Nunatta Pinngortialeriffiani postdoc ilisimatusartumik timmissat inaanni peqassusermik misissuisartussamik pissarsiorpoq

Nunatsinni Pinngortitaleriffik miluumasut timmissallu immikkoortortaqarfianni postdoc ilisimatusartumik 1. juni 2026 aallarnerfigalugu kingusinnerulaakkulluunniit sulilersussamik pissarsiorpoq.

Nunatta Pinngortitaleriffia Nunatsinni Namminersornerullutik Oqartussaqarfiup ataani namminersortuuvoq. Uumasut alaatsinaallugit, ilisimatusarfigalugit, ilisimatusarnikkullu siunnersuiffigalugit, aammalu avatangiisitta uummassusillillu assigiinngissitaarnerat piujuartinneqarnissaallu sulissutigisarlugu.

Immikkoortortaqarfiup uumasut imarmiut nunamiittullu piniarneqartartut, avatangiisaasalu ataqatigiinnerat siunnersuiffigalugit, uumasullu alaatsinaanneri suliarisarpaat.

Atorfimmi aallunneqartarput

Atorfiup pingaarnertut anguniagassaraa, Nuup eqqaani qupaloraarsoqarneranik paasissutissanik katersilluni aaqqissuussaasumik misissueqqissaarnissap ingerlanneqarnissaa. Innuttaasullu susasaqartullu ilanngullugit peqatigalugillu paasissutissanik katersisoqartarnissaanik piorsaasoqartussaavoq, paasissallu inuusuttunut ilisimatusartunullu ilinniartitsinermi atortagassanngortinneqartussaassapput.

Postdocilerisup qupaloraarsuit peqassusaannik nalunaarsuutinik aaqqissuussineq, misissueqqissaarnerlu akisussaaffigissavai, saniatigullu siunissami ingerlaavartitsiinnarnissamut avataanut sakkussanik qinnuteqaasiornernik akisussaaffeqassalluni. Suliffeqarfik sulianik nammineq ingerlatanik ineriartortitsinissamik periarfissaqartitsivortaaq.

Suliassat

• Qupaloraarsuit inaannik pilersaarusiorlunilu pilersitsineq.

• Innuttaasut allallu attuumassutillit peqatigalugit paasissutissanik malitassanik ikkussuinermik pilersitsineq, ilinniartitsinerlu.

• Siunissami ingerlaavartitsiinnarnissamut avataanut sakkussanik qinnuteqaasiorneq.

• Nalunaarsuutinik katersinermik allattuinikkut ineriartortitsineq.

• Suliffiup avataani ilisimatusarnikkut suliaqarneq aaqqissuussineq, taamatullu nalunaarsuutinik katersineq.

• Nalunaarsuutinik misissueqqissaarneq aammalu ilisimatusarnikkut ilanngutassianik nalunaarusiamillu suliaqarneq.

• Aningaasaliisartunut nalunaarusiorneq.

• Pinngortitaleriffiup iluani suliasanik allanik tunineqarsinnaaneq.

Pisinnaasat

Pinngortitamik ilisimatusarnikkut ingerlariaqqiffiusumik ilinniarsimasumik taamatullu ph.d. angullugu ilinniagaqarsimasumik atorfinittussamik kissaateqarpugut. Qinnuteqartoq nunani issittuni illoqarfimmi pinngortitallu avatangiisaanni timmissanik qitivittartunik peqassusaannik misissuutikkut alaatsinaannermik misilittagaqarluassaaq. Innuttaasunut paasissutissiinikkut ilinniartitsinermillu misilittagaqarnissaq, avataaniilli sakkussanik katersineq, ilisimatusarnikkullu saqqummiussisinnanermik piginnaasaqarneq iluaqutaassaaq.

Immikkut pingaartitaraagut:

• Nunani issittuni assigisaaniluunniit timmissat qitivittartut ineqarfiini angisuuni paasissutissanik katersisarsimanermik alaatsinaannermillu misilittagaqarneq.

• Paasissutissanik innuttaasunik akuliutsitsinerit immikkullu suliaqarneq pillugu avammut saqqummiussisinnaanermik misilittagaqarneq.

• Nunatsinni nunaniluunniit issittuni allani asimi timmissanik ilisimatusarnermik suliaqarnikkut, kisitsinikkullu periutsinik, nalunaaqutsersuinikkullu misissugassanik tigooqqaanermik misilittagaqarnissaq.

• Ilinniartunut siunnersuinermik ilinniartitsinermik taamatullu ilinniartitsinissamut pilersaarusiorsinnaanermik milittagaqarneq.

• Avataanit aningaasalersorneqartumik misissuinernik paasissutissanillu katersinertigut sulianimik iluatsilluarsimasumik takussutissaqartitsinissaq.

• Nunani tamalaani ilisimatuussutsikkut saqqummersitsisarfinni saqqummiussisarsimanissaq.

Qinnuteqartoq tuluttut oqalulluarsinnaallunilu allalluarsinnaassaaq. Nunarput inoriaaserpullu pillugu ilisimasaqarneq iluaqutaassaaq.

Aningaasarsiatigut atorfinitsitaanermilu atugassarititaasut 

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Nuummi atorfeqassaaq. Assersuutigalugu asimi sulinermut ataatsimiinnernullu atatillugu angalangaatsiartarnissaq naatsorsuutigineqartariaqarpoq.

1. juni 2026 kingusinnerusukkulluunniit atorfinitsitsisoqassaaq.

Sapaatip-akunneranut sulineq nalunaaquttap akunnerini 40-nik sivisussuseqarpoq.

Atorfik ukiuni marlunnik sivisussusiligaavoq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat

Atorfik pillugu paasisaqarnerorusukkuit ilisimatusartuuneq Nicholas Huffeldt, nph@natur.gl, +299 361246 attavigisinnaavat.

Qinnuteqarnissamut ulloq killigititaq: 20. maj 2026

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.