik ikorfartuinermik misilittagaqarneq

• Sulinermut atatillugu maleruagassanik isumaqatigiissutinillu ilisimasaqarneq

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: 1/10-2026 immikkulluunniit isumaqatigiissuteqarnikkut

Qinnuteqarfissaq kingulleq: 25/8-2026

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Siunnersortaaneq, Jeanette Bjørnestad oqarasuaatikkut: (+299) 553101 imal. mailikkut: JELB@PEQQIK.GL attavigalugu pissarsiarineqarsinnaapput

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.