Nuuk Internationale Friskole (NIF) atuarfimmi allatsissarsiorpoq

piaartumik imaluunniit isumaqatigiissuteqarnikkut sulilersussamik. 

Nuuk Internationale Friskolemi allaffissornikkut suleqataalissaatit. Atuarfiup allattaatut atorfeqarnerpit saniatigut atuarfiup pisortaa, tullersortaa, atuareernerup kingorna paaqqinnittarfiup NUAN-ip pisortaa kiisalu immikkoortortani pingasuni aqutsisut suleqatigilissavatit.

Suliassat assigiinngiiaarput, qinnuteqartullu eqqortup ulluinnarni sulinini suliassanilu ilaatigut eqaannerusumik aaqqissuussinnaavai.

Atorfik tamakkiisuuvoq, taamaakkaluartoq allatut aaqqissuinissamut periarfissaqarpoq, suliassat naatsorsuutillu naammassineqarsinaappata. Atorfik piffissaq tamakkerlugu suliffiuvoq, qinnuteqartorli eqqortoq naapertorlugu naleqqussarneqarsinnaalluni, suliassat naatsorsuutigisallu naammassineqarsinnaappata. 

Ilinniakkatigut inuttullu makkuninnga piginnaasaqarnissat kissaatigaarput:

•       kiffartuussiumatunissat, suleqatikkuminartuunissat naleqqussarsinnaasuunissallu

•       meeqqanik avatangiiseqarneq nuannarissagit

•       avatangiisini ilaanni ulapaarfiusinnaasuni sulisinnaassasutit

•       suliassaqarfiit nutaat pulaffiginissaat piumassuseqarfigissagit

•       kalaallisut qallunaatullu oqalussinnaassasutit

•       misiginneqataasinnaasoq suleqateqarnissamullu piginnaasaqartoq

•       suligasuarsinnaassasutit, tatitussasutit, aaqqiissutissanik nassaarsiorsinnaassasutit suliallu arlallit ataatsikkut ingerlassinnaassagitit

Taava makku neqeroorutigisinnaavagut:

•       suliffeqarfik pissanganartoq ineriartortuartoq

•       suleqatit pikkorissut peqatigiillutik nukittuut

•       avatangiisit nuannersut suliassanik paasisimasaqarnermik, suleqatiginninnermik sulianillu aallussinerujussuarmik sunnerneqarsimasut

•       suliffeqarfik aamma sunniuteqarfigisinnaasat

Kikkuuvugut...

Nuuk Internationale Friskole, ulluinnarni NIF-imik taaneqartartoq, suliassanik paasisimasaqarneq atugarissaarnissarlu pingaartitaralugit atuarfiuvoq.

Atuarfipput 200-t missaanik atuartoqarpoq 33-nillu sulisoqarluni. NIF-imi atuartut 1. klassimiit 10. klassimut ataatsimik sammiveqarput.

Atuarfiuvugut ineriartornermik qitiutitsisut. Kikkut tamarmik ataasiakkaanut inissaqartitsisumik, nuannersumik avatangiiseqarnissamut, akisussaassuseqarnermut ataqqeqatigiinnermullu suleqataapput.

Atuarfiuvugut atuartut, angajoqqaat sulisullu atuarfiup ingerlanneqarneranik ineriartortinnissaanillu pimoorussisut. Pingaartitavut tassaapput ataatsimoorneq, tatiginninneq, pissuserissaarneq kiisalu angusaqarluarusunneq.

Atorfik pillugu annertunerusumik paasisaqarusukkuit atuarfiup pisortaa Pilo Samuelsen uunga saaffigisinnaavat: + 299 38 25 01.

Qinnuteqaat oqaaseqaatinik attuumassutilinnik, soraarummeersimanermut uppernarsaatinik cv-millu imalik nassiunneqassaaq uunga: Nuuk Internationale Friskole, Box 1226, 3900 Nuuk, imaluunniit e-mailikkut: pilo@nif.gl

Qinnuteqarnissamut killigititaq: oktobarip 19. 2026 nal. 12.00.

Akissarsiat atorfeqartitaanermilu atugassarititaasut isumaqatigiissut atuuttoq naapertorlugu pissaaq. Atorfimmut atatillugu meeqqanik pinerliisimannginnermut uppernarsaat inatsit atuuttoq naapertorlugu piniarneqassaaq.

Atorfimmut atatillugu inissaqartitsisoqanngilaq.