Nunatta isiginnaartitsinermik Ilinniarfiani ilinniartunut akisussaasoq

Ilinniartitaanerup isiginnaartitsisartunillu ilinniartitsinerup iluani aqutsisutut ineriartornissamut periarfissiisumik atorfimmik ujaarlerpit? Inuussutissarsiorfimmi ineriartortumi inuusuttunut siunnerfileeqataarusuppit? Piginnaasanik ineriartortitsisut, ilinniartitsisut pikkorissut, ingerlatsiviup unammilligassai pitsaassutsimillu siunnerfilimik siuariartortitsinissamik aqutsinissamut sapiissuseqarpit?

Ineriartorfimmeeqataanissamut immikkut periarfissaqarputit. Isiginnaartitsisartuuneq nunarsuaq tamakkerlugu allanngoriartorpoq, tamannalu isiginnaartitsisartunngorniarnermut malunniuppoq. Ilinniakkap qaffasinnerulernissaa aallartisareernikuuarput, illillu ilinniarfimmi akisussaasutut tamatuma siunissaanik tunngavileeqataajumaarputit. 2025-mit Bacheloritut qaffasissusilimmik ilinniartitaasoqartalertussammat. Tamanna ilinniakkap imarisaanut ilinniarnerullu avatangiisaanut annertuumik annertuumik piumasaqaateqarfiuvoq.

Atorfimmut tunngasut

Ineriartortitsineq allannguisoq annerusumik aqutsisuuffigissavat ilinniarfiup administratoria, isiginnaartitsisarfiup pisortaa aamma administratoria peqatigalugit. Taakku ilittulli ilinniartitsinermik, ineriartortitsinermik ilinniakkallu qaffasissuunissaannik pingaartitsisuupput, ataatsimoorlusi ilinniartut pikkorilluinnartut eqqumiitsuliortutut ineriartornerat akisussaaffigissavasi.

Ilinniarfimmi administratori peqatigalugu isiginnaartitsinermik ilinniarfik tallimanik ilinniartulik aqutsisuuffigissavt. Ilinniarfik Nuummiippoq, tassanilu aqutsisuullutillu siunnerfilersuisuussaatit.

Akisussaaffiit ilaatigut ukuupput:

• Ilinniarnerup ilusaanik, sammisassanik, susassaqarfinnik, ilinniarfiup aaqqissuuteqqissaarneranik (studieordning) ineriartortitseqqiineq.
• Pilersaarusiornerit, ilinniagassatullu angunniakkat anguneqarnissaannik qulakkeerisoq.
• Ilinniartitsineq, atorfimmi sulinerup 30%-iata missaa ilinniartitsinermut ilinniartitsinissamullu piareersarnermut atorneqassaaq.
• Ilinniartut isiginnaartitsinerinik, paasisassarsiorlutik angalanerinik, workshopinik i.il. pilersaarusiorneq ingerlatsinerlu. fondinut qinnuteqaasiornerit ass.
• Aningaasaqarnermik aqutsineq allaffissornerlu
• Ilinniartitsisussarsiorneq atorfinitsitsinerillu Isiginnaartitsisarfiup pisortaa Isiginnaartitsinermik ilinniarfiup administratoria suleqatigalugit isumasioqatigiinnerit, ilinniartitsinermullu pitsaassutsinik qulakkeerinninnerit
• Ilinniartunik siunnersuinerit, killiffissiuinerillu

Naatsorsuutigaarput:

· Tamakkiisumik takunnillaqqissuussatit, aaqqissuussillaqqissoq, iliuuseqapallassinnaassuseqartorlu

· Eqqumiitsuliornerup tungaatigut ilinniartitaanerullu tungaatigut misilittagaqarluartuusutit

· Aqutsisinnaasutit kaammattuinermik, tatiginassutsimik piumassusermillu pilersitsilluarsinnaasoq

· Aaqqissuussinikkut aningaasaqarnikkut, allaffissornikkullu pikkoriffeqarnissat

· Eqqumiitsuliornikkut pædagogiskimillu ersarissumik anguniakkamik pinngortitsisinnaassasutit

· Nammineq ujartuillutit suliaqarsinnaasoq, suleqateqallaqqissinnaasoq, isumassarsillaqqissorlu.

· Minnerpaamik Bacheloritut ilinniagaqarsimanissat.

Uagut neqeroorutigisinnaasagut

· Atorfik pissanganartoq, aqutsisuuffik tamatigoortoq ineriartortitseqataanissamut periarfissaqarluartoq

· Suliffeqarfik tunniusimalluarfiulluni nutaaliorfiusoq

· Qanimut suliffimmut tunniusimalluartunik suleqateqarneq, ilinniartunik, suliaqarfinnilu attaveqaatit siammasissut

· Atorfimmut tunngatillugu eqaatsumik atugassarititaasunik pingaartitsiffiusoq.

Atorfeqartitaanermi atugassarititaasut

Atorfik tamakkiisuuvoq aallartiffissatullu takorloorneqarluni 1. september 2025

Aningaasarsiat atorfeqarnermilu atugassarititat atorfinitsitsinermi piginnaasat, ilinniarsimaneq, misilittakkallu immikkut isumaqatigiissuteqarnikkut atorfinitsitsisoqassaaq. Soqutiginnippit? Atorfiup imarisaa annertussusialu pillugit paasissutissat erseqqinnerusut isiginnaartitsisarfiup pisortaanut ilinniarfimmilu pisortamut Vivi Sørensen-mut oqarasuaat +299 381381 imaluunnit allagaqarlutit vivi@nuis.gl pissarsiarineqarsinnaapput.

Qinnuteqaat ilinniarsimanermut uppernarsaatit, sulisimanermullu oqaaseqaatit ilanngullugit isiginnaartitsisarfiup pisortaanut Vivi Sørensen vivi@nuis.gl aamma Isiginnaartitsisarfiup tullersortaanut Karl Villiam Jeremiassen karl@nuis.gl – mut nassiunneqassapput.