Nunatsinni Peqqinnissaqarfimmi qullersanut allatseqarfik pisortassarsiorpoq

Qullersanut siunnersuisarfimmi pingaarutilimmi, qullersanut qanittumi siuttoorusuppit, Peqqinnissaqarfiullu siunissaanik ilusileeqataallutit? Taamaassappat nunatsinni Peqqinnissaqarfimmi qullersanut allatseqarfimmi pisortatut atorfininnissannut periarfissaqarputit.

Aqutsisumik pilersaarusiorsinnaassusilimmik piumassusilimmillu, pisortat allaffissornikkut ingerlatsiviinit misilittagartuumik, suleqatigiinnermik ilinniagaqassutsimillu qaffasissumik pitsaassusilimmik inerisaanermik soqutiginnilluinnartumik, pissarsiorpugut.

Atorfik

Allaffimmi pisortatut, qullersat allatseqarfiannik ulluinnarni ingerlatsinermut anguniagassanillu inerisaanermut, pingaarnertut akisussaasuussaatit. Sulisut tallimat arfineq pingasullu akornanniittut akisussaaffigissavatit, qullersanullu aqutsisunullu allanut kiffartuussinermik kinguneqarluartumik qaffasissumillu pitsaassusilimmik qulakkeerinissamut pingaarutilimmik inissisimaffeqassallutit. Tamatuma saniatigut pisortaanermut allattaassaatit.

Suliassat assigiinngiiaarput, ataatsimut isiginnissinnaanermik-, politikkikkut eqqortumik iliorsinnaanermut piginnaanermik- suliassanillu assigiinngitsorpassuarnik aallartissimasanik naammasserusussuseqarnermik piumasaqaatitaqarlutik:

• Sulisunik aqutsineq suleqatigiinnillu inerisaaneq.
• Aqutsineq allatseqarfimmillu kiffartuussineq.
• Inatsisilerineq maalaarutinillu isumaginninneq.
• Attaveqatigiinneq sakkugalugu ingerlatitseqqiineq.
• Aqutsinermi sakkussanik nalunaarusiorneq, aalajangiinissamut siunnersuutinik tusarniaanernilu akissutinik suliaqarneq.
• Siunnersuisoqatigiinnik, ataatsimiititalianik aqutsisoqatigiinnillu ataqatigiissaarineq.
• Pitsaassutsimik qulakkeerineq, sullivimmi avatangiisit piginnaasanillu inerisaaneq.

Ilinniagaqassutsit tunuliaqutaralugu Peqqinnissaqarfik tamakkerlugu allaffissornikkut ingerlatsinermi siunersioqataasassaatittaaq ajornartorsiornermilu ikorfartuisuussallutit. Atorfik aaqqissuussaanikkut pisortaanerup ataani inissisimavoq.

Illit

Nukittuujullutillu ataatsimoortitsisuuvutit, suliffeqarfimmi politikkikkut aqutami akisussaaffimmit, suleqatigiinnermit sulianillu paasilertoruminaatsunik suliaqarnermit kajungilersinneqartoq. Aaqqissuussamik suleriuseqarputit ataatsimullu isiginnillutit siunissamut pilersaarusiorsinnaallutit – siunnerfiliisinnaavutit angusaqarsinnaassuseqarlutillu.

Takorloorparput:

• Naapertuuttumik qaffasissumik ilinniagaqartutit (ass. inuiaqatigiit imal. peqqinnissaq pillugu ilisimartusarsimasoq).
• Aqutsisunut kiffartuussinermik, sulisoqarnermut tunngasunik, allatseqarnikkut kiffartuussinermik pisortanilu ingerlatsinermik misilittagalik.
• Uppernarsaatissartalimmik aqutsinermik misilittagalik immaqalu aqutsisutut ilinniarsimasoq.
• Nunatsinni inuiaqatigiinnit Peqqinnissaqarfimmiillu misilittagalik imal. ilisimasalik.
• Attaveqatigiinnermik nukittuffilik, imminnut akerleriinnik piumaffigineqarnermi iliuuseqarsinnaasoq siumukarnissamillu qulakkeerisinnaasoq.
• Ulluinnaat allanngorartuunerannik iluarinnittoq, siunnerfiliisussaallunilu nammineq ulluinnarni suleqataasussaq.

Neqeroorutigagut

• Aqutsisutut atorfik isumaqarlunilu inuiaqatigiinni pingarutilik.
• Qullersanik suleqatinillu ilinniagaqassutsikkut pikkorissunik qanimut suleqateqarneq.
• Suliffimmi paasilertoruminaatsumi pissanganartumilu inerisarnissamut periarfissagissaarneq.
• Nunatsinni illoqarfiit pingaarnersaanni Nuummi – sunngiffimmi - kulturimullu tunngatillugu periarfissarpassualimmi sulineq.
• Atorfininnermi atugassarititaasut.
• Atorfik akissaateqarfimmi 38-imi inissisimavoq, qaammammullu akissarsiassallutik 56.370 koruunit missaat (1. april 2021).
• Tunngaviusumik isumaqatigiissut naapertorlugu atorfinitsitsisoqassaaq.
• Maleruagassat atuuttut naapertorlugit inissamik pequsersoriikkamik innersuussisoqarsinnaavoq.
• Isumaqatigiisut naapertorlugu pisattat angallanneqarnissaannut pisinnaatitaaffeqarneq atorfininnermullu atatillugu angalanernut aningaartuutinut akiliunneqarneq.
• Sap. ak. nal. ak. 40 suliffiusarput, nalunaaquttallu ak. suliffiusussat killiligaanatik.
• Atorfininnissamut atatillugu innuttaasunut Nunat Avannarliit avataanneersunut sulisinnaatitaanermut najugaqarsinnaanermullu atuuttumik uppernarsaateqarnissaq piumasaqaataavoq.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput

Sulilerfissaq: Sapinngisamik piaarnerpaamik

Qinnuteqarfissaq kingulleq: 17. august 2025

Qinnuteqartunik oqaloqateqarnerit: Sap. ak. 34-mi ingerlanneqarnissaat naatsorsuutigineqarpoq – internetsikkut aamma oqaloqatigiittoqarsinnaavoq

Attavissaq

Atorfik pillugu paasissutissat: Pisortaaneq Tina Amondsen oqarasuaatikkut: +299 54 78 67 imal. mailikkut:– TIAM@PEQQIK.GL aamma/imal. allatseqarfimmi pisortaagallartoq James Bech oqarasuaatikkut: +299 34 46 15 imal. mailikkut: jjkb@peqqik.gl attavigalugit pissarsiarineqarsinnaapput.

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.dk aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk